ಡಲ್ಲಾಸ್ (ಅಮೆರಿಕ):ಟಿ20 ವಿಶ್ವಕಪ್ನ ಮೊದಲ ಪಂದ್ಯದಲ್ಲಿ ಕೆನಡಾ ವಿರುದ್ದ ಯುನೈಟೆಡ್ ಸ್ಟೇಟ್ಸ್ 7 ವಿಕೆಟ್ಗಳ ಗೆಲುವು ಸಾಧಿಸಿದೆ.
ಇಲ್ಲಿಯ ಗ್ರ್ಯಾಂಡ್ ಪ್ರೈರೀ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಕೆನಡಾ ನೀಡದ್ದ 195 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಅಮೆರಿಕ ಪರ ಆರೋನ್ ಜೋನ್ಸ್ ಮತ್ತು ಆಂಡ್ರಿಯಾಸ್ ಗೌಸ್ ಬಿರುಸಿನ ಬ್ಯಾಟಿಂಗ್ ಪ್ರದರ್ಶಿಸಿ ತಂಡದ ಗೆಲುವಿಗೆ ಕಾರಣರಾದರು. ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ ಜೋನ್ಸ್ 40 ಎಸೆತಗಳಲ್ಲಿ 4 ಬೌಂಡರಿ ಹಾಗೂ 10 ಸಿಕ್ಸರ್‌ ಮೂಲಕ ಅಜೇಯವಾಗಿ 94 ರನ್ ಸಿಡಿಸಿದರೇ, ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ ಗೌಸ್ 46 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 3 ಸಿಕ್ಸರ್‌ ನೆರವಿನಿಂದ 65 ರನ್ ಚಚ್ಚಿದರು.
ಉಳಿದಂತೆ ಕ್ಯಾಪ್ಟನ್ ಮಾಂಕ್ ಪಟೇಲ್ (16), ಆಂಡರ್ಸನ್ (3*) ರನ್ ಗಳಿಸಿ ರನ್ ಕೊಡುಗೆ ನೀಡಿದರು. ಇನ್ನಿಂಗ್ಸ್ ಆರಂಭಿಸಿದ ಸ್ಟೀವನ್ ಟೇಲರ್ ಖಾತೆ ತೆರೆಯದೆ ನಿರ್ಗಮಿಸಿದರು. ಕೆನಡಾ ಪರ ಕೆನಡಾ ಪರ ಕಲೀಂ ಸನಾ, ದಿಲ್ಲನ್ ಹೆಲ್ಲಿಗರ್ ಮತ್ತು ನಿಖಿಲ್ ದತ್ತಾ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು.
ಇದಕ್ಕೂ ಮುನ್ನ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ್ದ ಕೆನಡಾ ನಿಗದಿತ 20 ಓವರ್‌ಗಳಲ್ಲಿ ಆ್ಯರನ್ ಜಾನ್ಸನ್ (23), ನವನೀತ್ (61), ಪರ್ಗತ್ ಸಿಂಗ್ (5), ಕಿರ್ಟೊನ್ (51), ಶ್ರೇಯಸ್ ಮೊವ್ವ (32*), ದಿಲ್ ಪ್ರೀತ್ಸಿಂಗ್ (11), ಹೈಲಿಗೆರ್ (1*) ಬ್ಯಾಟಿಂಗ್ ನೆರವಿನಿಂದ ಬೃಹತ್ ರನ್ ಕಲೆಹಾಕಿತು. ಅಮೆರಿಕ ಪರ ಅಲಿ ಖಾನ್, ಹರ್ಮೀತ್ ಸಿಂಗ್ ಮತ್ತು ಕೋರಿ ಆಂಡರ್ಸನ್ ತಲಾ 1 ವಿಕೆಟ್ ಪಡೆದರು.
ತಂಡಗಳು - ಕೆನಡಾ : ಆ್ಯರನ್ ಜಾನ್ಸನ್, ನವನೀತ್ ಧಲಿವಾಲ್, ಪರ್ಗತ್ ಸಿಂಗ್, ನಿಕೋಲಸ್ ಕಿರ್ಟನ್, ಶ್ರೇಯಸ್ ಮೊವ್ವಾ (ವಿ.ಕೀ), ದಿಲ್‌ಪ್ರೀತ್ ಸಿಂಗ್, ಸಾದ್ ಬಿನ್ ಜಾಫರ್ (ನಾ), ನಿಖಿಲ್ ದತ್ತಾ, ದಿಲ್ಲನ್ ಹೇಲಿಗರ್, ಕಲೀಮ್ ಸನಾ, ಜೆರೆಮಿ ಗಾರ್ಡನ್.
ಯುನೈಟೆಡ್ ಸ್ಟೇಟ್ಸ್: ಸ್ಟೀವನ್ ಟೇಲರ್, ಮೊನಾಂಕ್ ಪಟೇಲ್ (ವಿ.ಕೀ/ನಾ ), ಆಂಡ್ರೀಸ್ ಗೌಸ್, ಆರನ್ ಜೋನ್ಸ್, ನಿತೀಶ್ ಕುಮಾರ್, ಕೋರಿ ಆಂಡರ್ಸನ್, ಹರ್ಮೀತ್ ಸಿಂಗ್, ಶಾಡ್ಲಿ ವ್ಯಾನ್ ಶಾಲ್ಕ್‌ವಿಕ್, ಜಸ್ದೀಪ್ ಸಿಂಗ್, ಅಲಿ ಖಾನ್, ಸೌರಭ್ ನೇತ್ರವಲ್ಕರ್.
ಇದನ್ನೂ ಓದಿ:ಕೆನಡಾ ಕ್ರಿಕೆಟ್ ತಂಡದಲ್ಲಿ ದಾವಣಗೆರೆಯ ಹುಡುಗ: ವಿಶ್ವಕಪ್ನಲ್ಲಿ ಸಿಗುತ್ತಾ 'ಶ್ರೇಯಸ್' - Shreyas Moa
