ಅಧಿಕಾರಿಗಳ ಮೇಲೆ ರಾಜಕೀಯ ನಾಯಕರು ಹಲ್ಲೆ ಮಾಡಿದ್ರೆ ಕಠಿಣ ಕ್ರಮ; ಪವನ್​ ಕಲ್ಯಾನ್​ ಎಚ್ಚರಿಕೆ

ಸರ್ಕಾರಿ ಅಧಿಕಾರಿ ವಿರುದ್ಧ ಸ್ಥಳೀಯ ವೈಎಸ್​ಆರ್​ಸಿಪಿ ನಾಯಕ ಸಿ ಸುದರ್ಶನ್​ ರೆಡ್ಡಿ ದಾಳಿ ನಡೆಸಿದ್ದಾರೆ ಎಂಬ ಆರೋಪದ ಬೆನ್ನಲ್ಲೇ ಈ ರೀತಿಯ ಎಚ್ಚರಿಕೆಯನ್ನು ಡಿಸಿಎಂ ಪವನ್​ ಕಲ್ಯಾಣ ನೀಡಿದ್ದಾರೆ.

ಕಡಪ (ಆಂಧ್ರಪ್ರದೇಶ): ರಾಜಕೀಯ ನಾಯಕರು ಕರ್ತವ್ಯದ ವೇಳೆ ಅಧಿಕಾರಿಗಳ ಮೇಲೆ ಹಲ್ಲೆ ಮತ್ತು ಇತರೆ ಅಡ್ಡಿ ಉಂಟು ಮಾಡಿದಲ್ಲಿ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಆಂಧ್ರಪ್ರದೇಶ ಉಪಮುಖ್ಯಮಂತ್ರಿ ಪವನ್​ ಕಲ್ಯಾಣ್​​ ಎಚ್ಚರಿಕೆ ನೀಡಿದ್ದಾರೆ.

ದಲಿತ ಸರ್ಕಾರಿ ಅಧಿಕಾರಿ ವಿರುದ್ಧ ಸ್ಥಳೀಯ ವೈಎಸ್​ಆರ್​ಸಿಪಿ ನಾಯಕ ಸಿ ಸುದರ್ಶನ್​ ರೆಡ್ಡಿ ದಾಳಿ ನಡೆಸಿದ್ದಾರೆ ಎಂಬ ಆರೋಪದ ಬೆನ್ನಲ್ಲೇ ಈ ರೀತಿಯ ಎಚ್ಚರಿಕೆ ನೀಡಲಾಗಿದೆ. ರಾಜಕೀಯ ನಾಯಕರು ನೀವೇನಾದರೂ ಆಕ್ರೋಶದಿಂದ ಅಧಿಕಾರಿಗಳ ಮೇಲೆ ದರ್ಪ ತೋರಿಸಿದರೆ, ಕಠಿಣ ಶಿಕ್ಷೆಯನ್ನು ಪಡೆಯುತ್ತೀರ ಎಂದು ಪವನ್​ ಕಲ್ಯಾಣ್​ ಕಡಪ ರಿಮ್ಸ್​​ ಆಸ್ಪತ್ರೆಯ ಹೊರಗೆ ಮಾತನಾಡಿ ಈ ಎಚ್ಚರಿಕೆ ರವಾನಿಸಿದರು.

ಸುದರ್ಶನ್​ ರೆಡ್ಡಿ ಮತ್ತು ಅವರ ಜೊತೆ ಅನೇಕ ನಾಯಕರು ಗಾಲಿವೇಡಿ ಮಂಡಲ ಪರಿಷತ್​ ಅಭಿವೃದ್ಧಿ ಅಧಿಕಾರಿ ಜವಾಹರ್​ ಬಾಬು ​ಮೇಲೆ ದಾಳಿ ನಡೆಸಿದ್ದರು. ಕಚೇರಿ ಕೊಠಡಿಯ ಕೀ ನೀಡಲು ಹಿಂದೇಟು ಹಾಕಿದ್ದರು. ಇದರ ಜೊತೆಗೆ ಬಾಬು ಅವರನ್ನು ರೂಮ್​ನಲ್ಲಿ ಕೂಡಿಹಾಕಿದ್ದಲ್ಲದೆ ಅವರನ್ನು ತಳ್ಳಿದ್ದರು. ಜಾತಿ ನಿಂದನೆ ಮಾಡಲಾಗಿದ್ದು, ಕೊಲೆ ಬೆದರಿಕೆ ಹಾಕಲಾಗಿದೆ ಎಂದು ಡಿಸಿಎಂ ಆರೋಪಿಸಿದರು.

ಸುದರ್ಶನ್​ ರೆಡ್ಡಿ ಈ ಹಿಮದೆ ಕೂಡ ಅಧಿಕಾರಿಗಳ ಮೇಲೆ ದಾಳಿ ನಡೆಸಿರುವ ಇತಿಹಾಸ ಹಿಂದಿದ್ದು, ಶೇಖರ್​ ನಾಯ್ಕ್​, ಪ್ರತಾಪ್​ ಮತ್ತು ಶ್ರೀವಾಸ್​ ರೆಡ್ಡಿ ಮೇಲೆ ಗುರಿಯಾಗಿಸಿ ಈ ಹಿಂದೆ ದಾಳಿ ನಡೆಸಿದ್ದರು.

ಇದೇ ವೇಳೆ ವೈಎಸ್‌ಆರ್‌ಸಿಪಿ ವಿರುದ್ಧ ವಾಗ್ದಾಳಿ ನಡೆಸಿದ ಪವನ್​ ಕಲ್ಯಾಣ್​, ವಿಧಾನಸಭೆ ಚುನಾವಣೆಯಲ್ಲಿ ವೈಎಸ್​ಆರ್​ಸಿಪಿ ಪಕ್ಷವನ್ನು 11 ಸ್ಥಾನಗಳಿಗೆ ಇಳಿಸಿದರೂ ಆ ಪಕ್ಷದ ನಾಯಕರ ಅಹಂಕಾರ ಕಡಿಮೆಯಾಗಿಲ್ಲ ಎಂದು ಟೀಕಿಸಿದರು. ಅಲ್ಲದೆ, ವೈಎಸ್ ಜಗನ್ ಮೋಹನ್ ರೆಡ್ಡಿ ಅವರು, ತಮ್ಮ ಪಕ್ಷದ ನಾಯಕರನ್ನು ಹಿಡಿತದಲ್ಲಿಟ್ಟುಕೊಳ್ಳುವಂತೆ ಒತ್ತಾಯಿಸಿದರು.

ಸರ್ಕಾರಿ ಅಧಿಕಾರಿಗಳ ಮೇಲೆ ವೈಎಸ್​ಆರ್​ಸಿಪಿ ನಾಯಕರು ಮತ್ತು ಇತರೆ ಸಾರ್ವಜನಿಕ ವ್ಯಕ್ತಿಗಳು ಹಲ್ಲೆ ನಡೆಸಿದರೆ ಅದನ್ನು ಸಹಿಸಲು ಸಾಧ್ಯವಿಲ್ಲ ಎಂದ ಡಿಸಿಎಂ ಪವನ್​ ಕಲ್ಯಾಣ, ಈ ರೀತಿ ಘಟನೆ ಮರುಕಳಿಸದಂತೆ ನೋಡಿಕೊಳ್ಳುವಂತೆ ಎಲ್ಲಾ ಅಧಿಕಾರಿಗಳಿಗೂ ಸೂಚನೆ ನೀಡಿದರು.

ಇದನ್ನೂ ಓದಿ: ಅಜ್ಮೀರ್‌ ಉರುಸ್​​​ಗಾಗಿ ಅಟ್ಟಾರಿ ಗಡಿ ಮೂಲಕ ಭಾರತಕ್ಕೆ ಕಾಲಿಡಲಿರುವ ಪಾಕ್​ ಯಾತ್ರಿಕರ ತಂಡ: ಗುಪ್ತಚರ ಇಲಾಖೆ ಹದ್ದಿನ ಕಣ್ಣು