ಬನ್ನೂರು ಪುರಸಭೆ: 1 ಮತದ ಅಂತರದಿಂದ ಗೆದ್ದ ಕೈ ಅಭ್ಯರ್ಥಿ!

ಬನ್ನೂರು ಪುರಸಭೆಯ 4 ನೇ ವಾರ್ಡ್ ನ ಕಾಂಗ್ರೆಸ್ ಅಭ್ಯರ್ಥಿ ಶೃತಿ 266 ಮತಗಳನ್ನು ಪಡೆದರು. ‌ಇದೇ ವಾರ್ಡ್ ನ ಜೆಡಿಎಸ್ ಅಭ್ಯರ್ಥಿ ರೂಪ 265 ಮತಗಳನ್ನು ಪಡೆದಿದ್ದು, ಈ ವಾರ್ಡ್ ನಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಶೃತಿ 1ಮತದ ಅಂತರದಿಂದ ಜಯಶಾಲಿಯಾಗಿದ್ದಾರೆ.

ಮೈಸೂರು: ಬನ್ನೂರು ಪುರಸಭೆಯ ವಾರ್ಡ್ ನಂಬರ್ 4ರಲ್ಲಿ ಕಾಂಗ್ರೆಸ್​ನ ಮಹಿಳಾ ಅಭ್ಯರ್ಥಿ 1 ಮತ ಅಂತರದಿಂದ ಅಚ್ಚರಿಯ ಗೆಲುವು ಸಾಧಿಸಿದ್ದಾರೆ.

ಮೈಸೂರು ಜಿಲ್ಲೆಯ ಬನ್ನೂರು ಪುರಸಭೆಯ 23 ವಾರ್ಡ್‌ಗಳಿಗೆ ನಡೆದ ಚುನಾವಣೆಯಲ್ಲಿ ಈ ಬಾರಿ 12 ಕ್ಷೇತ್ರಗಳಲ್ಲಿ ಜೆಡಿಎಸ್ ಗೆಲುವು ಸಾಧಿಸಿದ್ದು, ಕಾಂಗ್ರೆಸ್ 7 ಸ್ಥಾನ, ಬಿಜೆಪಿ ಹಾಗೂ ಪಕ್ಷೇತರರು ತಲಾ 2 ಸ್ಥಾನಗಳನ್ನು ಗೆದ್ದಿದ್ದಾರೆ.

ಈ ಮಧ್ಯೆ ಬನ್ನೂರು ಪುರಸಭೆಯ 4 ನೇ ವಾರ್ಡ್‌ನ ಕಾಂಗ್ರೆಸ್ ಅಭ್ಯರ್ಥಿ ಶೃತಿ 266 ಮತಗಳನ್ನು ಪಡೆದರು. ‌ಇದೇ ವಾರ್ಡ್‌ನ ಜೆಡಿಎಸ್ ಅಭ್ಯರ್ಥಿ ರೂಪ 265 ಮತಗಳನ್ನು ಪಡೆದಿದ್ದು, ಈ ವಾರ್ಡ್‌ನಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಶೃತಿ ಕೇವಲ 1ಮತದ ಅಂತರದಿಂದ ಜಯಶಾಲಿಯಾಗಿದ್ದಾರೆ.