ಮೆಡಿಕಲ್​ ಶಾಪ್​​​ ಮಾಲೀಕನ ಮೇಲೆ ಮಾರಕಾಸ್ತ್ರ ಬೀಸಿ ದರ್ಪ: ಅಪ್ರಾಪ್ತ ಸಹಿತ ಇಬ್ಬರು ವಶಕ್ಕೆ - Medical Shop Owner Threatened

ಮೆಡಿಕಲ್​​​ ಶಾಪ್​ಗೆ ನುಗ್ಗಿದ ಪುಂಡನೊಬ್ಬ ಹಣಕ್ಕಾಗಿ ಅಂಗಡಿ ಮಾಲೀಕನ ಮೇಲೆ ಮಾರಕಾಸ್ತ್ರ ಬೀಸಿ ದರ್ಪ ತೋರಿಸಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ಬೆಂಗಳೂರು:ಹಾಡಹಗಲೇ ಮೆಡಿಕಲ್​​​ ಶಾಪ್​​​ ಮಾಲೀಕರೊಬ್ಬರ ಮೇಲೆ ಮಾರಕಾಸ್ತ್ರ ಬೀಸಿ ಬೆದರಿಸಿರುವ ಘಟನೆ ಮೇ 28ರಂದು ಮಧ್ಯಾಹ್ನ ಲಿಂಗರಾಜಪುರಂನಲ್ಲಿರುವ ಮೆಡಿಕಲ್ ಶಾಪ್​ನಲ್ಲಿ ನಡೆದಿದೆ.

ಮಾರಕಾಸ್ತ್ರ ಹಿಡಿದು ಬಂದಿದ್ದ ಪುಂಡನೊಬ್ಬ ಹಣಕ್ಕಾಗಿ ಮಾಲೀಕರನ್ನು ಬೆದರಿಸಿದ್ದಾನೆ. ಬಳಿಕ ಮಚ್ಚು ಬೀಸಿ ಶಾಪ್ ಒಳಗೆ ನುಗ್ಗಲು ಯತ್ನಿಸಿ, ಗಾಜು ಒಡೆದಿದ್ದಾನೆ. ಇದೇ ವೇಳೆ ಬಂದ ಗ್ರಾಹಕರೊಬ್ಬರನ್ನೂ ಸಹ ಆರೋಪಿ ಬೆದರಿಸಿ ಕಳುಹಿಸಿದ್ದಾನೆ. ಅಂದಾಜು ಎರಡು ನಿಮಿಷ ಯಾರ ಭಯವೂ ಇಲ್ಲದೆ ಮಾಲೀಕನನ್ನು ಬೆದರಿಸುತ್ತಿರುವ ದೃಶ್ಯಗಳು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿವೆ.

ಈ ಕುರಿತು ಕೆ.ಜಿ.ಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಅಪ್ರಾಪ್ತ ಸೇರಿದಂತೆ ಇಬ್ಬರು ಆರೋಪಿಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೂರ್ವ ವಿಭಾಗದ ಡಿಸಿಪಿ ಕುಲದೀಪ್​ ಕುಮಾರ್​ ಜೈನ್​ ತಿಳಿಸಿದರು.

ಇದನ್ನೂ ಓದಿ:ಟಿಕೆಟ್ ವಿಚಾರಕ್ಕೆ ಫೈಟ್: ಕೈ-ಕೈ ಮಿಲಾಯಿಸಿದ ಕಾನ್ಸ್‌ಟೇಬಲ್, ಕಂಡಕ್ಟರ್ - Fight Over Bus Ticket