ಮಾಸ್ಕ್ ಧರಿಸದವರಿಗೆ ಬಿಸಿ ಮಟ್ಟಿಸಿದ ಪೊಲೀಸರು: ಬೆಂಗಳೂರಲ್ಲಿ ಲಕ್ಷಾಂತರ ರೂ. ದಂಡ ವಸೂಲಿ..!

ಬೆಂಗಳೂರಿನಲ್ಲಿ ಕೊರೊನಾ ವೈರಸ್​​ ಕುರಿತು ಸಾರ್ವಜನಿಕರಿಗೆ ಅದೆಷ್ಟೇ ಜಾಗೃತಿಯನ್ನು ಮೂಡಿಸಿದರೂ ಕೂಡಾ ಯಾವುದೇ ಪ್ರಯೋಜನವಾದಂತೆ ಕಂಡು ಬರುತ್ತಿಲ್ಲ. ಹೀಗಾಗಿ ಪೂರ್ವ ವಿಭಾಗದ ಡಿಸಿಪಿ ಶರಣಪ್ಪ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆದಿದ್ದು, ಕೇಸ್​ ಹಾಕುವುದರೊಂದಿಗೆ ದಂಡವನ್ನು ಸಹ ವಸೂಲಿ ಮಾಡಲಾಗಿದೆ.

ಬೆಂಗಳೂರು:ನಗರದಲ್ಲಿ ಕೊರೊನಾ ವೈರಸ್​​ ಜಾಗೃತಿಯ ಹೊರತಾಗಿಯೂ ಸಾರ್ವಜನಿಕರು ಮಾಸ್ಕ್ ಧರಿಸದೇ ವಾಹನ ಚಾಲನೆ ಹಾಗೂ ರಸ್ತೆಯಲ್ಲಿ ಓಡಾಡುತ್ತಿದ್ದಾರೆ. ಹೀಗಾಗಿ ಪೂರ್ವ ವಿಭಾಗದ ಡಿಸಿಪಿ ಶರಣಪ್ಪ ನೇತೃತ್ವದಲ್ಲಿ ಬಿಬಿಎಂಪಿ ಇಲಾಖೆಯ ಆರೋಗ್ಯಾಧಿಕಾರಿಗಳು, ಮಾರ್ಷಲ್​ಗಳು ಮತ್ತು ಇನ್ಸ್​​​ಪೆಕ್ಟರ್​​​ ತಂಡ ಭರ್ಜರಿ ಕಾರ್ಯಾಚರಣೆ ನಡೆಸಿದೆ.

ಪ್ರಕರಣದ ಸಂಖ್ಯೆ ಹಾಗೂ ದಂಡ ವಸೂಲಿ :

* ಬಾಣಸವಾಡಿ 630 ಕೇಸ್- 1,26,000 ರೂ.

* ರಾಮಮೂರ್ತಿನಗರ 162 ಕೇಸ್ - 32,400 ರೂ.

* ಹೆಣ್ಣೂರು 337 ಕೇಸ್- 67,400 ರೂ.

* ಕೆ.ಜಿ ಹಳ್ಳಿ 226 ಕೇಸ್- 4,400 ರೂ.

* ಡಿ.ಜೆ. ಹಳ್ಳಿ 178 ಕೇಸ್- 35,600 ರೂ.

* ಹಲಸೂರು 183 ಕೇಸ್- 36,600 ರೂ,ದಂಡ ವಸೂಲಿಯಾಗಿದೆ.

* ಹಾಗೆಯೇ ಬೈಯಪ್ಪನಹಳ್ಳಿ 213 ಕೇಸ್- 42,600 ರೂ.

* ಜೆ.ಬಿ ನಗರ 168 ಕೇಸ್- 33,600 ರೂ.

* ಪುಲಕೇಶಿನಗರ 358 ಕೇಸ್- 71,600 ರೂ.

* ಭಾರತಿ ನಗರ- 147ಕೇಸ್ 29,400 ರೂ.

* ಶಿವಾಜಿನಗರ 53 ಕೇಸ್ 10, 600 ರೂ.

* ಕಮರ್ಷಿಯಲ್ ಠಾಣೆ 41 ಕೇಸ್- 8200 ರೂ. ಸೇರಿದಂತೆ ಒಟ್ಟು 5,80,000 ಹಣ ವಶಪಡಿಸಿಕೊಂಡಿದ್ದಾರೆ.

ಸದ್ಯ‌ ಸ್ವತಃ ಅಧಿಕಾರಿಗಳೇ ಖುದ್ದಾಗಿ ಫೀಲ್ಡ್​ಗೆ ಇಳಿದು ಮಾಸ್ಕ್ ಧರಿಸದೆ ಇರುವವರಿಗೆ ಬಿಸಿ ಮುಟ್ಟಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ. ಈಗಾಗಲೇ ಸರ್ಕಾರ ಕೂಡ ಕೋವಿಡ್ ನಿಯಮ ಉಲ್ಲಂಘನೆ ಮಾಡುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲು ಸೂಚನೆ ನೀಡಿತ್ತು.