ಟೋಕಿಯೊ: ಬಡ್ಡಿ ದರ ಏರಿಕೆ ಮಾಡಿದ ಬಳಿಕ ಶೇ 12.4 ರಷ್ಟು ಕುಸಿತ ಕಂಡಿದ್ದ ಜಪಾನ್ನ ಬೆಂಚ್ ಮಾರ್ಕ್ ನಿಕ್ಕಿ ಮಂಗಳವಾರ ಆರಂಭಿಕ ವಹಿವಾಟಿನಲ್ಲಿ ಶೇ 10.5ರಷ್ಟು ಏರಿಕೆ ಕಂಡಿದೆ. ವ್ಯಾಪಾರ ಪ್ರಾರಂಭವಾದ ಸುಮಾರು ಒಂದು ಗಂಟೆಯ ನಂತರ ಸೂಚ್ಯಂಕವು 3,252.22 ಅಂಶಗಳು ಏರುವ ಮೂಲಕ 34,744.97 ಕ್ಕೆ ಹೆಚ್ಚಳ ಕಂಡಿತು. ಟೋಕಿಯೊದಲ್ಲಿ ಸೋಮವಾರದ ಮಹಾಪತನದ ನಂತರ ವಾಲ್ ಸ್ಟ್ರೀಟ್‌ನಲ್ಲಿನ ತೀವ್ರ ನಷ್ಟ ಕಂಡು ಬಂತು. ಇದು ಇಡೀ ವಿಶ್ವದ ಷೇರುಮಾರುಕಟ್ಟೆಗಳ ಮೇಲೆ ಭಾರಿ ಪ್ರಭಾವ ಬೀರಿತು. ನಿಕ್ಕಿ ಈಗ ಒಂದು ವರ್ಷದ ಹಿಂದೆ ಇದ್ದ ಮಟ್ಟದ ಹತ್ತಿರದಲ್ಲಿದೆ.
ವಿಶ್ವದ ಎಲ್ಲ ಮಾರುಕಟ್ಟೆಗಳು ನಿನ್ನೆ ಭಾರಿ ಕುಸಿತ ಕಂಡಿದ್ದವು. ಇಂದು ಜಪಾನ್ನ ನಿಕ್ಕಿ ಶೇ 10.5 ರಷ್ಟು ಚೇತರಿಕೆ ಕಾಣುವ ಮೂಲಕ ಹೂಡಿಕೆದಾರರ ಮೊಗದಲ್ಲಿ ಮಂದಹಾಸ ಮೂಡುವಂತೆ ಮಾಡಿದೆ. ಆದರೆ, ಅಮೆರಿಕ ಷೇರು ಮಾರುಕಟ್ಟೆಗಳು ಇಂದು ಕೂಡಾ ಕೆಂಪು ಬಣ್ಣದಲ್ಲೇ ವಹಿವಾಟು ಮುಗಿಸಿವೆ.