ಸಿ.ಟಿ.ರವಿ ಹೇಳಿಕೆ
ಕೊಪ್ಪಳ:ದೇಶದಾದ್ಯಂತ ಜನ ಮೋದಿ ಜಪ ಮಾಡುವುದನ್ನು ಕಂಡು ಕಾಂಗ್ರೆಸ್ಗೆ ಮೋಷನ್ ಶುರುವಾಗಿದೆ ಎಂದು ಬಿಜೆಪಿಯ ಸಿ.ಟಿ.ರವಿ ವ್ಯಂಗ್ಯವಾಡಿದರು. ನಗರದಲ್ಲಿಂದು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಬಿಜೆಪಿ ತತ್ವ ಸಿದ್ದಾಂತದ ಮೇಲೆ ನಡೆಯುತ್ತಿರುವ ಪಕ್ಷ. ಕೊಪ್ಪಳದಲ್ಲಿ ಗೆಲುವು ನಮ್ಮದೇ ಎಂದರು.
ಸಿ.ಟಿ.ರವಿ ಅಲ್ಲ, ಓ.ಟಿ.ರವಿ ಎಂಬ ಸಂಗಣ್ಣ ಕರಡಿ ಹೇಳಿಕೆಗೆ, ಸಂಗಣ್ಣ ಕರಡಿ ಆತ್ಮವಿಮರ್ಶೆ ಮಾಡಿಕೊಳ್ಳಲಿ. ಏನೋ ಸಿಗುತ್ತೆ ಅಂತ ಕಾಂಗ್ರಸ್ಗೆ ಹೋಗಿದ್ದಾರೆ. ಅವರಿಗೆ ಭ್ರಮನಿರಸನವಾಗುತ್ತದೆ. ಕಾಂಗ್ರೆಸ್ನಲ್ಲಿ ಅವರಿಗೆ ಯಾವತ್ತೂ ಗೌರವ ಸಿಗುವುದಿಲ್ಲ. ಮೋದಿ ಮಾಯೆಯೇ ಅವರನ್ನು ಎರಡು ಬಾರಿ ಎಂಪಿ ಮಾಡಿತ್ತು. ಮೋದಿ ಮಾಯೆ ಇಲ್ಲದಿದ್ದರೆ 2013ಕ್ಕೆ ಸಂಗಣ್ಣ ಕರಡಿ ಅವರ ರಾಜಕೀಯ ಭವಿಷ್ಯ ಮುಗಿದೇ ಹೋಗುತ್ತಿತ್ತು. ನಮಗಿಂತ ಹೆಚ್ಚು ಮೋದಿ ಮೋದಿ ಎಂದು ಸಂಗಣ್ಣ ಕರಡಿ ಹೇಳುತ್ತಿದ್ದರು. ಇದೆಲ್ಲಾ ನಾವು ಹೇಳಬೇಕೇ? ಎಂದರು.