ಇಂದಿನಿಂದ ಬೆಳಗಾವಿ ಮಾರ್ಗವಾಗಿ ಪಂಢರಪುರಕ್ಕೆ ರೈಲು ಸಂಚಾರ: ಭಕ್ತರಿಗೆ ಅನುಕೂಲ

ಭಕ್ತರ ಅನುಕೂಲಕ್ಕಾಗಿ ಇಂದಿನಿಂದ ಪಂಢರಪುರಕ್ಕೆ ವಿಶೇಷ ಪ್ಯಾಸೆಂಜರ್‌ ರೈಲು ಸಂಚಾರ ಆರಂಭವಾಗಿದೆ.

ಚಿಕ್ಕೋಡಿ :ಮಹಾರಾಷ್ಟ್ರದ ಶ್ರೀಕ್ಷೇತ್ರ ಪಂಢರಪುರಕ್ಕೆ ತೆರಳುವ ಭಕ್ತರ ಅನುಕೂಲಕ್ಕಾಗಿ ಇಂದಿನಿಂದ ಜುಲೈ 15ರವರೆಗೆ ಹುಬ್ಬಳ್ಳಿ-ಪಂಢರಪುರ, ಪಂಢರಪುರ-ಹುಬ್ಬಳ್ಳಿ ವಿಶೇಷ ಪ್ಯಾಸೆಂಜರ್‌ ರೈಲು (06527) ಸಂಚರಿಸಲಿದೆ.

ಶ್ರೀಕ್ಷೇತ್ರ ಪಂಢರಪುರ

ಬೆಳಗ್ಗೆ 5.20ಕ್ಕೆ ಹುಬ್ಬಳ್ಳಿಯಿಂದ ಹೊರಡುವ ರೈಲು ಧಾರವಾಡ, ಅಳ್ನಾವರ, ಲೋಂಡಾ, ಖಾನಾಪುರ, ಬೆಳಗಾವಿ, ಘಟಪ್ರಭಾ, ರಾಯಬಾಗ, ಕುಡಚಿ, ಮೀರಜ್‌ ಮಾರ್ಗವಾಗಿ ಸಂಜೆ 5.05ಕ್ಕೆ ಪಂಢರಪುರ ತಲುಪುತ್ತದೆ. ಅದೇ ರೈಲು ಜುಲೈ 07 ರಂದು ಸಂಜೆ 7 ಗಂಟೆಗೆ ಪಂಢರಪುರ ಬಿಟ್ಟು ಬೆಳಗ್ಗೆ 4.15ಕ್ಕೆ ಹುಬ್ಬಳ್ಳಿ ತಲುಪುತ್ತದೆ. ಭಕ್ತರ ವಿನಂತಿ ಮೇರೆಗೆ ಘಟಪ್ರಭಾ ನಿಲ್ದಾಣದಲ್ಲೂ ಈ ರೈಲು ನಿಲುಗಡೆಯಾಗಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.