EXCLUSIVE: ಶೆಫಾಲಿ ಅಂದ್ರೆ ಮಿಂಚು, ಅವರನ್ನು ಕಂಡ್ರೆ ಎದುರಾಳಿ ತಂಡಗಳಿಗಿದೆ ಭಾರಿ ಭಯ:ರಾಮನ್

ಡೇ ಅಂಡ್​ ನೈಟ್​ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಪ್ರಾಬಲ್ಯ ಸಾಧಿಸಿ ಭಾರತ ತಂಡ ಗುರುವಾರದಿಂದ ಗೋಲ್ಡ್​ಕಾಸ್ಟ್​ನಲ್ಲಿ ಆರಂಭವಾಗಲಿರುವ 3 ಪಂದ್ಯಗಳ ಟಿ-20 ಸರಣಿಯಲ್ಲಿ ಅತಿಥೇಯರ ವಿರುದ್ಧ ಪ್ರಾಬಲ್ಯ ಸಾಧಿಸುವ ಉತ್ಸಾಹದಿಂದ ಕಣಕ್ಕಿಳಿಯಲಿದೆ.

ಹೈದರಾಬಾದ್​:ಶೆಫಾಲಿನ ಮಿಂಚಿನಂತೆ, ಎದುರಾಳಿಗಳು ಅವರಿಗೆ ಭಯ ಪಡ್ತಾರೆ, ಅದು ನಡೆದಿರೋದನ್ನು ನಾನು ಕಂಡಿದ್ದೇನೆ ಎಂದು ಭಾರತ ತಂಡದ ಮಾಜಿ ಕೋಚ್​ ಡಬ್ಲ್ಯೂವಿ ರಾಮನ್​ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ್ದಾರೆ. ಈಟಿವಿ ಭಾರತ ಕೇಳಿದ ಪ್ರಶ್ನೆಗೆ ಉತ್ತರಿಸುತ್ತಾ, ಶೆಫಾಲಿ ಮುಂಬರುವ ಆಸ್ಟ್ರೇಲಿಯಾ ವಿರುದ್ಧ ಟಿ-20 ಸರಣಿಯಲ್ಲಿ ಭಾರತದ ಗೇಮ್​ ಚೇಂಜರ್​ ಆಗಲಿದ್ದಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಡೇ ಅಂಡ್​ ನೈಟ್​ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಪ್ರಾಬಲ್ಯ ಸಾಧಿಸಿ ಭಾರತ ತಂಡ ಗುರುವಾರದಿಂದ ಗೋಲ್ಡ್​ಕಾಸ್ಟ್​ನಲ್ಲಿ ಆರಂಭವಾಗಲಿರುವ 3 ಪಂದ್ಯಗಳ ಟಿ-20 ಸರಣಿಯಲ್ಲಿ ಆತಿಥೇಯರ ವಿರುದ್ಧ ಪ್ರಾಬಲ್ಯ ಸಾಧಿಸುವ ಉತ್ಸಾಹದಿಂದಿದೆ.

ಶೆಫಾಲಿ ವರ್ಮಾ ಮುಂಬರುವ ಸರಣಿಯಲ್ಲಿ ಬಹುದೊಡ್ಡ ಪಾತ್ರವಹಿಸಲಿದ್ದಾರೆ. ಅವರು ಎದರಾಳಿ ಬೌಲಿಂಗ್ ದಾಳಿಯನ್ನು ಪೀಡಿಸಲಿದ್ದಾರೆ ಮತ್ತು ಪಂದ್ಯವನ್ನು ಅವರಿಂದ ದೂರ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ. ಮತ್ತು ಸ್ಮೃತಿ ಮಂಧಾನ ಉತ್ತಮ ಫಾರ್ಮ್​ನಲ್ಲಿದ್ದಾರೆ, ಅವರು ತಮ್ಮ ಅಮೋಘ ಪ್ರದರ್ಶನವನ್ನು ಮುಂದುವರಿಸಲಿದ್ದಾರೆ ಎಂಬ ಭರವಸೆ ನನಗಿದೆ.

ಚುಟುಕು ಕ್ರಿಕೆಟ್​ನಲ್ಲಿ ಆಕೆಗೆ ಪ್ರಮುಖ ಪಾತ್ರವಿದೆ. ಏಕೆಂದರೆ ಕಣ್ಣು ಮಿಟುಕಿಸುವ ಹೊತ್ತಿಗೆ ಅವರು ಸಾಕಷ್ಟು ರನ್​ಗಳಿಸಬಲ್ಲರು. ವಿಶೇಷವಾಗಿ ಚೇಸಿಂಗ್ ಮಾಡುವ ವೇಳೆ ಅವರ ಆಟ ನಂಬಲಾಸಾಧ್ಯವಾಗಿರುತ್ತದೆ ಎಂದು ರಾಮನ್ ಭಾರತೀಯ ಆರಂಭಿಕ ಜೋಡಿಯನ್ನು ಗುಣಗಾನ ಮಾಡಿದ್ದಾರೆ.

ರಾಮನ್​ 2020ರ ಮಹಿಳಾ ಟಿ-20 ವಿಶ್ವಕಪ್​ ಸಂದರ್ಭದಲ್ಲಿ ಭಾರತ ತಂಡದ ಕೋಚ್ ಆಗಿದ್ದರು. ಇವರ ಮಾರ್ಗದರ್ಶನದಲ್ಲಿ ಭಾರತ ತಂಡ ಫೈನಲ್ ಪ್ರವೇಶಿಸಿತ್ತು.

ಇದನ್ನು ಓದಿ:ನಾನೆಂದೂ ಇಶಾನ್ ಕಿಶನ್​ ಸಾಮರ್ಥ್ಯದ ಬಗ್ಗೆ ನಂಬಿಕೆ ಕಳೆದುಕೊಂಡಿರಲಿಲ್ಲ: ರೋಹಿತ್​ ಶರ್ಮಾ