ಅಹಮದಾಬಾದ್ (ಗುಜರಾತ್): 16ನೇ ಐಪಿಎಲ್ ಆವೃತ್ತಿಯಲ್ಲಿ ಪ್ಲೇ ಆಪ್ ಸ್ಪರ್ಧೆ ಜೋರಾಗಿದ್ದು, ಬಹುತೇಕ ತಂಡಗಳಿಗೆ ಇನ್ನೆರಡು ಪಂದ್ಯ ಬಾಕಿ ಇದ್ದರೂ ಯಾರು ಅರ್ಹತೆ ಗಿಟ್ಟಿಸಿಕೊಂಡಿಲ್ಲ. ಅಂಕ ಪಟ್ಟಿಯ ಅಗ್ರ ಸ್ಥಾನದಲ್ಲಿರುವ ಗುಜರಾತ್ ಟೈಟಾನ್ಸ್ (ಜಿಟಿ) ಇಂದು ಸನ್ ರೈಸರ್ಸ್ ಹೈದರಾಬಾದ್ (ಎಸ್ಆರ್ಹೆಚ್) ವಿರುದ್ಧ ಕಣಕ್ಕಿಳಿಯುತ್ತಿದೆ. ಪ್ಲೇ ಆಫ್ ಅರ್ಹತೆಗೆ ಸನ್ ರೈಸರ್ಸ್ ಈ ಪಂದ್ಯ ಸೇರಿದಂತೆ ಮಿಕ್ಕೆರಡು ಮ್ಯಾಚ್ಗಳನ್ನು ಗೆಲ್ಲಬೇಕಿದೆ. ಗುಜರಾತ್ ಇಂದು ಗೆದ್ದಲ್ಲಿ ಪ್ಲೇ ಆಫ್ ಪ್ರವೇಶ ಪಡೆದುಕೊಳ್ಳಲಿದೆ.
ಗುಜರಾತ್ ಟೈಟಾನ್ಸ್ ಈವರೆಗೆ ಆಡಿರುವ 12 ಪಂದ್ಯದಲ್ಲಿ 8ನ್ನು ಗೆದ್ದಿದ್ದು, 16 ಅಂಕಗಳನ್ನು ಪಡೆದುಕೊಂಡಿದೆ. ಅತ್ತ ಸನ್ ರೈಸರ್ಸ್ ಹೈದರಾಬಾದ್ 11 ರಲ್ಲಿ 4 ಗೆದ್ದು 8 ಅಂಕದಿಂದ ಅಂಕಪಟ್ಟಿಯ 9ನೇ ಸ್ಥಾನದಲ್ಲಿದೆ. ಎಸ್ಆರ್ಹೆಚ್ ಇಂದು ಸೋತಲ್ಲಿ ಲೀಗ್ನಿಂದ ಹೊರ ಬಿದ್ದ ಎರಡನೇ ತಂಡವಾಗಲಿದೆ. ಡೆಲ್ಲಿ ಕ್ಯಾಪಿಟಲ್ಸ್ 12 ಪಂದ್ಯದಲ್ಲಿ 8 ರಲ್ಲಿ ಸೋತು ಈಗಾಗಲೇ ಲೀಗ್ನಿಂದ ಹೊರ ಬಿದ್ದಿದೆ.
ಬೌಲಿಂಗ್ನಲ್ಲಿ ಬಲಿಷ್ಠ ತಂಡವೆಂದು ಕರೆಸಿಕೊಂಡಿದ್ದ ಎಸ್ಆರ್ಹೆಚ್ ಆ ವಿಭಾಗದಲ್ಲೂ ಉತ್ತಮ ಪ್ರದರ್ಶನ ನೀಡಿಲ್ಲ. 180 ಪ್ಲೇಸ್ ರನ್ನ ಗುರಿಯನ್ನು ನೀಡಿದರೂ ಅದನ್ನು ಬೌಲರ್ಗಳು ಉಳಿಸಿಕೊಳ್ಳದಿರುವುದು ತಂಡವನ್ನು ಸಂಕಷ್ಟಕ್ಕೆ ತಳ್ಳಿದೆ. ಬ್ಯಾಟಿಂಗ್ನಲ್ಲೂ ಉತ್ತಮ ಲಯದ ಪ್ರದರ್ಶನ ಕಂಡುಬಂದಿಲ್ಲ. ವಿದೇಶಿ ಆಟಗಾರರ ಮೇಲೆ ಹೆಚ್ಚು ತಂಡ ಅವಲಂಬಿತವಾಗಿದ್ದು, ಒಂದು ಪಂದ್ಯದಲ್ಲಿ ಬೂಕ್ ಶತಕ ಗಳಿಸಿದರೆ ಮತ್ತೆ ಅವರ ಬ್ಯಾಟ್ ರನ್ ಮಾಡಲೇ ಇಲ್ಲ.