ದಾವಣಗೆರೆ:ಹೃದಯಾಘಾತದಿಂದ ಮೃತಪಟ್ಟ ಯುವಕನ ಕಣ್ಣುಗಳನ್ನು ದಾನ ಮಾಡುವ ಮೂಲಕ ಪೋಷಕರು ಮಗನ ಕಳೆದುಕೊಂಡು ದುಃಖದಲ್ಲಿಯೂ ಸಾರ್ಥಕತೆ ಮೆರೆದಿದ್ದಾರೆ. ದಾವಣಗೆರೆ ಜಿಲ್ಲೆಯ ಹರಿಹರ ತಾಲೂಕಿನ ಹೊಳೆಸಿರಿಗೆರೆಯಲ್ಲಿ ಇಂತಹದೊಂದು ಮಾನವೀಯ ಘಟನೆ ನಡೆದಿದೆ.
ದಿ. ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅಗಲಿದ ಬಳಿಕ ತಮ್ಮ ನೇತ್ರಗಳನ್ನು ದಾನ ಮಾಡಿ ಸಾವಿನಲ್ಲೂ ಸಾರ್ಥಕತೆ ಮೆರೆದಿದ್ದರು. ಬಳಿಕ ಸಾವಿರಾರು ಜನ ಪುನೀತ್ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನಂತೆ ತಾವೂ ಕೂಡ ಕಣ್ಣು ದಾನ ಮಾಡುವ ಬಗ್ಗೆ ಹಲವೆಡೆ ಕಣ್ಣಿನ ಆಸ್ಪತ್ರೆಗಳಲ್ಲಿ ನೋಂದಣಿ ಮಾಡಿಕೊಂಡಿದ್ದಾರೆ. ಅದರಂತೆಯೇ ಹೊಳೆಸಿರಿಗೆರೆಯಲ್ಲಿ ಮೃತ ಯುವಕನ ಪೋಷಕರು ಪುನೀತ್ ರಾಜ್ಕುಮಾರ್ ನಡೆ ಅನುಸರಿಸಿದ್ದಾರೆ.