ಸೊರಬದಲ್ಲಿ ರಸ್ತೆ ಅಭಿವೃದ್ದಿಗೆ ಚಾಲನೆ ನೀಡಿದ ಕುಮಾರ್​ ಬಂಗಾರಪ್ಪ

ಸೊರಬ ಕ್ಷೇತ್ರದಲ್ಲಿ ಸುಮಾರು ₹2 ಕೋಟಿ 34 ಲಕ್ಷ ಮೌಲ್ಯದ ರಸ್ತೆ ಅಭಿವೃದ್ಧಿಗೆ ಚಾಲನೆ ನೀಡಿದ ಶಾಸಕ ಕುಮಾರ ಬಂಗಾರಪ್ಪ.

ಶಿವಮೊಗ್ಗ: ಶಾಸಕ ಕುಮಾರ ಬಂಗಾರಪ್ಪ ತಮ್ಮ ಸೊರಬ ಕ್ಷೇತ್ರದಲ್ಲಿ ಸುಮಾರು 2 ಕೋಟಿ 34 ಲಕ್ಷ ರೂಪಾಯಿ ಮೌಲ್ಯದ ರಸ್ತೆ ಅಭಿವೃದ್ಧಿಗೆ ಚಾಲನೆ ನೀಡಿದರು.

ಕ್ಷೇತ್ರದ ಮಾಳೆಕೊಪ್ಪದಿಂದ ಚಿತ್ರಟ್ಟಿಹಳ್ಳಿ ಗ್ರಾಮ ಸಂಪರ್ಕ ರಸ್ತೆ ಅಭಿವೃದ್ದಿಗೆ ಮಾಳೆಕೊಪ್ಪ ಗ್ರಾಮದಲ್ಲಿ ಗುದ್ದಲಿ ಪೂಜೆ ನೆರವೇರಿಸಿದರು. ಇದು ಅಂದಾಜು ₹ 77.15 ಲಕ್ಷದ ಕಾಮಗಾರಿಯಾಗಿದೆ. ನಂತ್ರ ತವನಂದಿ ರಸ್ತೆಯಿಂದ ಕೊರಕೋಡು ಮುಖಾಂತರ ಟಿ.ಜಿ.ಕೊಪ್ಪ ಸಂಪರ್ಕ ಕಲ್ಪಿಸುವ ರಸ್ತೆ ಅಭಿವೃದ್ದಿಗೆ ಕೊರಕೋಡು ಗ್ರಾಮದಲ್ಲಿ ಗುದ್ದಲಿ ಪೊಜೆ ಸಲ್ಲಿಸಿದರು. ಇದು ₹157.34 ಲಕ್ಷ ಅಂದಾಜು ಕಾಮಗಾರಿಯಾಗಿದೆ. ಈ ವೇಳೆ ಜಿಲ್ಲಾ ಪಂಚಾಯತ್, ತಾಲೂಕು ಪಂಚಾಯತ್ ಹಾಗೂ ಸ್ಥಳೀಯ ಬಿಜೆಪಿ ಮುಖಂಡರು ಹಾಜರಿದ್ದರು.