Published : Mar 21, 2024, 1:04 PM IST
|Updated : Mar 21, 2024, 1:24 PM IST
ಬೆಂಗಳೂರು: ಆನ್ಲೈನ್ನಲ್ಲಿ ಫುಡ್ ಡೆಲಿವರಿ ಮಾಡುವಾಗ ಯುವತಿ ಕೈ ಸ್ಪರ್ಶಿಸಿ ಲೈಂಗಿಕ ದೌರ್ಜನ್ಯವೆಸಗಿದ ಆರೋಪದಡಿ ಡೆಲಿವರಿ ಬಾಯ್‌ವೋರ್ವನನ್ನು ಎಚ್ಎಎಲ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಘಟನೆಯ ವಿವರ: ಕಲಬುರಗಿಯ ಚಿಂಚೋಳಿ ಮೂಲದ ಆಕಾಶ್ ಬಂಧಿತ ಆರೋಪಿ. ಕುಂದಲಹಳ್ಳಿಯ ಪಿ.ಜಿ.ಯಲ್ಲಿ ವಾಸವಾಗಿದ್ದ. ಇದೇ ತಿಂಗಳು 17ರಂದು ಯುವತಿ ಆನ್ಲೈನ್ನಲ್ಲಿ ಫುಡ್ ಆರ್ಡರ್ ಮಾಡಿದ್ದಳು. ಡೆಲಿವರಿ ನೀಡಲು ಆಕಾಶ್, ಯುವತಿಯ ಮನೆಗೆ ಬಂದಿದ್ದಾನೆ. ಫುಡ್ ಡೆಲಿವರಿ ವೇಳೆ ಕುಡಿಯಲು ನೀರು ಕೊಡುವಂತೆ ಕೇಳಿದ್ದಾನೆ. ಇದೇ ಸಂದರ್ಭದಲ್ಲಿ ವಾಶ್ ರೂಮ್‌ಗೆ ಹೋಗಬೇಕೆಂದೂ ಹೇಳಿದ್ದು, ಯುವತಿ ಅನುವು ಮಾಡಿಕೊಟ್ಟಿದ್ದಳು.
ನೀರು ತರಲು ಅಡುಗೆ ಮನೆಯೊಳಗೆ ಹೋಗುತ್ತಿದ್ದಂತೆ ಹಿಂಬಾಲಿಸಿದ ಯುವಕ, ಕೈ ಹಿಡಿದು ದುರ್ವರ್ತನೆ ತೋರಿದ್ದಾನೆ. ಗಾಬರಿಗೊಂಡ ಕೂಗಿಕೊಂಡಿದ್ದು, ಭಯಗೊಂಡ ಯುವಕ ಕೂಡಲೇ ನನ್ನ ಕೆನ್ನೆಗೆ ಹೊಡೆದು ಅಲ್ಲಿಂದ ಪರಾರಿಯಾಗಿದ್ದಾನೆ ಎಂದು ಆರೋಪಿಸಿ ಯುವತಿ ದೂರು ನೀಡಿದ್ದಾರೆ. ಈ ಕುರಿತು ಯುವತಿ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡ ಎಚ್ಎಎಲ್ ಠಾಣೆಯ ಪೊಲೀಸರು ಆರೋಪಿಯನ್ನು ಬಂಧಿಸಿ ಹೆಚ್ಚಿನ ವಿಚಾರಣೆಗೊಳಪಡಿಸಿದ್ದಾರೆ.
ಇದನ್ನೂ ಓದಿ:ಬೆಂಗಳೂರು: ಹೊಟೇಲ್‌ನಲ್ಲಿ ಯುವತಿಯೊಂದಿಗೆ ಅನುಚಿತ ವರ್ತನೆ; ಯುವಕನ ವಿರುದ್ಧ ಎಫ್‌ಐಆರ್‌