ಹರಿದು ಬಿದ್ದ ಸೇಬಿನ ಹಾರ.. ಸ್ವಲ್ಪದರಲ್ಲೇ ಆರ್. ಶಂಕರ್ ಬಚಾವ್​

ರಾಣೇಬೆನ್ನೂರು (ಹಾವೇರಿ): ನೂತನ ಸಚಿವರಾದ ಬಳಿಕ ಆರ್. ಶಂಕರ್​ ಮೊದಲ ಬಾರಿಗೆ ರಾಣೇಬೆನ್ನೂರು ನಗರಕ್ಕೆ ಆಗಮಿಸಿದ್ದು, ಬೆಂಬಲಿಗರು ಅದ್ಧೂರಿ ಸ್ವಾಗತ ಕೋರಿದರು. ನಗರದ ಬಸ್ ನಿಲ್ದಾಣದ ಬಳಿ ಬೆಂಬಲಿಗರು ಸುಮಾರು ಒಂದು ಕ್ವಿಂಟಲ್ ತೂಕದ ಸೇಬು ಹಣ್ಣಿನ ಮಾಲೆಯನ್ನು ಆರ್. ಶಂಕರ್​ಗೆ ಕ್ರೇನ್ ಮೂಲಕ ಹಾಕುತ್ತಿದ್ದರು. ಈ ವೇಳೆ ಕೆಲವರು ಹಣ್ಣು ಕಿತ್ತುಕೊಳ್ಳಲು ಯತ್ನಿಸಿದ್ದು, ಹಾರಕ್ಕೆ ಕಟ್ಟಿದ್ದ ಕೋಲು ಕೆಳಗೆ ಬಿದ್ದಿದೆ. ತಕ್ಷಣ ಗಮನಿಸಿದ ಬೆಂಬಲಿಗರು ಸಚಿವರ ತಲೆ‌ ಮೇಲೆ ಕೋಲು ಬೀಳೋದನ್ನ ತಪ್ಪಿಸಿದ್ದಾರೆ.