ತುಮಕೂರು: ಸರಿಯಾಗಿ ಕಾರ್ಯನಿರ್ವಹಿಸದ ಶುದ್ದ ನೀರಿನ ಘಟಕಗಳನ್ನು ಮಹಾನಗರ ಪಾಲಿಕೆ ಅಧಿಕಾರಿಗಳು ವಶಕ್ಕೆ ಪಡೆಯುವ ವೇಳೆ ಪ್ರಶ್ನಿಸಲು ಮುಂದಾದ ಮಾಜಿಕಾರ್ಪೋರೇಟರ್ ಪುತ್ರನನ್ನು ತುಮಕೂರು ಮಹಾನಗರ ಪಾಲಿಕೆ ಆಯುಕ್ತ ಭೂಬಾಲನ್ ತೀವ್ರ ತರಾಟೆಗೆ ತೆಗೆದುಕೊಂಡರು.
ಶುದ್ಧ ನೀರಿನ ಘಟಕಗಳ ಪರಿಶೀಲನೆ: ಮಾಜಿ ಕಾರ್ಪೊರೇಟರ್ ಪುತ್ರನ ಚಳಿ ಬಿಡಿಸಿದ ಆಯುಕ್ತ
ಶುದ್ಧ ಕುಡಿಯುವ ನೀರಿನ ಘಟಕಗಳ ಪರಿಶೀಲನೆಗೆ ಅಡ್ಡಿಪಡಿಸಲು ಯತ್ನಿಸಿದ ಮಾಜಿ ಕಾರ್ಪೊರೇಟ್ ಪುತ್ರನಿಗೆ ಮಹಾನಗರ ಪಾಲಿಕೆ ಆಯುಕ್ತರು ಕಿವಿ ಹಿಂಡಿದ್ದಾರೆ.
ಮಹಾನಗರ ಪಾಲಿಕೆ ಆಯುಕ್ತ
ವಿದ್ಯುತ್ ಬಿಲ್ ಪಾವತಿ ಸೇರಿದಂತೆ ಘಟಕಗಳನ್ನು ಸರಿಯಾಗಿ ನಿರ್ವಹಿಸದ ಹಿನ್ನೆಲೆಯಲ್ಲಿ ನೀರಿನ ಘಟಕಗಳನ್ನು ವಶಕ್ಕೆ ಪಡೆಯಲು ಪಾಲಿಕೆ ಅಧಿಕಾರಿಗಳು ಮುಂದಾದ್ರು. ಈ ವೇಳೆ24ನೇ ವಾರ್ಡ್ನ ನೀರಿನ ಘಟಕದ ನಿರ್ವಹಣೆಯ ಉಸ್ತುವಾರಿವಹಿಸಿರುವ ವಸೀಂಖಾನ್ ಶೇರಾನಿ ಎಂಬುವರು 'ನಾನು ಮಾಜಿ ಕಾರ್ಪೋರೇಟರ್ ಮಗ' ಎಂದು ಆಕ್ಷೇಪ ವ್ಯಕ್ತಪಡಿಸಿದರು. ಈ ಸಂದರ್ಭದಲ್ಲಿ ಕೋಪಗೊಂಡಪಾಲಿಕೆ ಆಯುಕ್ತ ಭೂಬಾಲನ್ 'ಏನಿವಾಗ ಮಾಜಿ ಕಾರ್ಪೋರೇಟರ್ ಮಗ ಅಂದ್ರೆ ಕೊಂಬಿದಿಯಾ' ಎಂದು ಚಳಿ ಬಿಡಿಸಿದರು.