ಸರ್ಕಾರ ವಿಸರ್ಜಿಸಿ ಚುನಾವಣೆಗೆ ಹೋಗುವುದೇ ಒಳಿತು: ಕಾಂಗ್ರೆಸ್‌ ಎಂಎಲ್‌ಸಿ ರಘು ಆಚಾರ್‌

ಸರ್ಕಾರ ವಿಸರ್ಜಿಸಬೇಕೆಂಬುದು ನನ್ನ ವೈಯಕ್ತಿಕ ಅಭಿಪ್ರಾಯ. ರಾಜಕೀಯ ದೊಂಬರಾಟದಿಂದ ಮತದಾರರು ಬೇಸತ್ತಿದ್ದಾರೆ ಎಂದು ಕಾಂಗ್ರೆಸ್​ನ ವಿಧಾನ ಪರಿಷತ್ ಸದಸ್ಯ ರಘು ಆಚಾರ್ ಹೇಳಿದ್ದಾರೆ.

ಚಿತ್ರದುರ್ಗ:ಸರ್ಕಾರ ವಿಸರ್ಜಿಸಿ ಚುನಾಣೆಗೆ ಹೋಗುವುದು ಒಳಿತು ಎಂದು ಕಾಂಗ್ರೆಸ್​ನ ವಿಧಾನ ಪರಿಷತ್ ಸದಸ್ಯ ರಘು ಆಚಾರ್ ಹೊಸ ವರಸೆ ಆರಂಭಿಸಿದ್ದಾರೆ.

ಇಂದು ಚಿತ್ರದುರ್ಗದಲ್ಲಿ ಮಾತನಾಡಿದ ಅವರು, ಸರ್ಕಾರ ವಿಸರ್ಜಿಸಬೇಕೆಂಬುದು ನನ್ನ ವೈಯಕ್ತಿಕ ಅಭಿಪ್ರಾಯ. ಶಾಸಕ ಸೇರಿದ್ದಂತೆ ಯಾರೊಬ್ಬರೂ ಸಹ ಮಂತ್ರಿ ಆಗ್ತೀವಿ ಎಂದು ಜನರಲ್ಲಿ ಮತ ಕೇಳಿಲ್ಲ. ಆದರೆ, ಈ ರಾಜಕೀಯ ದೊಂಬರಾಟದಿಂದ ಮತದಾರರು ಬೇಸತ್ತಿದ್ದಾರೆ.

ಮೈತ್ರಿ ಸರ್ಕಾರ ವಿಶ್ವಾಸ ಮತ ಗೆಲ್ಲುವ ಭರವಸೆ ಇದೆ. ನಾನೂ ಕೂಡ ಎಂ​ಎಲ್​ಸಿ. ಅವಧಿ ಮುಗಿದ ಬಳಿಕ 10ವರ್ಷ ಚುನಾವಣೆಗೆ ಸ್ಪರ್ಧಿಸಲ್ಲ. ಈಗಾಗಲೇ 10 ವರ್ಷ ರಾಜಕೀಯದಿಂದ ದೂರ ಇರುವುದಾಗಿ ಘೋಷಿಸಿದ್ದೇನೆ ಎಂದು ತಿಳಿಸಿದರು.