ಬೆಂಗಳೂರಿನಲ್ಲಿ ಭಾರಿ ಅಗ್ನಿ ಅವಘಡ : ನೋಡುತ್ತಿದ್ದಂತೆ ಹೊತ್ತಿ ಉರಿದ ಗೋದಾಮು! ವಿಡಿಯೋ...

ಪೇಂಟ್​ ಮತ್ತು ಥಿನ್ನರ್​ ಶೇಖರಣೆ ಮಾಡಿದ ಗೋದಾಮುವಿನಲ್ಲಿ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ಬೆಂಗಳೂರು :ಪೇಂಟ್​ ಶೇಖರಿಸಿದ್ದ ಗೋದಾಮುವಿನಲ್ಲಿ ಭಾರಿ ಅಗ್ನಿ ಅವಘಡ ಸಂಭವಿಸಿರುವ ಘಟನೆ ನಗರದ ಲಕ್ಕಸಂದ್ರದ ಬಳಿ ನೆಡೆದಿದೆ.

ಸುದ್ದಿ ತಿಳಿದ ಕೂಡಲೇ ಐದು ಅಗ್ನಿ ಶಾಮಕ ವಾಹನಗಳ ಘಟನಾ ಸ್ಥಳಕ್ಕೆ ತೆರಳಿ ಕಾರ್ಯಚರಣೆ ಕೈಗೊಂಡಿದ್ದಾವೆ. ಆದ್ರೆ ಥಿನ್ನರ್​ ಸ್ಫೋಟಗೊಂಡ ಕಾರಣ ಇಡೀ ಗೋದಾಮುವಿಗೆ ಬೆಂಕಿಯ ಜ್ವಾಲೆ ವ್ಯಾಪಿಸಿದೆ. ಗೊಡೌನ್​ನಲ್ಲಿರುವ ಸಾಮಾಗ್ರಿಗಳು ಹೊತ್ತಿ ಉರುತ್ತಿರುವ ದೃಶ್ಯಗಳು ಕಂಡು ಬಂದವು.

ಮೆಟ್ರೋ ಕಾಮಾಗಾರಿ ನೆಡೆಯುವ ಸ್ಥಳದಲ್ಲಿ ಥಿನ್ನರ್, ಪೇಂಟ್ ಡಬ್ಬಗಳನ್ನು ಶೇಕರಿಸಿಟ್ಟಿದ್ದ ಗೋದಾಮುವಿನಲ್ಲಿ ಆಕಸ್ಮಿಕ ಬೆಂಕಿ ಕಾಣಿಸಿಕೊಂಡಿದೆ. ಬೆಂಕಿಗೆ ಪೇಂಟ್ ಮತ್ತು ಥಿನ್ನರ್​ ಡಬ್ಬಗಳು ಸ್ಫೋಟಗೊಂಡಿದ್ದು, ಸ್ಥಳದಲ್ಲಿ ಕೆಲಹೊತ್ತು ಆತಂಕದ ವಾತಾವರಣ ನಿರ್ಮಾಣವಾಗಿತ್ತು.

ಕೂಡಲೇ ಸ್ಥಳಕ್ಕೆ ಧಾವಿಸಿದ ಅಗ್ನಿಶಾಮಕ ಸಿಬ್ಬಂದಿಗಳು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಯಾವುದೇ ಪ್ರಾಣ ಹಾನಿ ಸಂಭವಿಸಿರುವುದರ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ.