ನಾಟಿಂಗ್ಹ್ಯಾಮ್:ವೆಸ್ಟ್ ಇಂಡೀಸ್ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆಯುತ್ತಿರುವ ವಿಶ್ವಕಪ್ ಪಂದ್ಯದಲ್ಲಿ ಅಂಪೈರ್ ಕ್ರಿಸ್ ಗ್ಯಾಫನಿ ಮಾಡಿದ ತಪ್ಪಿನಿಂದ ಯೂನಿವರ್ಸಲ್ ಬಾಸ್ ಗೇಲ್ ಔಟ್ ಆಗಿದ್ದಾರೆ.
ಆಸೀಸ್ ವೇಗಿ ಮಿಚೆಲ್ ಸ್ಟಾರ್ಕ್ ಎಸೆದ 4.5ನೇ ಓವರ್ನಲ್ಲಿ ಕ್ರಿಸ್ ಗೇಲ್ ಎಲ್ಬಿಡಬ್ಲ್ಯೂಗೆ ಬಲಿಯಾದ್ರು. ಆದ್ರೆ 4.4ನೇ ಎಸೆತ ನೋಬಾಲ್ ಆಗಿತ್ತು. ಸ್ಟ್ರೈಟ್ ಅಂಪೇರ್ ಕ್ರಿಸ್ ಗ್ಯಾಫನಿ ಅದನ್ನು ಗಮನಿಸಲೇ ಇಲ್ಲ. ಒಂದು ವೇಳೆ ಅಂಪೈರ್ 4.4ನೇ ಎಸೆತವನ್ನು ನೋ ಬಾಲ್ ಎಂದು ತೀರ್ಪು ನೀಡಿದ್ದರೆ, 4.5ನೇ ಎಸೆತ ಫ್ರೀ ಹಿಟ್ ಆಗಿರುತ್ತಿತ್ತು. ಆದ್ರೆ, ಅಂಪೈರ್ ತಪ್ಪಿಗೆ ಕ್ರಿಸ್ ಗೇಲ್ ವಿಕೆಟ್ ಒಪ್ಪಿಸಲೇಬೇಕಾಯ್ತು.
ಇದಕ್ಕೂ ಮೊದಲು ಮಿಚೆಲ್ ಸ್ಟಾರ್ಕ್ ಎಸೆದ 3ನೇ ಓವರ್ನ 5ನೇ ಎಸೆತದಲ್ಲಿ ವಿಕೆಟ್ ಕೀಪರ್ ಕ್ಯಾಚ್ ಅಂಪೈರ್ಗೆ ಮನವಿ ಮಾಡಿದ್ರು. ಅಂಪೈರ್ ಕ್ರಿಸ್ ಗ್ಯಾಫನಿ ಔಟ್ ಎಂದು ತೀರ್ಪು ನೀಡಿದ್ರು. ಆದ್ರೆ ಗೇಲ್ ಡಿಆರ್ಎಸ್ ಮನವಿ ಮಾಡಿ ಸೇಫ್ ಆಗಿದ್ರು. ನಂತರ ಕೊನೆ ಎಸೆತದಲ್ಲೂ ಸ್ಟಾರ್ಕ್ ಮಾಡಿದ ಎಲ್ಬಿಡಬ್ಲೂ ಮನವಿಗೆ ಮಣಿದ ಅಂಪೈರ್ ಔಟ್ ಎಂದು ತೀರ್ಪು ನೀಡಿದ್ರು.
ಅಂಪೈರ್ ತೀರ್ಪಿಗೆ ಅಸಮಾಧಾನಗೊಂಡ ಗೇಲ್ ಸ್ವಲ್ಪ ಕೋಪದಿಂದಲೇ ಡಿಆರ್ಎಸ್ ಮನವಿ ಮಾಡಿದ್ರು. ರಿವ್ಯೂವ್ನಲ್ಲಿ ಬಾಲ್ ಲೆಗ್ ಸ್ಟಂಪ್ನಿಂದ ಆಚೆ ಹೋಗಿರೋದು ಕಂಡುಬಂತು. ಹೀಗಾಗಿ ಎರಡನೇ ಬಾರಿ ಕೂಡ ಗೇಲ್ ಸೇಫ್ ಆಗಿದ್ರು.
ವಿಶ್ವಕಪ್‌ನಂಥ ಟೂರ್ನಮೆಂಟ್ಗಳಲ್ಲಿ ಅಂಪೈರ್ಗಳು ಮೈ ಎಲ್ಲಾ ಕಣ್ಣಾಗಿ ತೀರ್ಪು ಕೊಡಬೇಕಾಗಿರುತ್ತದೆ.ಇಂಥಾ ತಪ್ಪಿನಿಂದ ಟೂರ್ನಮೆಂಟ್ಗೆ ಕೆಟ್ಟಹೆಸರು ಬರುತ್ತದೆ ಎಂದು ಅಭಿಮಾನಿಗಳು ಅಂಪೈರ್ ವಿರುದ್ಧ ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.
