ನವದೆಹಲಿ:ಶುಭಮನ್ ಗಿಲ್ ನಾಯಕತ್ವದ ಭಾರತ ಕ್ರಿಕೆಟ್ ತಂಡ ಜಿಂಬಾಬ್ವೆ ವಿರುದ್ಧದ 5 ಪಂದ್ಯಗಳ ಸರಣಿಯನ್ನು 4-1 ಅಂತರದಿಂದ ವಶಪಡಿಸಿಕೊಂಡಿದೆ. ಈ ಸರಣಿಯಲ್ಲಿ ಮೊದಲ ಪಂದ್ಯದಲ್ಲಿ ಸೋತ ಭಾರತ ಸತತ 4 ಪಂದ್ಯಗಳನ್ನು ಗೆದ್ದು ಸರಣಿ ವಶಪಡಿಸಿಕೊಂಡಿದೆ. ಹೊಸ ಕೋಚಿಂಗ್ ಸಿಬ್ಬಂದಿಯೊಂದಿಗೆ ಟೀಂ ಇಂಡಿಯಾ ಈ ಸರಣಿಗೆ ತೆರಳಿದೆ. ಜಿಂಬಾಬ್ವೆ ವಿರುದ್ಧದ ನಾಲ್ಕನೇ ಪಂದ್ಯದಲ್ಲಿ ಟೀಂ ಇಂಡಿಯಾ 42 ರನ್‌ಗಳ ಜಯ ಸಾಧಿಸಿದ ನಂತರ, ರಿಂಕು ಸಿಂಗ್ ಅವರಿಗೆ ಕೋಚ್ ವಿವಿಎಸ್ ಲಕ್ಷ್ಮಣ್ ಅವರು ಸರಣಿಯ ಅತ್ಯುತ್ತಮ ಫೀಲ್ಡರ್ ಪ್ರಶಸ್ತಿಯನ್ನು ನೀಡಿದರು. ಇದರ ವಿಡಿಯೋವನ್ನು ಬಿಸಿಸಿಐ ತನ್ನ ಸಾಮಾಜಿಕ ಮಾಧ್ಯಮ ಖಾತೆ ಎಕ್ಸ್‌ನಲ್ಲಿ ಹಂಚಿಕೊಂಡಿದೆ.
ಸುಭದೀಪ್ ಘೋಷ್ ಅವರು ಟಿ.ದಿಲೀಪ್ ಅವರ ಸಂಪ್ರದಾಯವನ್ನು ಮುಂದುವರೆಸಿದರು. ಭಾರತೀಯ ತಂಡದ ಕೋಚ್ ವಿವಿಎಸ್ ಲಕ್ಷ್ಮಣ್ ಅವರು ಈ ಪ್ರವಾಸದಲ್ಲಿ ಉತ್ತಮ ಫೀಲ್ಡರ್ ಪ್ರಶಸ್ತಿ ನೀಡಲು ಫೀಲ್ಡಿಂಗ್ ಕೋಚ್ ಸುಭದೀಪ್ ಘೋಷ್ ಅವರನ್ನು ಕರೆದರು. ಈ ಕುರಿತು ಘೋಷ್ ಅವರು ಪ್ರಶಸ್ತಿ ನೀಡುವ ಮೊದಲು, ನಾನು ನಿಮಗೆ ವಿಡಿಯೋವೊಂದನ್ನು ತೋರಿಸಲು ಬಯಸುತ್ತೇನೆ. ಆ ವಿಡಿಯೋ ಭಾರತ ತಂಡದ ಮಾಜಿ ಫೀಲ್ಡಿಂಗ್ ಕೋಚ್ ಟಿ.ದಿಲೀಪ್ ಅವರದ್ದು. ಅವರು ಟಿ20 ವಿಶ್ವಕಪ್ವರೆಗೆ ರಾಹುಲ್ ದ್ರಾವಿಡ್ ಅವರ ಕೋಚಿಂಗ್‌ನಲ್ಲಿ ತಂಡದೊಂದಿಗೆ ಇದ್ದರು.
ಈ ವಿಡಿಯೋದಲ್ಲಿ ಟಿ ದಿಲೀಪ್ ಅವರು, ಫೀಲ್ಡಿಂಗ್ ಭಾರತಕ್ಕೆ ಪ್ರಮುಖ ಅಂಶವಾಗಿದೆ. ವರ್ಷದಿಂದ ವರ್ಷಕ್ಕೆ ನಾವು ಆಟದಲ್ಲಿ ಉತ್ತಮ ಎತ್ತರವನ್ನು ಸಾಧಿಸಿದ ಕ್ಷೇತ್ರ ಇದು. ನಾವು ಫೀಲ್ಡಿಂಗ್ ಮೆಡಲ್ ಮಾಡುವ ಸಂಪ್ರದಾಯವನ್ನು ಅನುಸರಿಸುತ್ತಿರುವುದು ನಮಗೆಲ್ಲರಿಗೂ ತಿಳಿದಿದೆ. ತನ್ನ ಫೀಲ್ಡಿಂಗ್‌ನೊಂದಿಗೆ ಪಂದ್ಯದಲ್ಲಿ ಮಹತ್ವದ ಪ್ರಭಾವ ಬೀರುವವರಿಗೆ ಇದನ್ನು ನೀಡಲಾಗುತ್ತದೆ. ಈಗ ನಾವು ಈ ಅವಕಾಶವನ್ನು ಸುಭದೀಪ್ ಘೋಷ್ ಅವರಿಗೆ ನೀಡುತ್ತೇವೆ ಎಂದು ಹೇಳಿದ್ದರು.