ಬೆಂಗಳೂರು: ಕೊರೊನಾ ವೈರಸ್ ಎಲ್ಲ ವಯೋಮಾನದವರಿಗೂ ಹರಡುವುದು ಗೊತ್ತಿರುವ ವಿಷಯ. ಅದರಲ್ಲೂ ಗರ್ಭಿಣಿಯರಿಗೆ ಬಹುಬೇಗ ಹರಡುವ ಕೊರೊನಾ ಹೆಚ್ಚು ಅಪಾಯ ತಂದಿಟ್ಟಿರುತ್ತೆ. ಆದ್ರೆ ಕೊರೊನಾ ಸೋಂಕಿತೆಯೊಬ್ಬಳು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.
ಯಲಹಂಕದ ಮಿನಿವಿಧಾನಸೌಧದ ಬಳಿಯಿರುವ ಸುಗ್ಗಪ್ಪ ಲೇಔಟ್ನ ನಿವಾಸಿಯೊಬ್ಬರು ಗರ್ಭಿಣಿಯಾಗಿದ್ದು, ಇವರಿಗೆ ಕೊರೊನಾ ಸೋಂಕು ತಗುಲಿತ್ತು. ಗರ್ಭಿಣಿಯಾಗಿದ್ದ ಕಾರಣಕ್ಕೆ ಸಾಕಷ್ಟು ಆತಂಕ ಮನೆ ಮಾಡಿತ್ತು. ಇಂದು ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಸೋಂಕಿತ ಗರ್ಭಿಣಿಗೆ ಹೆರಿಗೆ ಆಗಿದೆ. ಇಂದು ಗಂಡು ಮಗು ಜನಿಸಿದ್ದು, ಅದು 3.6 ಕೆ ಜಿ ತೂಕವಿದೆ. ನವಜಾತ ಶಿಸು ಆರೋಗ್ಯವಾಗಿದೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.