ಸಾಗರ್​ ಧನ್ಕರ್ ಸಾಯುವ ಮುನ್ನ 40 ನಿಮಿಷಗಳ ಕಾಲ ಅಮಾನುಷವಾಗಿ ಥಳಿಸಿತ್ತಂತೆ ಸುಶೀಲ್​ ಗ್ಯಾಂಗ್​!

ಛತ್ರಶಾಲ ಸ್ಟೇಡಿಯಂ ಕೊಲೆ ಪ್ರಕರಣದಲ್ಲಿ ದೆಹಲಿ ಪೊಲೀಸರು ಸುಮಾರು ಸಾವಿರ ಪುಟಗಳ ಚಾರ್ಜ್​ ಶೀಟ್​ನಲ್ಲಿ ಈ ವಿಷಯವನ್ನು ಉಲ್ಲೇಖಿಸಿದ್ದಾರೆ. ಮೇ 4ರಂದು ಈ ಘಟನೆ ನಡೆದಿದ್ದು, ಧನ್ಕರ್ ಮತ್ತು ಆತನ 4 ಮಂದಿ ಸ್ನೇಹಿತರು ತೀವ್ರ ಹಲ್ಲೆಗೊಳಗಾಗಿದ್ದರು. ಇದರಲ್ಲಿ ಸಾಗರ್​ ಧನ್ಕರ್​ ಗಂಭೀರ ಗಾಯಕ್ಕೊಳಗಾಗಿ ಸಾವನ್ನಪ್ಪಿದ್ದ.

ನವದೆಹಲಿ: ಭಾರತಕ್ಕೆ ಎರಡು ಒಲಿಂಪಿಕ್ಸ್ ಪದಕ ತಂದುಕೊಟ್ಟಿದ್ದ ಸುಶೀಲ್ ಕುಮಾರ್​ ಮತ್ತು ಆತನ ಸಹಚರರು ಜೂನಿಯರ್ ರಾಷ್ಟ್ರೀಯ ಕುಸ್ತಿಪಟು ಸಾಗರ್​ ದನ್ಕರ್ ಮತ್ತು ಅವನ ಸ್ನೇಹಿತರನ್ನು ಸುಮಾರು 30ರಿಂದ 40 ನಿಮಿಷಗಳ ಕಾಲ ದೊಣ್ಣೆ, ಹಾಕಿ ಸ್ಟಿಕ್ಸ್​, ಬೇಸ್​ಬಾಲ್ ಬ್ಯಾಟ್​ನಿಂದ ಹಲ್ಲೆ ಮಾಡಿದ್ದರೆಂದು ದೆಹಲಿ ಪೊಲೀಸರ ತನಿಖೆಯ ವೇಳೆ ತಿಳಿದು ಬಂದಿದೆ.

ಛತ್ರಶಾಲ ಸ್ಟೇಡಿಯಂ ಕೊಲೆ ಪ್ರಕರಣದಲ್ಲಿ ದೆಹಲಿ ಪೊಲೀಸರು ಸುಮಾರು ಸಾವಿರ ಪುಟಗಳ ಚಾರ್ಜ್​ ಶೀಟ್​ನಲ್ಲಿ ಈ ವಿಷಯವನ್ನು ಉಲ್ಲೇಖಿಸಿದ್ದಾರೆ. ಮೇ 4ರಂದು ಈ ಘಟನೆ ನಡೆದಿದ್ದು, ಧನ್ಕರ್ ಮತ್ತು ಆತನ 4 ಮಂದಿ ಸ್ನೇಹಿತರು ತೀವ್ರ ಹಲ್ಲೆಗೊಳಗಾಗಿದ್ದರು. ಇದರಲ್ಲಿ ಸಾಗರ್​ ಧನ್ಕರ್​ ಗಂಭೀರ ಗಾಯಕ್ಕೊಳಗಾಗಿ ಸಾವನ್ನಪ್ಪಿದ್ದನು.

ಪೊಲೀಸ್ ತನಿಖೆಯ ಪ್ರಕಾರ ಸಾಗರ್ ಮತ್ತು ಆತನ ಸ್ನೇಹಿತರನ್ನು ದೆಹಲಿ ಎರಡು ಸ್ಥಳಗಳಿಂದ ಅಪಹರಿಸಿಕೊಂಡು ಸ್ಟೇಡಿಯಂಗೆ ಕರೆತರಲಾಗಿತ್ತು. ನಂತರ ಸ್ಟೇಡಿಯಂ ಗೇಟ್​ ಅನ್ನು ಒಳಗಿನಿಂದ ಮುಚ್ಚಿ ಅಲ್ಲಿನ ಸೆಕ್ಯುರಿಟಿ ಗಾರ್ಡ್​​​​ಗಳನ್ನು ಹೊರಗೆ ಕಳುಹಿಸಿದ್ದರು. ನಂತರ ಈ ಎಲ್ಲ ಐದು ಮಂದಿ ಸ್ನೇಹಿತರನ್ನು ಅಮಾನುಷವಾಗಿ ಸುಶೀಲ್ ಕುಮಾರ್ ಮತ್ತು ಆತನ ಗ್ಯಾಂಗ್​ ಥಳಿಸಿದೆ. ಸುಮಾರು 30 ರಿಂದ 40 ನಿಮಿಷಗಳ ಕಾಲ ಲಾಠಿ, ದಂಡಗಳು, ಹಾಕಿ ಸ್ಟಿಕ್​, ಬೇಸ್​ ಬಾಲ್ ಬ್ಯಾಟ್​ಗಳನ್ನು ಬಳಸಿ ನಿರ್ದಯವಾಗಿ ಹಲ್ಲೆ ಮಾಡಿದ್ದಾರೆ ಎಂದು ಪೊಲೀಸರು 1000 ಪುಟಗಳ ಚಾರ್ಜ್​ಶೀಟ್ ಸಲ್ಲಿಸಿದ್ದಾರೆ.

ಕ್ರೈಮ್​ ಬ್ರ್ಯಾಂಚ್​ ಅಧಿಕಾರಿಗಳ ಪ್ರಕಾರ, ಕೆಲವು ಆರೋಪಿಗಳು ಬಂದೂಕುಗಳನ್ನು ತಂದಿದ್ದರು ಎಂದು ತಿಳಿದು ಬಂದಿದೆ. ಸಾಂಗರ್ ಧನ್ಕರ್​ ಸ್ನೇಹಿತರಲ್ಲಿ ಒಬ್ಬ ತಪ್ಪಿಸಿಕೊಂಡು ಬಂದು ಪೊಲೀಸರಿಗೆ ಕರೆ ಮಾಡಿದ್ದಾರೆ. ತಕ್ಷಣ ಸ್ಥಳೀಯ ಪೊಲೀಸ್​ ಮತ್ತು ಪಿಸಿಆರ್ ವ್ಯಾನ್ ಸಿಬ್ಬಂದಿ ಸ್ಟೇಡಿಯಂಗೆ ತಲುಪಿದ್ದಾರೆ. ಪೊಲೀಸ್​ ವಾಹನದ ಸದ್ದು ಕೇಳುತ್ತಿದ್ದಂತೆಯೇ ಎಲ್ಲ ಅರೋಪಿಗಳು ಸ್ಥಳದಿಂದ ಪರಾರಿಯಾಗಿದ್ದರು.

ಇದಲ್ಲದೆ ಅವರು ಮೃತ ಸಾಗರ್ ಮತ್ತು ಗಾಯಗೊಂಡ ಸೋನು ಅವರನ್ನು ಕ್ರೀಡಾಂಗಣದ ನೆಲಮಾಳಿಗೆ ಎಳೆದೊಯ್ದು ಪರಾರಿಯಾಗಿದ್ದರೆಂದು ಪೊಲೀಸರ ತನಿಖೆಯ ವೇಳೆ ಬಹಿರಂಗಗೊಂಡಿದೆ.

ಇದನ್ನು ಓದಿ:ಆಂಗ್ಲೋ - ಇಂಡಿಯಾ ಕದನ: ಸಚಿನ್, ದ್ರಾವಿಡ್​​​ರ ಈ ಎಲ್ಲ ದಾಖಲೆಗಳನ್ನು ಬ್ರೇಕ್ ಮಾಡಲಿರುವ ಕಿಂಗ್​ ಕೊಹ್ಲಿ