ಟೆಸ್ಟ್​ ಕ್ರಿಕೆಟ್​ ನಿವೃತ್ತಿಯ ಊಹಾಪೋಹಗಳಿಗೆ ತೆರೆ ಎಳೆದ ರವಿಂದ್ರ ಜಡೇಜಾ

ನ್ಯೂಜಿಲ್ಯಾಂಡ್​ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಗಾಯಗೊಂಡಿರುವ ರವೀಂದ್ರ ಜಡೇಜಾ ಮುಂಬರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್​ ಸರಣಿಯನ್ನು ತಪ್ಪಿಸಿಕೊಳ್ಳಲಿದ್ದಾರೆ. ಆದರೆ, ಜಡೇಜಾ ಮೂರು ಮಾದರಿಯಲ್ಲಿ ಸಕ್ರಿಯರಾಗಿರುವುದರಿಂದ ಕೆಲಸದೊತ್ತಡವನ್ನು ನಿಯಂತ್ರಿಸಲು ಟೆಸ್ಟ್​ ಕ್ರಿಕೆಟ್​​ನಿಂದ ನಿವೃತ್ತಿಯಾಗಲಿದ್ದಾರೆ ಎಂದು ವರದಿಯಾಗಿದ್ದವು. ಆದರೆ ಇದನ್ನೆಲ್ಲಾ ಒಂದೇ ಪೋಸ್ಟ್​ ಮೂಲಕ ಜಡೇಜಾ ತೆರೆ ಎಳೆದಿದ್ದಾರೆ.

ನವದೆಹಲಿ: ಭಾರತ ತಂಡದ ಆಲ್​ರೌಂಡರ್​ ರವೀಂದ್ರ ಜಡೇಜಾ ಬುಧವಾರ ತಮ್ಮ ಟ್ವಿಟರ್​ನಲ್ಲಿ ಟೆಸ್ಟ್​ ತಂಡದ ಜರ್ಸಿ ತೊಟ್ಟಿರುವ ಫೋಟೋ ಶೇರ್​ ಮಾಡಿಕೊಂಡಿದ್ದು, ತಾವೂ ಗಾಯದಿಂದ ಚೇತರಿಸಿಕೊಳ್ಳುತ್ತಿದ್ದು, ಇನ್ನೂ ಸಾಕಷ್ಟು ದೂರ ಸಾಗಬೇಕಿದೆ ಎಂದು ಬರೆದುಕೊಂಡಿದ್ದಾರೆ.

ನ್ಯೂಜಿಲ್ಯಾಂಡ್​ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಗಾಯಗೊಂಡಿರುವ ರವೀಂದ್ರ ಜಡೇಜಾ ಮುಂಬರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್​ ಸರಣಿಯನ್ನು ತಪ್ಪಿಸಿಕೊಳ್ಳಲಿದ್ದಾರೆ. ಆದರೆ ಜಡೇಜಾ ಮೂರು ಮಾದರಿಯಲ್ಲಿ ಸಕ್ರಿಯರಾಗಿರುವುದರಿಂದ ಕೆಲಸದೊತ್ತಡವನ್ನು ನಿಯಂತ್ರಿಸಲು ಟೆಸ್ಟ್​ ಕ್ರಿಕೆಟ್​​ಗೆ ನಿವೃತ್ತಿಯಾಗಲಿದ್ದಾರೆ ಎಂದು ವರದಿಯಾಗಿದ್ದವು. ಆದರೆ ಇದನ್ನೆಲ್ಲಾ ಒಂದೇ ಪೋಸ್ಟ್​ ಮೂಲಕ ಜಡೇಜಾ ತೆರೆ ಎಳೆದಿದ್ದಾರೆ.

ಭಾರತದ ಟೆಸ್ಟ್​ ಜರ್ಸಿಯನ್ನು ತೊಟ್ಟಿರುವ ಫೋಟೋ ಶೇರ್​ ಮಾಡಿಕೊಂಡಿರುವ ಜಡ್ಡು, " ಇನ್ನೂ ತುಂಬಾ ದೂರ ಸಾಗಬೇಕಿದೆ(Long way to go) " ಎಂದು ಬರೆದುಕೊಂಡಿದ್ದಾರೆ. ಅಂದರೆ ತಾವೂ ಟೆಸ್ಟ್​ ಮಾದರಿಯಲ್ಲಿ ಇನ್ನೂ ಸಾಕಷ್ಟು ಸಮಯ ಆಡುವುದಿದೆ ಎಂಬರ್ಥದಲ್ಲಿ ಆಲ್​ರೌಂಡರ್​ ಬರೆದುಕೊಂಡಿದ್ದಾರೆ.

33 ವರ್ಷದ ಜಡೇಜಾ 57 ಟೆಸ್ಟ್​ ಪಂದ್ಯಗಳಿಂದ 2,195 ಹಾಗೂ 232 ವಿಕೆಟ್ ಪಡೆದಿದ್ದಾರೆ. ಗಾಯದಿಂದ ಟೆಸ್ಟ್​ ಸರಣಿ ತಪ್ಪಿಸಿಕೊಂಡಿರುವ ಅವರೂ ಏಕದಿನ ಸರಣಿಗೆ ಭಾರತ ತಂಡವನ್ನು ಸೇರಿಕೊಳ್ಳುವ ಸಾಧ್ಯತೆಯಿದೆ.

ಇದನ್ನೂ ಓದಿ:ಆಸೀಸ್ ವಿರುದ್ಧ 36 ರನ್​ಗಳಿಗೆ ಆಲೌಟ್ ಆದರೂ ಭಾರತ ಸರಣಿ ಗೆದ್ದಿತು, ಕಷ್ಟಪಟ್ಟರೆ ನಮ್ಮಿಂದಲೂ ಸಾಧ್ಯ : ಆ್ಯಂಡರ್ಸನ್ ಕಿವಿಮಾತು