ಮ್ಯಾಕೆ (ಆಸ್ಟ್ರೇಲಿಯಾ): ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮಹಿಳಾ ಏಕದಿನ ಸರಣಿ ಆರಂಭವಾಗಿದ್ದು, ಮೊದಲು ಬ್ಯಾಟಿಂಗ್ ಆರಂಭಿಸಿದ ಭಾರತದ ವನಿತೆಯರು 50 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 225 ರನ್ ಬಾರಿಸಿದ್ದಾರೆ. ಅಷ್ಟೇ ಅಲ್ಲದೆ, ತಂಡದ ನಾಯಕಿ ಮಿಥಾಲಿ ರಾಜ್ ತಮ್ಮ ಒಟ್ಟಾರೆ ಕ್ರಿಕೆಟ್ ಜೀವನದಲ್ಲಿ 20,000 ರನ್ ಗಳಿಸಿ ದಾಖಲೆ ಬರೆದಿದ್ದಾರೆ.
ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಏಕದಿನ ಪಂದ್ಯವು ಮ್ಯಾಕೆ ಹರೂಪ್ ಪಾರ್ಕ್‌ನಲ್ಲಿ ನಡೆದಿದೆ. ಈ ಆಟದಲ್ಲಿ ಮಿಥಾಲಿ 107 ಎಸೆತಗಳಲ್ಲಿ 61 ರನ್ ಗಳಿಸಿದ್ದು, ಈ ಮೂಲಕ ತಮ್ಮ ಕ್ರಿಕೆಟ್ ಬದುಕಿನಲ್ಲಿ 20 ಸಾವಿರ ರನ್ ಗಳಿಸಿ ಸಾಧನೆ ತೋರಿದ್ದಾರೆ.
ಮಿಥಾಲಿ ಈಗಾಗಲೇ ಮಹಿಳಾ ಅಂತಾರಾಷ್ಟ್ರೀಯ ಕ್ರಿಕೆಟ್ನ ಮೂರು ಮಾದರಿಯ ಆಟಗಳಲ್ಲಿ ಅತಿ ಹೆಚ್ಚು ಸ್ಕೋರರ್ ಆಗಿ ಹೊರ ಹೊಮ್ಮಿದ್ದಾರೆ. ಈ ವರ್ಷದ ಆರಂಭದಲ್ಲಿ ಇಂಗ್ಲೆಂಡ್ ಪ್ರವಾಸದ ವೇಳೆ ಮಿಥಾಲಿ ಅಂತರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತ್ಯಧಿಕ ಸ್ಕೋರರ್ ಎನಿಸಿಕೊಂಡಿದ್ದರು.
ಇನ್ನು ಮಿಥಾಲಿಯ ಹೊರತಾಗಿ, ಯಾಸ್ತ್ರಿಕಾ ಭಾಟಿಯಾ ಕೂಡ ಎರಡು ಬೌಂಡರಿಗಳ ನೆರವಿನಿಂದ 35 ರನ್ ಬಾರಿಸಿದ್ದಾರೆ. ಇನ್ನು ಶಫಾಲಿ (8) ಮತ್ತು ಮಂಧಾನ (16) ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು.
ಭಾರತ ಆರನೇ ಓವರ್ನಲ್ಲಿ 2 ವಿಕೆಟ್ ನಷ್ಟಕ್ಕೆ 38 ರನ್ ಮಾತ್ರ ಗಳಿಸಿತ್ತು. ಈ ಬಳಿಕ ಫೀಲ್ಡ್ಗಿಳಿದ ಯಾಸ್ತ್ರಿಕಾ ಮತ್ತು ಮಿಥಾಲಿ ಕ್ರೀಸ್ನಲ್ಲಿ ಒಂದಾದರು. ಉತ್ತಮ ಜೊತೆಯಾಟ ಆಡಿದ ಆಟಗಾರರು ಭಾರತ ಉತ್ತಮ ಮೊತ್ತ ದಾಖಲಿಸಲು ನೆರವಾದರು. 26ನೇ ಓವರ್ನಲ್ಲಿ ಭಾಟಿಯಾ ವಿಕೆಟ್ ಒಪ್ಪಿಸಿದರು. ಭಾರತದ ವನಿತೆಯರು ಅಂತಿಮವಾಗಿ 50 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 225 ರನ್ ಬಾರಿಸಿದ್ದಾರೆ. ಆಸ್ಟ್ರೇಲಿಯಾಕ್ಕೆ 226 ರನ್ಗಳ ಟಾರ್ಗೆಟ್ ಕೊಟ್ಟಿದ್ದಾರೆ.