ಗಂಗಾವತಿ:ವಾಹನ ಮತ್ತು ಜನ ದಟ್ಟಣೆಗೆ ಇದೇನು ಮಹಾನಗರವಲ್ಲ. ಆದರೆ ಸಂಚಾರಿ ಪೊಲೀಸರು ಕೊಂಚ ಯಾಮಾರಿದ್ದರಿಂದ ನಗರದಲ್ಲಿ ಬರೋಬ್ಬರಿ ಒಂದುವರೆ ಗಂಟೆಗಳ ಕಾಲ ಟ್ರಾಫಿಕ್ ಜಾಮ್ ಆಗಿ ವಾಹನ ಸವಾರರು ಮತ್ತು ಪಾದಚಾರಿಗಳು ಪರದಾಡಿದ ಪ್ರಸಂಗ ನಡೆಯಿತು.
ಸಣ್ಣ ನಗರದಲ್ಲೂ ಇಷ್ಟೊಂದು ಟ್ರಾಫಿಕ್ ಜಾಮ್ !
ಬೆಂಗಳೂರಿನಂತಹ ಮಹಾನಗರಗಳಲ್ಲಿ ಗಂಟೆಗಟ್ಟಲೇ ಟ್ರಾಫಿಕ್ ಜಾಮ್ ಆಗೋದು ಸಹಜ. ಆದರೆ, ಗಂಗಾವತಿಯಂತಹ ಪುಟ್ಟ ಪಟ್ಟಣದಲ್ಲೂ ಗಂಟೆ ಗಟ್ಟಲೇ ಟ್ರಾಫಿಕ್ ಜಾಮ್ ಆಗಿರುವ ಘಟನೆ ಇಂದು ನಡೆದಿದೆ.
Published : Oct 15, 2019, 7:58 PM IST
Published : Oct 15, 2019, 7:58 PM IST
|Updated : Oct 16, 2019, 3:15 AM IST
ಗಂಗಾವತಿ ಪಟ್ಟಣದ ದುರುಗಮ್ಮನ ದೇವಸ್ಥಾನದಿಂದ ಶಿವ ಟಾಕಿಸ್ ತಿರುವಿನ ರಸ್ತೆವರೆಗೂ ರಸ್ತೆ ಇಕ್ಕಟ್ಟಾಗಿದ್ದು, ಶಿವ ಚಿತ್ರಮಂದಿರದ ಬಳಿ ಸರಕುವಾಹನವೊಂದು ರಸ್ತೆಗೆ ಅಡ್ಡ ನಿಂತಿತ್ತು ಅದೇ ಸಮಯದಲ್ಲಿ ಮತ್ತೊಂದು ಸರಕು ವಾಹನವೂ ಇದೇ ಮಾರ್ಗದಲ್ಲಿ ಬಂದ ಪರಿಣಾಮ ಟ್ರಾಫಿಕ್ ಜಾಮ್ ಆಗಿದೆ.
ನಿತ್ಯ ಸಾವಿರಾರು ವಾಹನಗಳು ಚಲಿಸುವ ಈ ಮಾರ್ಗದಲ್ಲಿ ಎರಡು ಭಾರಿ ಗಾತ್ರದ ವಾಹನ ಬಂದಿದ್ದರಿಂದಾಗಿ ಸುಮಾರು ಒಂದುವರೆ ಗಂಟೆ ವಾಹನಗಳ ಸುಗಮ ಸಂಚಾರಕ್ಕೆ ಭಾರಿ ಅಡಚಣೆ ಉಂಟಾಯಿತು. ಇದರಿಂದ ವಾಹನ ಸವಾರರು ಪರದಾಡುವಂತಾಯಿತು.