ಅಬುದಾಭಿ: ಯುಎಇಯಲ್ಲಿ ಆರಂಭವಾಗಿರುವ 2021ರ 2ನೇ ಹಂತದ ಐಪಿಎಲ್ನ ಮೊದಲ ಪಂದ್ಯದಲ್ಲಿ ಮುಂಬೈ ತಂಡ ಸಿಎಸ್ಕೆ ವಿರುದ್ಧ 20 ರನ್ಗಳಿಂದ ಸೋಲು ಕಂಡಿತ್ತು. ಇದೀಗ 2ನೇ ಪಂದ್ಯದಲ್ಲಿ ಖಾಯಂ ನಾಯಕ ರೋಹಿತ್ ಶರ್ಮಾ ತಂಡಕ್ಕೆ ಕಮ್ಬ್ಯಾಕ್ ಮಾಡಿದ್ದು ಗೆಲುವಿನ ಹಳಿಗೆ ಮರಳುವ ಆಲೋಚನೆಯಲ್ಲಿ ಮುಂಬೈ ಇದೆ. ಜೊತೆಗೆ ಈ ಪಂದ್ಯದಲ್ಲಿ ನಾಯಕ ರೋಹಿತ್ ಕೂಡ ಪ್ರಮುಖ ದಾಖಲೆಗಳನ್ನು ಬ್ರೇಕ್ ಮಾಡಿ ಇತಿಹಾಸ ನಿರ್ಮಿಸುವ ಅವಕಾಶವಿದೆ.
ಕೆಕೆಆರ್ ವಿರುದ್ಧ ಮುಂಬೈ ಮುಖಾಮುಖಿಯಲ್ಲಿ ಭಾರಿ ಮುಂದಿದೆ. ಆಡಿರುವ 28 ಪಂದ್ಯಗಳಲ್ಲಿ 22 ಪಂದ್ಯ ಮುಂಬೈ ಗೆದ್ದಿದ್ದರೆ, ಕೆಕೆಆರ್ ಕೇವಲ 6 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದೆ. ಮುಂಬೈ ಮಾತ್ರವಲ್ಲದೆ ರೋಹಿತ್ ಕೂಡ ಕೆಕೆಆರ್ ವಿರುದ್ಧ ಪ್ರಾಬಲ್ಯ ಸಾಧಿಸಿದ್ದಾರೆ. 46.76ರ ಸರಾಸರಿಯಲ್ಲಿ ಅವರು 982 ರನ್ಗಳಿಸಿದ್ದಾರೆ.
ಈಗಾಗಲೆ ರೋಹಿತ್ ಶರ್ಮಾ ಕೆಕೆಆರ್ ವಿರುದ್ಧ ಗರಿಷ್ಠ ರನ್ಗಳಿಸಿದ ಬ್ಯಾಟರ್ ಎನಿಸಿಕೊಂಡಿದ್ದಾರೆ. ಇಂದಿನ ಪಂದ್ಯದಲ್ಲಿ ಕೇವಲ 18 ರನ್ಗಳಿಸಿದರೆ ಐಪಿಎಲ್ ಒಂದು ತಂಡದ ವಿರುದ್ಧ 1000 ರನ್ ಗಳಿಸಿದ ಮೊದಲ ಬ್ಯಾಟರ್ ಎಂಬ ದಾಖಲೆ ಬರೆಯಲಿದ್ದಾರೆ.
ಟಿ20ಯಲ್ಲಿ 400 ಸಿಕ್ಸರ್ ಸಿಡಿಸಿದ ಮೊದಲ ಭಾರತೀಯ ಬ್ಯಾಟರ್