ಹೈದರಾಬಾದ್: ಉಪ್ಪಿನಕಾಯಿ ಇಲ್ಲದ ಭಾರತೀಯರ ಅಡುಗೆ ಮನೆಗಳನ್ನು ಕಾಣುವುದು ಅತಿ ವಿರಳ. ಊಟದ ಜೊತೆಗಿರಲಿ ಅಥವಾ ಸಾಂಬಾರು ಇಲ್ಲದೇ ಉಪ್ಪಿನಕಾಯಿ ಜೊತೆ ಊಟ ಮಾಡಿ ಮುಗಿಸುವುದನ್ನು ಕಾಣಬಹುದು. ಅಡುಗೆಯ ಊಟದ ರುಚಿಯನ್ನು ಹೆಚ್ಚಿಸುವುದು ಉಪ್ಪಿನಕಾಯಿ. ಇದೆ ಕಾರಣಕ್ಕೆ ಪ್ರತಿಯೊಬ್ಬರು ಉಪ್ಪಿನಕಾಯಿಯನ್ನು ಮೆಚ್ಚುತ್ತಾರೆ. ಉಪ್ಪಿನಕಾಯಿಯ ವಾಸನೆ ಮತ್ತು ಬಣ್ಣವೇ ಅನೇಕರಲ್ಲಿ ಬಾಯಲ್ಲಿ ನೀರೂರುವಂತೆ ಮಾಡುವುದರಲ್ಲಿ ಸುಳ್ಳಲ್ಲ. ಇಂತಹ ಉಪ್ಪಿನಕಾಯಿ ಪೋಷಕಾಂಶದ ಆಗರಗಳು ಕೂಡಾ ಹೌದು.
ಪ್ರೊಬಯಾಟಿಕ್ಸ್: ಇದು ಜೀರ್ಣಕ್ರಿಯೆ ಸಮಸ್ಯೆಯನ್ನು ತಡೆಯುತ್ತದೆ. ಜೊತೆಗೆ ಈ ಹುದುಗಿಸಿದ ಆಹಾರಗಳು ಪ್ರೋಬಯಾಟಿಕ್‌ಗಳಿಗೆ ಸೂಪರ್‌ ಫುಡ್‌ಗಳಾಗಿವೆ. ಇದು ಕರುಳಿನ ಮೈಕ್ರೋಬಯೊಮ್ ಆರೋಗ್ಯವನ್ನು ಸುಧಾರಿಸುತ್ತದೆ ಮತ್ತು ಕರುಳಿನ ಬ್ಯಾಕ್ಟೀರಿಯಾ ಆರೋಗ್ಯ ಬೆಳವಣಿಗೆ ಉತ್ತೇಜಿಸುತ್ತದೆ. ವಿವಿಧ ತರಕಾರಿಗಳನ್ನು ಉಪ್ಪಿನಕಾಯಿಯಲ್ಲಿ ಬಳಕೆ ಮಾಡುವುದರಿಂದ ಅದು ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ
ಆಂಟಿ ಆಕ್ಸಿಡೆಂಟ್ಸ್: ಇದರಲ್ಲಿ ಹೆಚ್ಚಾಗಿ ಕಚ್ಛಾ ವಸ್ತುಗಳನ್ನು ಆಂಟಿಆಕ್ಸಿಡೆಂಟ್ಸ್ ಸಮೃದ್ಧವಾಗಿರುತ್ತದೆ. ಅವು ದೇಹವನ್ನು ಸ್ವತಂತ್ರ ರಾಡಿಕಲ್ಗಳಿಂದ ರಕ್ಷಿಸುವ ಅಗತ್ಯವಾದ ಸೂಕ್ಷ್ಮ ಪೋಷಕಾಂಶಗಳನ್ನು ಹೊಂದಿರುತ್ತವೆ. ಇವು ವಯಸ್ಸಾಗುವಿಕೆ ಪ್ರಕ್ರಿಯೆಯನ್ನು ಹಿಮ್ಮೆಟ್ಟಿಸುತ್ತದೆ. ಅವಕಾಡೋ, ಟೊಮೊಟೊ ಉಪ್ಪಿನಕಾಯಿಗಳು ಹೆಚ್ಚು ಸಮೃದ್ಧವಾಗಿದ್ದು, ಇದರಲ್ಲಿನ ಆಂಟಿ ಆಕ್ಸಿಡೆಂಟ್ಸ್ ಆರೋಗ್ಯವನ್ನು ಸಂರಕ್ಷಿಸುತ್ತದೆ.
ವಿಟಮಿನ್ಸ್ ಮತ್ತು ಮಿನರಲ್ಸ್ ಮೂಲಗಳು: ತರಕಾರಿಗಳು, ಕೊತ್ತಂಬರಿ, ಮೆಂತ್ಯೆ, ಸಾಸಿವೆ, ಕರಿಬೇವುಗಳು ಸಮೃದ್ದವಾದ ವಿಟಮಿನ್ಗಳಾದ ಸಿ, ಎ, ಕೆಗಳನ್ನು ಹೊಂದಿವೆ. ಜೊತೆಗೆ ಇದರಲ್ಲಿ ಕಬ್ಬಿಣ, ಕ್ಯಾಲ್ಸಿಯಂ, ಪೊಟಾಶಿಯಂ ಅಂಶಗಳು ಕೂಡಾ ಲಭ್ಯ ಇರುವುದರಿಂದ ಆರೋಗ್ಯವನ್ನು ಸುಂದರವಾಗಿಸುವಲ್ಲಿ ಸಹಕಾರಿಯಾಗಿವೆ.