ರಾಜಮೌಳಿ - ಮಹೇಶ್‌ಬಾಬು ಕಾಂಬೀನೇಷನ್ನ ಬಹುನಿರೀಕ್ಷಿತ ಸಿನಿಮಾ ತೀವ್ರ ಕುತೂಹಲ ಕೆರಳಿಸುತ್ತಿದೆ. ಎಸ್‌ಎಸ್‌ಎಂಬಿ 29 ಸಿನಿಮಾ ಶೂಟಿಂಗ್ ಯಾವಾಗ ಶುರುವಾಗುತ್ತೆ, ಯಾವಾಗ ಅಪ್ಡೇಟ್ ನೀಡ್ತಾರೆ ಎಂದು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.
ಸದ್ಯ ಈ ಸಿನಿಮಾದ ಪ್ರಿ-ಪ್ರೊಡಕ್ಷನ್ ಕೆಲಸ ಭರದಿಂದ ನಡೆಯುತ್ತಿದೆ. ಈ ಸಿನಿಮಾ ಯಾವಾಗ ಶುರುವಾಗಲಿದೆ ಎಂದು ರಾಜಮೌಳಿ ತಂದೆ ಹಾಗೂ ಈ ಸಿನಿಮಾದ ಕಥೆಗಾರ ವಿಜಯೇಂದ್ರ ಪ್ರಸಾದ್ ಹೇಳಿದ್ದಾರೆ. ಸದ್ಯ ರಾಜಮೌಳಿ ಅವರು ಎಸ್‌ಎಸ್‌ಎಂಬಿ 29ಕ್ಕೆ ಸೆಟ್‌ ವರ್ಕ್‌ ಮಾಡುತ್ತಿರುವುದಾಗಿ ಹೇಳಿದ್ದಾರೆ. ಸೆಟ್‌ ವರ್ಕ್‌ ಮುಗಿದ ಬಳಿಕ ಸಿನಿಮಾವನ್ನು ಸೆಟ್‌ ಮೇಲೆ ತೆಗೆದುಕೊಂಡು ಹೋಗಲಾಗುವುದು ಎಂದು ಅವರು ತಿಳಿಸಿದ್ದಾರೆ.