ಮಹಿಳಾ ಹಾಕಿ ವಿಶ್ವಕಪ್‌: ನ್ಯೂಜಿಲೆಂಡ್​ ವಿರುದ್ಧ ಭಾರತಕ್ಕೆ ಪರಾಜಯ

ನ್ಯೂಜಿಲೆಂಡ್​ ವಿರುದ್ಧ ಸೋಲು ಅನುಭವಿಸಿದ ಭಾರತ ತಂಡ ಕ್ವಾರ್ಟರ್‌ಪೈನಲ್‌ಗೇರಲು ಕೊನೆಯ ಅವಕಾಶವಿದೆ.

ಆಮ್‌ಸ್ಟೆಲ್‌ವೀನ್:ಗುರುವಾರ ಇಲ್ಲಿ ನಡೆದ ಎಫ್‌ಐಎಚ್ ಮಹಿಳಾ ವಿಶ್ವಕಪ್ ಪೂಲ್ ಬಿ ಅಂತಿಮ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತ 3-4 ಅಂತರದಲ್ಲಿ ಸೋಲು ಅನುಭವಿಸಿತು. ಈ ಮೂಲಕ ಮಹಿಳಾ ಹಾಕಿ ತಂಡವು ಅಪರೂಪದ ಅವಕಾಶವನ್ನು ಕೈಚೆಲ್ಲಿ 3ನೇ ಸ್ಥಾನ ಗಳಿಸಿದೆ. ಆದರೆ ತಂಡವು ಕ್ರಾಸ್‌ಓವರ್‌ ಮೂಲಕ ಕ್ವಾರ್ಟರ್ ಫೈನಲ್‌ ತಲುಪಲು ಸಾಧ್ಯವಿದೆ.

ಭಾರತದ ವಿರುದ್ಧ ಗೆಲುವು ದಾಖಲಿಸಿದ ನ್ಯೂಜಿಲೆಂಡ್ ಏಳು ಅಂಕಗಳೊಂದಿಗೆ ಬಿ ಪೂಲ್‌ನಲ್ಲಿ ಅಗ್ರಸ್ಥಾನದಲ್ಲಿದೆ. ಇಂಗ್ಲೆಂಡ್ ತಂಡ ನಾಲ್ಕು ಅಂಕಗಳೊಂದಿಗೆ ಎರಡನೇ ಸ್ಥಾನ ಪಡೆದಿದೆ. ಭಾರತ ಮತ್ತು ಚೀನಾ ತಲಾ ಎರಡೆರಡು ಅಂಕಗಳನ್ನು ಹೊಂದಿವೆ. ಆದರೆ ಟೂರ್ನಿಯಲ್ಲಿ ಉತ್ತಮ ಗೋಲು ಗಳಿಸಿರುವ ಭಾರತ ಕ್ರಾಸ್‌ಓವರ್‌ಗೆ ಅರ್ಹತೆ ಪಡೆದಿದೆ.

ಇದನ್ನೂ ಓದಿ:ಶ್ರೀಲಂಕಾ ವಿರುದ್ಧ 3ನೇ ಏಕದಿನ ಪಂದ್ಯ ಗೆದ್ದು ಕ್ಲೀನ್​ ಸ್ವೀಪ್ ಸಾಧನೆ ಮಾಡಿದ ಭಾರತ

ಪಂದ್ಯಾವಳಿಯ ನಿಯಮದ ಪ್ರಕಾರ, ನಾಲ್ಕು ಪೂಲ್‌ಗಳಲ್ಲಿ ಅಗ್ರ ನಾಲ್ಕು ತಂಡಗಳು ನೇರವಾಗಿ ಕ್ವಾರ್ಟರ್ ಫೈನಲ್‌ಗೆ ಮುನ್ನಡೆಯುತ್ತವೆ. ಎರಡು ಮತ್ತು ಮೂರನೇ ಸ್ಥಾನ ಪಡೆದ ತಂಡಗಳು ಕ್ರಾಸ್‌ಓವರ್‌ಗಳನ್ನು ಆಡುತ್ತವೆ. ಕ್ರಾಸ್‌ಓವರ್ ಪಂದ್ಯಗಳಲ್ಲಿ ಗೆಲ್ಲುವ ತಂಡಗಳು ಕ್ವಾರ್ಟರ್ ಫೈನಲ್‌ಗೆ ಲಗ್ಗೆಯಿಡುತ್ತವೆ.

ಕ್ವಾರ್ಟರ್ ಫೈನಲ್‌ನಲ್ಲಿ ಭಾರತ ಸ್ಥಾನ ಪಡೆಯಬೇಕಾದರೆ ಭಾರತ ಭಾನುವಾರ ಸ್ಪೇನ್‌ನ ತೆರೇಸಾದಲ್ಲಿ ನಡೆಯಲಿರುವ ಕ್ರಾಸ್‌ಓವರ್‌ ಪೂಲ್ ಸಿಯಲ್ಲಿ ಎರಡನೇ ಸ್ಥಾನ ಪಡೆದ ತಂಡವನ್ನು ಎದುರಿಸಬೇಕು.