200ರ ಹೊಸ್ತಿಲಲ್ಲಿರುವಾಗ ಡಿಕ್ಲೇರ್ ಘೋಷಿಸಿದ ರೋಹಿತ್; ಜಡೇಜಾ ಹೇಳಿದ್ದೇನು?

ಜಡೇಜಾ 228 ಎಸೆತಗಳಲ್ಲಿ 17 ಬೌಂಡರಿ , 3 ಸಿಕ್ಸರ್​ ಸಹಿತ 175 ರನ್​ಗಳಿಸಿದ್ದರು. ಅಭಿಮಾನಿಗಳು ಆಲ್​ರೌಂಡರ್​ನಿಂದ ದ್ವಿಶತಕವನ್ನು ಎದುರು ನೋಡುತ್ತಿದ್ದರು. ಆದರೆ ಈ ವೇಳೆ ರೋಹಿತ್ ಶರ್ಮಾ ಭಾರತದ ಮೊದಲ ಇನ್ನಿಂಗ್ಸ್​ಗೆ ಡಿಕ್ಲೇರ್ ಘೋಷಿಸಿದರು. ಇದು ಚರ್ಚೆಗೆ ಕಾರಣವಾಗಿತ್ತು.

ಮೊಹಾಲಿ: ಆಕರ್ಷಕ ಶತಕ ಸಿಡಿಸಿ ಭಾರತ ತಂಡದ ಬೃಹತ್​ ಮೊತ್ತಕ್ಕೆ ಕಾರಣರಾಗಿದ್ದ ಜಡೇಜಾ 175 ರನ್​ಗಳಿಸಿದ್ದ ವೇಳೆ ನಾಯಕ ರೋಹಿತ್ ಶರ್ಮಾ ಡಿಕ್ಲೇರ್​ ಘೋಷಿಸಿದ್ದರು. ಆದರೆ ನಾಯಕ ರೋಹಿತ್ ಮತ್ತು ಕೋಚ್​ ರಾಹುಲ್​ ದ್ರಾವಿಡ್​ರ ಈ ನಿರ್ಧಾರಕ್ಕೆ ಸಾಮಾಜಿಕ ಜಾಲಾತಾಣದಲ್ಲಿ ಅಭಿಮಾನಿಗಳು ಅಸಮಾಧಾನ ಹೊರಹಾಕಿದ್ದರು. ಆದರೆ ಸ್ವತಃ ಜಡೇಜಾ ಈ ಕುರಿತು ಪ್ರತಿಕ್ರಿಯಿಸಿದ್ದು, ಮ್ಯಾನೇಜ್​ಮೆಂಟ್​ಗೆ ಡಿಕ್ಲೇರ್ ಘೋಷಿಸಿ ಎಂದು ಸಲಹೆ ಕೊಟ್ಟಿದ್ದು ನಾನೇ ಎಂದು ಚರ್ಚೆಗೆ ತೆರೆ ಎಳೆದಿದ್ದಾರೆ.

ಶುಕ್ರವಾರ 45 ರನ್​ಗಳಿಸಿದ್ದ ರವೀಂದ್ರ ಜಡೇಜಾ 2ನೇ ದಿನವಾದ ಇಂದು ತಮ್ಮ 2ನೇ ಟೆಸ್ಟ್ ಶತಕ ಪೂರ್ಣಗೊಳಿಸಿದರು. ಆ ಶತಕವನ್ನು 175 ರನ್​ಗಳ ದೊಡ್ಡ ಮೊತ್ತವಾಗಿ ಪರಿವರ್ತಿಸುವಲ್ಲಿ ಯಶಸ್ವಿಯಾಗಿದ್ದರು. ಅಭಿಮಾನಿಗಳು ಆಲ್​ರೌಂಡರ್​ನಿಂದ ದ್ವಿಶತಕವನ್ನು ಎದುರು ನೋಡುತ್ತಿದ್ದರು. ಆದರೆ ಈ ವೇಳೆ ರೋಹಿತ್ ಶರ್ಮಾ ಭಾರತದ ಮೊದಲ ಇನ್ನಿಂಗ್ಸ್​ಗೆ ಡಿಕ್ಲೇರ್ ಘೋಷಿಸಿದರು. ಇದು ಚರ್ಚೆಗೆ ಕಾರಣವಾಗಿತ್ತು.

ಆದರೆ 2ನೇ ದಿನದಾಟದಂತ್ಯದ ನಂತರ ಮಾತನಾಡಿದ ಜಡೇಜಾ " ಮ್ಯಾನೇಜ್​ಮೆಂಟ್​ಗೆ ನಾನೇ ಡಿಕ್ಲೇರ್​ ಘೋಷಿಸುವಂತೆ ಸಂದೇಶ ಕಳುಹಿಸಿದ್ದೆ, ಏಕೆಂದರೆ ಶ್ರೀಲಂಕಾ ಆಟಗಾರರು ತುಂಬಾ ದಣಿದಿದ್ದರು. ಹಾಗಾಗಿ ಅವರು ಬ್ಯಾಟಿಂಗ್​ಗೆ ಆಗಮಿಸಿದರೆ ನಾವು ಬೇಗ ವಿಕೆಟ್​ ಪಡೆಯಬಹುದು ಎಂದು ನಾನು ಭಾವಿಸಿದೆ" ಎಂದು ಅವರು ತಿಳಿಸಿದ್ದಾರೆ.

ಜಡೇಜಾ 228 ಎಸೆತಗಳಲ್ಲಿ 17 ಬೌಂಡರಿ, 3 ಸಿಕ್ಸರ್​ ಸಹಿತ 175 ರನ್​ಗಳಿಸಿದ್ದರು. ಅವರು 2018ರಲ್ಲಿ ವೆಸ್ಟ್​ ಇಂಡೀಸ್ ವಿರುದ್ಧ ಮೊದಲ ಟೆಸ್ಟ್​ ಶತಕ ಸಿಡಿಸಿದ್ದರು. ಈ ಶತಕದ ಮೂಲಕ 7ನೇ ಕ್ರಮಾಂಕದಲ್ಲಿ ಗರಿಷ್ಠ ರನ್​ಗಳಿಸಿದ ಭಾರತೀಯ ಬ್ಯಾಟರ್​ ಎನಿಸಿಕೊಂಡರು.

ಇದನ್ನೂ ಓದಿ:ಕಪಿಲ್ ದೇವ್ ಹೆಸರಲ್ಲಿದ್ದ 35 ವರ್ಷಗಳ ಹಿಂದಿನ ದಾಖಲೆ ಬ್ರೇಕ್ ಮಾಡಿದ ಜಡೇಜಾ