ನವದೆಹಲಿ: ದೇಶಾದ್ಯಂತ ಮಹಿಳಾ ಉದ್ಯೋಗಿಗಳ ಪ್ರಾತಿನಿದ್ಯದ ಸಂಖ್ಯೆಯಲ್ಲಿ ಗಮನಾರ್ಹ ಬೆಳವಣಿಗೆ ಕಂಡಿದ್ದು, 2023ರಲ್ಲಿ ಶೇ 26ರಷ್ಟು ಹೆಚ್ಚಾಗಿದೆ. 2021ಕ್ಕೆ ಹೋಲಿಕೆ ಮಾಡಿದರೆ, ಈ ಪ್ರಾತಿನಿಧ್ಯ ಶೇ 21ರಷ್ಟು ಅಧಿಕವಾಗಿದೆ ಎಂದು ವರದಿಯೊಂದು ತಿಳಿಸಿದೆ.
ಗ್ರೇಟ್ ಪ್ಲೇಸ್ ಟು ವರ್ಕ್ ಇಂಡಿಯಾ ವರದಿ ಅನುಸಾರ, ಉದ್ಯಮದಲ್ಲಿ ಅಧಿಕ ಮತ್ತು ಕಡಿಮೆ ಮಹಿಳಾ ಪ್ರಾತಿನಿಧ್ಯದಲ್ಲಿ ಶೇ 38ರಷ್ಟು ವಿಭಿನ್ನತೆಯನ್ನು ಗುರುತಿಸಬಹುದಾಗಿದೆ. ಈ ವಿಭಿನ್ನತೆ ಸಕಾರಾತ್ಮಕ ದೃಷ್ಟಿಯಲ್ಲಿ ಶೇ 2ರಷ್ಟಿದೆ. ಈ ಸಕಾರಾತ್ಮಕ ಉದ್ಯಮ ಸ್ಥಳದ ಸಂಸ್ಕೃತಿ ಲಾಭವನ್ನು ಕೈಗಾರಿಕೆಯಂತಹ ಕಡಿಮೆ ಪ್ರಾತಿನಿಧ್ಯ ಹೊಂದಿರುವ ಸ್ಥಳದಲ್ಲೂ ತೋರಿಸಿದೆ.
ಭಾರತದಲ್ಲಿ ಶೇ 8ರಷ್ಟು ಮಹಿಳೆಯರು ಸಿಇಒ ಆಗಿದ್ದು, ಶೇ 32ರಷ್ಟು ಮಹಿಳೆಯರು ಹಿರಿಯ ನಾಯಕತ್ವದ ಸ್ಥಾನವನ್ನು ಹೊಂದಿದ್ದಾರೆ. ನಮ್ಮ ಅಧ್ಯಯನ ತಿಳಿಸುವಂತೆ 2023ರಲ್ಲಿ ಮಹಿಳೆಯರಿಗೆ ಉತ್ತಮ ಕೆಲಸದ ಸ್ಥಳದ ಅವಕಾಶವನ್ನು ನೀಡಿದ್ದು, ಮಹಿಳಾ ಉದ್ಯೋಗಿಗಳು ಶೇ 5ರಷ್ಟು ಅಧಿಕ ತೃಪ್ತಿ ಮಟ್ಟವನ್ನು ಹೊಂದಿದ್ದಾರೆ. ಫಲಿತಾಂಶವಾಗಿ ಶೇ 89ರಷ್ಟು ಮಹಿಳೆಯರು ತಮ್ಮ ಪಾತ್ರ ನಿರ್ವಹಣೆ ನಿರೀಕ್ಷೆಯಲ್ಲಿ ಹೆಚ್ಚಿನ ಬದ್ಧತೆಯನ್ನು ತೋರಿಸುವುದಾಗಿ ಗ್ರೇಟ್ ಪ್ಲೇಟ್ ಟೂ ವರ್ಕ್ ಇಂಡಿಯಾ ಸಿಇಒ ಯಶಸ್ವಿನಿ ರಾಮಸ್ವಾಮಿ ತಿಳಿಸಿದ್ದಾರೆ.
2021 ರಲ್ಲಿ ಶೇಕಡಾ 21 ರಿಂದ 2023 ರಲ್ಲಿ ಪ್ರಭಾವ ಶೇಕಡಾ 26 ಕ್ಕೆ ಏರಿದೆ. ಅತ್ಯುತ್ತಮ ಕೆಲಸದ ಸ್ಥಳಗಳು ತಮ್ಮ ಎದುರಾಳಿಗಳಿಗೆ ಹೋಲಿಸಿದರೆ ಶೇಕಡಾ 17 ರಷ್ಟು ಹೆಚ್ಚಿನ ಮಹಿಳೆಯರನ್ನು ನೇಮಿಸಿಕೊಳ್ಳುವ ಮೂಲಕ ದಾರಿ ಮಾಡಿಕೊಡುತ್ತವೆ.