ವಿದ್ಯುತ್​​ ಕಂಬಗಳ ದುರಸ್ತಿ ವೇಳೆ ಜಾರಿ ನದಿಗೆ ಬಿದ್ದು ವ್ಯಕ್ತಿ ಸಾವು

ಬಾಗಲಕೋಟೆಯ ರಾಮಥಾಳ ಸೇತುವೆ ಬಳಿ ಇತ್ತೀಚಿಗೆ ಪ್ರವಾಹ ಬಂದು ಹಾಳಾದ ವಿದ್ಯುತ್​​ ಕಂಬಗಳ ದುರಸ್ತಿ ಕಾರ್ಯದಲ್ಲಿದ್ದ ವಿದ್ಯುತ್ ಗುತ್ತಿಗೆದಾರ ಜಾರಿ ನದಿಗೆ ಬಿದ್ದು ಸಾವನಪ್ಪಿದ್ದಾನೆ.

ಬಾಗಲಕೋಟೆ:ವಿದ್ಯುತ್ ಕಂಬಗಳಿಗೆ ತಂತಿ ಜೋಡಣೆ ಮಾಡುತ್ತಿರುವ ಸಮಯದಲ್ಲಿ ಜಾರಿ ಬಿದ್ದು ವಿದ್ಯುತ್ ಗುತ್ತಿಗೆದಾರ ಮೃತಪಟ್ಟಿರುವ ಘಟನೆ ಜಿಲ್ಲೆಯ ಕಮತಗಿ ಗ್ರಾಮದಲ್ಲಿ ಜರುಗಿದೆ.

ನೀಲಕಂಠ ಬಂಡಿ ( 36) ಮೃತ ದುರ್ದೈವಿ. ಈತ ಕಮತಗಿ ಗ್ರಾಮದ ನಿವಾಸಿಯಾಗಿದ್ದು, ವಿದ್ಯುತ್ ಗುತ್ತಿಗೆದಾರನಾಗಿ ಕೆಲಸ ಮಾಡುತ್ತಿದ್ದ. ಇತ್ತೀಚಿಗೆ ಪ್ರವಾಹ ಬಂದು ಹಾಳಾಗಿದ್ದ ಮಲ್ಲಪ್ರಭಾ ನದಿಯ ವಿದ್ಯುತ್ ಕಂಬಗಳ ಪುನರ್​ ನಿರ್ಮಾಣದ ಕೆಲಸ ಮಾಡುತ್ತಿದ್ದ, ಆಕಸ್ಮಿಕವಾಗಿ ಕಾಲು ಜಾರಿ ಮಲ್ಲಪ್ರಭಾ ನದಿಯ ನೀರಿನಲ್ಲಿ ಬಿದ್ದು ಮೃತಪಟ್ಟಿದ್ದಾನೆ.

ರಾಮಥಾಳ ಸೇತುವೆ ಬಳಿ ಇತ್ತೀಚಿಗೆ ಪ್ರವಾಹ ಬಂದು ಇಡೀ ಪ್ರದೇಶದಲ್ಲಿ ವಿದ್ಯುತ್ ಕಂಬಗಳು ಹಾಳಾಗಿದ್ದವು. ಇದರ ದುರಸ್ತಿ ಮಾಡುವ ಸಮಯದಲ್ಲಿ ಈ ಘಟನೆ ನಡೆದಿದೆ. ಮೃತ ದೇಹವನ್ನು ವಿದ್ಯುತ್ ಲೈನ್ ಮನ್​ಗಳು ಹಾಗೂ ರಾಥತಾಳ ಗ್ರಾಮಸ್ಥರು ನೀರಿನಿಂದ ಹೂರ ತೆಗೆದಿದ್ದಾರೆ. ಈ ಬಗ್ಗೆ ಅಮೀನಗಡ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು,ತನಿಖೆ ನಡೆಸಲಾಗಿದೆ.