ಚಾಮರಾಜನಗರ: ಮೊದಲು ಅಸಲಿ ಚಿನ್ನ ತೋರಿಸಿ ಬಳಿಕ ಆಭರಣ ವ್ಯಾಪಾರಿಗಳಿಗೆ ತಿಳಿಯದಂತೆ ನಕಲಿ ಚಿನ್ನ ಕೊಟ್ಟು ಯಾಮಾರಿಸುತ್ತಿದ್ದ ಇಬ್ಬರು ಅಂತರ್ರಾಜ್ಯ ಕಳ್ಳಿಯರನ್ನು ಕೊಳ್ಳೇಗಾಲ ಪೊಲೀಸರು ಬಂಧಿಸಿದ್ದಾರೆ. ತಮಿಳುನಾಡಿನ ಸೇಲಂ ಮೂಲದ ಧನಂ(54) ಹಾಗೂ ವಸಂತ(36) ಬಂಧಿತ ಮಹಿಳೆಯರು.
ಕೊಳ್ಳೇಗಾಲ : ನಕಲಿ ಚಿನ್ನ ಕೊಟ್ಟು ವಂಚಿಸುತ್ತಿದ್ದ ಮಹಿಳೆಯರ ಬಂಧನ, 3 ಪ್ರಕರಣ ಬೆಳಕಿಗೆ
ಕೆಲವು ದಿನಗಳ ಹಿಂದೆಯಷ್ಟೆ ಕೊಳ್ಳೇಗಾಲದ ವೈವಿಧ್ಯ ಜುವೆಲರ್ಸ್ ನಲ್ಲಿ ವ್ಯಾಪಾರ ಮಾಡಲು ಬಂದ ಈ ಇಬ್ಬರು ಮಹಿಳೆಯರು ಮೊದಲು ಅಸಲಿ ಒಡವೆಗಳನ್ನು ತೋರಿಸಿ ಬಳಿಕ ಮಾಲೀಕನಿಗೆ ತಿಳಿಯದಂತೆ ನಕಲಿ ಚಿನ್ನ ಕೊಟ್ಟು ಬರೋಬ್ಬರಿ 71 ಗ್ರಾಂ ಚಿನ್ನ ಖರೀದಿಸಿ ಯಾಮಾರಿಸಿದ್ದರು.
ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡ ಕೊಳ್ಳೇಗಾಲ ಪಟ್ಟಣ ಠಾಣೆ ಪೊಲೀಸರು ಕಾರ್ಯಾಚರಣೆ ಕೈಗೊಂಡು ಈ ಇಬ್ಬರನ್ನು ಬಂಧಿಸಿದ್ದಾರೆ. ಜೊತೆಗೆ, 151 ಗ್ರಾಂ ಚಿನ್ನ ವಶಪಡಿಸಿಕೊಂಡಿದ್ದು, ಇದೇ ರೀತಿ, ಇವರ ವಿರುದ್ಧ ದಾಖಲಾಗಿದ್ದ ಮೂರು ಪ್ರಕರಣಗಳನ್ನು ಪತ್ತೆ ಹಚ್ಚಿದ್ದಾರೆ.