ನವದೆಹಲಿ:ಈ ವರ್ಷದ ಐಪಿಎಲ್ನಲ್ಲಿ ರಿಷಬ್ ಪಂತ್ ಆಡುವುದಿಲ್ಲ ಎಂದು ಬಿಸಿಸಿಐನ ಮಾಜಿ ಅಧ್ಯಕ್ಷ ಸೌರವ್ ಗಂಗೂಲಿ ತಿಳಿಸಿದ್ದಾರೆ. ಆರು ತಿಂಗಳ ಕಾಲ ವೈದ್ಯಕೀಯ ಚಿಕಿತ್ಸೆ ಮತ್ತು ವಿಶ್ರಾಂತಿ ಅಗತ್ಯ ಇರುವ ಕಾರಣ ಆಸ್ಟ್ರೇಲಿಯಾ ಜೊತೆಗೆ ನಡೆಯಲಿರುವ ಬಾರ್ಡರ್ ಗವಾಸ್ಕರ್ ಟ್ರೋಫಿ ಮತ್ತು 2023 ಐಪಿಎಲ್ನಲ್ಲಿ ಪಂತ್ ಆಡಲು ಸಾಧ್ಯವಿಲ್ಲ. ದೆಹಲಿ ಕ್ಯಾಪಿಟಲ್ಸ್ ರಿಷಭ್ ಪಂತ್ ಅನುಪಸ್ಥಿತಿಯಲ್ಲಿ ಪಂದ್ಯಗಳನ್ನು ಆಡಬೇಕಿದೆ. ಪಂತ್ ಇಲ್ಲದೆ ಡಿಸಿ ತಂಡ ದುರ್ಬಲವಾಗಿ ಕಾಣುತ್ತದೆ ಎಂದು ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಗಂಗೂಲಿ ಹೇಳಿದ್ದಾರೆ.
ತಂಡ ಉತ್ತಮವಾಗಿದೆ, ಕಪ್ ಗೆಲ್ಲುವ ಭರವಸೆ ತಂಡದಲ್ಲಿದೆ. ಆದರೆ, ಪಂತ್ ಅವರಬ ಕೊರತೆ ಎದ್ದು ಕಾಣಲಿದೆ. ಪಂತ್ ಅವರನ್ನು ನಾವು ತಂಡದಲ್ಲಿ ಮಿಸ್ ಮಾಡಿಕೊಳ್ಳುತ್ತೇವೆ. ಡಿಸಿ ತಂಡ ಉತ್ತಮವಾಗಿ ಆಡುವ ನಂಬಿಕೆ ಇದೆ, ಆದರೆ ರಿಷಭ್ ಪಂತ್ ಅವರ ಗಾಯವು ಡೆಲ್ಲಿ ಕ್ಯಾಪಿಟಲ್ಸ್ ಮೇಲೆ ಪರಿಣಾಮ ಬೀರುತ್ತದೆ ಎಂದು ದಾದ ಹೇಳಿದರು. ಗಂಗೂಲಿ ಅವರು ಡೆಲ್ಲಿ ಕ್ಯಾಪಿಟಲ್ಸ್ನ ನಿರ್ದೇಶಕರಾಗಿ ಈ ಹಿಂದೆ ಕಾರ್ಯನಿರ್ವಹಿಸಿದ್ದರು.
ಗಂಗೂಲಿ ಮತ್ತೆ ನಿರ್ದೇಶಕರಾಗಿ ಡೆಲ್ಲಿ ಕ್ಯಾಪಿಟಲ್ಸ್ ಸೇರಲಿದ್ದಾರೆ ಎನ್ನಲಾಗಿದೆ. ಇದರ ಬಗ್ಗೆ ಇನ್ನೂ ಅಧಿಕೃತ ಮಾಹಿತಿ ಡಿಸಿ ನೀಡಿಲ್ಲ. ಸೌರವ್ ಈ ಹಿಂದೆ ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ನೊಂದಿಗೆ ಕಾರ್ಯನಿರ್ವಹಿಸಿದ್ದರು. ದೆಹಲಿ ಕ್ಯಾಪಿಟಲ್ಸ್ನ ಮಾರ್ಗದರ್ಶಕರಾಗಿ 2019 ರಲ್ಲಿ ದಾದ ಟೀಂ ನೊಂದಿಗೆ ಪಾಲುದಾರಿಕೆ ಹೊಂದಿದ್ದರು. ಐಪಿಎಲ್ ಅಲ್ಲದೇ, ದಕ್ಷಿಣ ಆಫ್ರಿಕಾ ಲೀಗ್ ಮತ್ತು ದುಬೈ ಕ್ರಿಕೆಟ್ ಲೀಗ್‌ನಲ್ಲೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಪ್ರದರ್ಶನ ನೀಡಲಿದೆ. ಹೀಗಾಗಿ ಮತ್ತೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಗಂಗೂಲಿ ಅವರಿಗೆ ನಿರ್ದೇಶಕರ ಸ್ಥಾನ ನೀಡಲಿದೆ ಎನ್ನಲಾಗಿದೆ.
ನಾಯಕತ್ವದ ಹೊಣೆ ಯಾರಿಗೆ ಸಿಗಲಿದೆ: ರಿಷಭ್ ಪಂತ್ ಡೆಲ್ಲಿಯಲ್ಲಿ ಆಡುವುದಿಲ್ಲ ಎಂದಾದರೆ ಇದರ ಸಾರಥ್ಯ ಯಾರ ಕೈಗೆ ಸೇರಲಿದೆ ಎಂಬುದು ಕುತೂಹಲವಾಗಿದೆ. ಅನುಭವಿ ಡೇವಿಡ್ ವಾರ್ನರ್ಗೆ ನಾಯಕತ್ವ ನೀಡುತ್ತಾರ ಎಂಬುದು ಕಾದು ನೋಡಬೇಕಿದೆ. ದೇಶಿಯ ಆಟಗಾರರಿಗೆ ಸಾರಥ್ಯ ನೀಡುವುದಾದರೆ ಪೃಥ್ವಿ ಶಾ ಅವರಿಗೆ ಕ್ಯಾಪ್ಟನ್ ಹ್ಯಾಟ್ ಬೀಳಲಿದೆ. ಈ ವರ್ಷ ರಾಷ್ಟ್ರೀಯ ತಂಡದಲ್ಲಿ ಉತ್ತಮ ಆಲ್ರೌಂಡ್ ಪ್ರದರ್ಶನ ನೀಡಿದ ಅಕ್ಷರ್ ಪಟೇಲ್ಗೂ ನಾಯಕತ್ವ ಹೊಣೆ ಸಿಗುವ ಸಾಧ್ಯತೆ ಇದೆ. ಮನೀಶ್ ಪಾಂಡೆ ಕೂಡ ತಂಡದ ರೇಸ್ನಲ್ಲಿದ್ದಾರೆ.