ಬೆಂಗಳೂರು: ಸ್ಯಾಂಡಲ್ವುಡ್ನಲ್ಲಿ ಡ್ರಗ್ಸ್ ದಂಧೆ ಎಗ್ಗಿಲ್ಲದೇ ಸಾಗ್ತಿದೆ ಅನ್ನೋ ವಿಚಾರವನ್ನ ಎನ್ಸಿಬಿ ಇತ್ತೀಚೆಗೆ ಬಯಲಿಗೆ ಎಳೆದಿತ್ತು. ಹದ್ದಿನ ಕಣ್ಣನ್ನು ತಪ್ಪಿಸಿ ಕೋಟ್ಯಂತರ ರೂ. ಮೌಲ್ಯದ ಮಾದಕ ವಸ್ತು ನಗರದೊಳಗೆ ಬಂದಿದ್ದಾದರೂ ಹೇಗೆ ಎಂದು ಸಿಸಿಬಿ ಮತ್ತು ಎನ್ಸಿಬಿ ಅಧಿಕಾರಿಗಳ ತಂಡ ಶೋಧ ನಡೆಸಲು ಮುಂದಾಗಿದ್ದಾರೆ.
ಸಂಚಲನ ಸೃಷ್ಟಿಸಿದ ಡ್ರಗ್ಸ್ ಘಾಟು: ಮಾದಕ ವಸ್ತುವಿನ ಜಾಲ ಪತ್ತೆಗೆ ಸಿಸಿಬಿ, ಎನ್ಸಿಬಿ ತನಿಖೆ ಚುರುಕು
ಬೆಂಗಳೂರು ಮಾದಕ ಲೋಕದ ಸುದ್ದಿ ದೇಶಾದ್ಯಂತ ಸದ್ದು ಮಾಡ್ತಿದೆ. ಬೆಂಗಳೂರಲ್ಲಿ ತಮ್ಮ ಕಣ್ತಪ್ಪಿಸಿ ಡ್ರಗ್ಸ್ ಹೇಗೆ ಬರ್ತಿದೆ ಎಂಬುದು ಪೊಲೀಸರಿಗೇ ಯಕ್ಷ ಪ್ರಶ್ನೆಯಾಗಿದೆ.
ಜರ್ಮನಿ, ಅಮೆರಿಕ, ರಷ್ಯಾ ಸೇರಿ ಲ್ಯಾಟಿನ್ ಅಮೆರಿಕ ದೇಶಗಳ ಡ್ರಗ್ಸ್ ಮಾಫಿಯಾ ಹಿಡಿತದಲ್ಲಿರುವ ಕೊಕೇನ್, ಆ್ಯಸಿಡ್, ಹೆರಾಯಿನ್, ಕೆಟಾಮಿನ್ ಪ್ರತಿದಿನವೂ ಗ್ರಾಹಕರ ಕೈಗೆ ನಿರಾತಂಕವಾಗಿ ತಲುಪುತ್ತಿದೆ. ಇದು ತಮ್ಮ ಕಣ್ತಪ್ಪಿಸಿ ಹೇಗೆ ಬರ್ತಿದೆ ಎಂಬುದು ಮಾತ್ರ ಪೊಲೀಸರಿಗೆ ಯಕ್ಷ ಪ್ರಶ್ನೇಯಾಗಿದೆ. ಏಕೆಂದರೆ ಡ್ರಗ್ಸ್ ಪೂರೈಸುವುದು ಅಪರಾಧ. ಅದರಲ್ಲಿಯೂ ಲಾಕ್ ಡೌನ್ ಸಂದರ್ಭದಲ್ಲಿ ಎಲ್ಲಾ ಕಡೆ ಚಟುವಟಿಕೆ ಬಂದ್ ಆಗಿತ್ತು. ರೈಲ್ವೆ, ವಿಮಾನ ನಿಲ್ದಾಣ ಯಾವುದು ಹಾರಾಟ ನಡೆಸ್ತಿರಲಿಲ್ಲ. ಆದರೂ ವಿದೇಶದಿಂದ ಡ್ರಗ್ಸ್ ಮೊದಲೇ ಕಸ್ಟಮ್ ಅಧಿಕಾರಿಗಳ ಕಣ್ತಪ್ಪಿಸಿ ಡ್ರಗ್ಸ್ ಪೆಡ್ಲರ್ ಕೈ ಸೇರಿತ್ತು. ಹಾಗಾದರೆ ಇದರಲ್ಲಿ ಯಾರು ಭಾಗಿಯಾಗಿದ್ದಾರೆ ಅನ್ನೋ ನಿಟ್ಟಿನಲ್ಲಿ ತನಿಖೆ ಮುಂದುವರೆದಿದೆ.
ಪಂಚತಾರಾ ಹೋಟೆಲ್, ಪಾರ್ಟಿಗಳಲ್ಲಿ ಕೆಲವು ಹಾಲಿ-ಮಾಜಿ ಶಾಸಕರು, ಸಚಿವರ ಮಕ್ಕಳು, ಸಿನಿಮಾ ನಟ ನಟಿಯರು, ಅಧಿಕಾರಿ-ಉದ್ಯಮಿಗಳ ಮಕ್ಕಳೆಲ್ಲರೂ ಭಾಗಿಯಾಗಿ ಡ್ರಗ್ಸ್ ನಶೆಯಲ್ಲಿ ತೇಲ್ತಾರೆ. ಸದ್ಯ ಈ ಮಾಫಿಯಾ ಹಿಂದೆ ಯಾರ ಕೈವಾಡ ಇದೆ ಎಂದು ತನಿಖಾಧಿಕಾರಿಗಳು ತನಿಖೆ ಮುಂದುವರೆಸಿದ್ದು, ಡ್ರಗ್ಸ್ ಪೆಡ್ಲರ್ ಮಟ್ಟ ಹಾಕಲು ಸಿಸಿಬಿ ತಂಡ ರೆಡಿಯಾಗಿದೆ.