ಕುರಿಗಾಹಿಯ ಹುಚ್ಚು ಸಾಹಸಕ್ಕೆ ಕೊಚ್ಚಿ ಹೋದ ದ್ವಿಚಕ್ರ ವಾಹನ: ಸ್ಥಳೀಯರ ನೆರವಿನಿಂದ ಪಾರು

ಗದಗ ಜಿಲ್ಲೆ ರೋಣ ತಾಲೂಕಿನ ಸವಡಿ ಗ್ರಾಮದ ಬಳಿ ಇರುವ ದೇವತೀ ಹಳ್ಳದಲ್ಲಿ ನಿಪ್ಪಾಣಿ ತಾಲೂಕಿನ ಕುರಿಗಾಹಿಯೊಬ್ಬರ ಬೈಕ್​ ಹಳ್ಳದಲ್ಲಿ ಕೊಚ್ಚಿ ಹೋಗಿದೆ. ನಂತರ ಗ್ರಾಮಸ್ಥರ ಸಹಾಯದಿಂದ ಹಳ್ಳದ ಗುಂಡಿಗೆ ಬಿದ್ದ ಬೈಕ್​ ಅನ್ನು ಹೊರ ತೆಗೆಯಲಾಯಿತು.

ಗದಗ: ಜಿಲ್ಲೆಯ ರೋಣ ತಾಲೂಕಿನ ಸುತ್ತಮುತ್ತ ಭಾರಿ ಮಳೆಯಾಗಿದ್ದು, ಹಳ್ಳ, ಕೊಳ್ಳಗಳು ತುಂಬಿ ಹರಿಯುತ್ತಿವೆ. ರಭಸವಾಗಿ ಹರಿಯತ್ತಿದ್ದ ಹಳ್ಳದಲ್ಲಿ ಕುರಿಗಾಯಿಯೊಬ್ಬಬೈಕ್​ ದಾಟಿಸಲು ಹೋಗಿದ್ದು, ನೀರಿನ ರಭಸಕ್ಕೆ ಬೈಕ್ ಕೊಚ್ಚಿ ಹೋಗಿದೆ.

ರೋಣ ತಾಲೂಕಿನ ಸವಡಿ ಗ್ರಾಮದ ಬಳಿಯ ದೇವತೀ ಹಳ್ಳದಲ್ಲಿ ಈ ಘಟನೆ ನಡೆದಿದೆ. ನಿಪ್ಪಾಣಿ ತಾಲೂಕಿನ ಕುರಿಗಾಹಿಯೊಬ್ಬ ಅಪಾಯವನ್ನು ಎಳೆದುಕೊಂಡಿದ್ದು, ಸವಡಿ ಗ್ರಾಮದ ಯುವಕರ ಸಹಾಯದಿಂದ ಹಳ್ಳದ ಗುಂಡಿಗೆ ಬಿದ್ದ ಬೈಕ್​ ಹಾಗೂ ಕುರಿಗಾಯಿಯನ್ನು ರಕ್ಷಿಸಿದ್ದಾರೆ.

ರೋಣ ತಾಲೂಕಿನ ಅಬ್ಬಿಗೇರಿ, ಸವಡಿ ಸೇರಿದಂತೆ ಸುತ್ತಮುತ್ತ ಭಾರಿ ಮಳೆಯಾದ ಪರಿಣಾಮ‌ ದೇವತೀ ಹಳ್ಳ ತುಂಬಿ ಹರಿಯುತ್ತಿದೆ.