ವಿಭಜಕಗಳ ನಡುವೆ ಬೆಳೆದ ಹುಲ್ಲು: ಲಕ್ಷ್ಮಣ ಸವದಿ ಸ್ವ ಕ್ಷೇತ್ರದ ಅಂದಕ್ಕೆ ಕುತ್ತು

ಉಪಮುಖ್ಯಮಂತ್ರಿ ಲಕ್ಷ್ಮಣ ಸವದಿ ಸ್ವ ಕ್ಷೇತ್ರವಾಗಿರುವ ಅಥಣಿ ಪಟ್ಟಣದ ಹೃದಯ ಭಾಗದಲ್ಲಿರುವ ರಾಜ್ಯ ಹೆದ್ದಾರಿಗಳ ವಿಭಜಕಗಳ ನಡುವೆ ಹುಲುಸಾಗಿ ಹುಲ್ಲು ಬೆಳೆದು ನಿಂತಿದ್ದು, ಪಟ್ಟಣದ ಅಂದವನ್ನು ಕೆಡಿಸಿದೆ.

ಅಥಣಿ: ಉಪಮುಖ್ಯಮಂತ್ರಿ ಲಕ್ಷ್ಮಣ ಸವದಿ ಸ್ವ ಕ್ಷೇತ್ರದ ಅಥಣಿ ಪಟ್ಟಣದ ಹೃದಯ ಭಾಗದಲ್ಲಿ ಇರುವ ರಾಜ್ಯ ಹೆದ್ದಾರಿಗಳ ವಿಭಜಕಗಳ ನಡುವೆ ಹುಲುಸಾಗಿ ಹುಲ್ಲು ಬೆಳೆದು ನಿಂತು ಪಟ್ಟಣದ ಅಂದ ಚಂದಕ್ಕೆ ಕಪ್ಪು ಚುಕ್ಕೆಯಾಗಿದೆ.

ಅಥಣಿ ಪಟ್ಟಣದ ಅಂಬೇಡ್ಕರ್ ವೃತ್ತದಿಂದ ಶಿವಾಜಿ ವೃತ್ತದವರೆಗೆ ಸೂಮಾರು 2 ಕಿ.ಮೀಟರ್ ವರೆಗೆ ಕಳೆ, ಹುಲ್ಲು ಬೆಳೆದು ನಿಂತಿರುವುದು ತಾಲೂಕು ಆಡಳಿತ ಪಟ್ಟಣವನ್ನು ಎಷ್ಟರಮಟ್ಟಿಗೆ ಸುಂದರವಾಗಿಡುತ್ತಿದೆ ಎಂಬುದಕ್ಕೆ ಸಾಕ್ಷಿಯಾಗಿದೆ. ಜೊತೆಗೆ ಇಲ್ಲಿ ಬೆಳೆದ ಹುಲ್ಲನ್ನು ತಿನ್ನಲು ಬಿಡಾಡಿ ದನಗಳು ಬಂದು ನಿಲ್ಲುವುದರಿಂದ ಅಪಘಾತಗಳು ಕೂಡ ಸಂಭವಿಸುತ್ತಿವೆ. ಕೂಡಲೇ ಸಂಬಂಧಪಟ್ಟ ಇಲಾಖೆಯವರು ಈ ಕಳೆಯನ್ನು ಸ್ವಚ್ಛಗೊಳಿಸಿ ಉತ್ತಮ ಸಂಚಾರಕ್ಕೆ ಅನುವು ಮಾಡಿಕೊಡಬೇಕೆಂಬುದು ವಾಹನ ಸವಾರರ ಮನವಿಯಾಗಿದೆ.

ಕೆಲವು ಕಡೆ ರಾಜ್ಯದ ಸಚಿವರು ಬರುತ್ತಿದ್ದರೆಂದು ವಿಷಯ ತಿಳಿದು ಪಟ್ಟಣವನ್ನು ಸ್ವಚ್ಛಗೊಳಿಸಿ ಅಂದವಾಗಿ ಕಾಣುವಂತೆ ಮಾಡುವುದರ ಜೊತೆಗೆ ಯಾವುದೇ ಲೋಪವಾಗದಂತೆ ಅಧಿಕಾರಿಗಳು ನೋಡಿಕೊಳ್ಳುತ್ತಾರೆ. ಆದರೆ ಅಥಣಿ ತಾಲೂಕು ಆಡಳಿತ ಇದಕ್ಕೆ ತದ್ವಿರುದ್ಧವಾಗಿ ರಾಜ್ಯದ ಉಪಮುಖ್ಯಮಂತ್ರಿಗಳ ಸ್ವಕ್ಷೇತ್ರದಲ್ಲಿ ಅವರ ಸ್ವಾಗತಕ್ಕೆ ಅಥಣಿ ಪಟ್ಟವನ್ನು ಈ ರೀತಿ ಮಅಡುವುದೇ ಎಂದು ಕೆಲವರು ಲೇವಡಿ ಮಾಡುತ್ತಿದ್ದಾರೆ.

ಶಿವಯೋಗಿ ನಾಡು ಅಥಣಿ ಪಟ್ಟಣದಲ್ಲಿ ಇನ್ನಾದರೂ ರಸ್ತೆಗಳ ವಿಭಜಕಗಳು ಮಧ್ಯೆ ಒಳ್ಳೆಯ ಹೂ ಗಿಡಗಳನ್ನು ಬೆಳೆಯಲಿ ಎಂಬುದು ಪರಿಸರ ಪ್ರೇಮಿಗಳ ಒತ್ತಾಯವಾಗಿದೆ.