ಪೋಖರಾ:ಮಹಿಳಾ ಟಿ-20 ಕ್ರಿಕೆಟ್ನಲ್ಲಿ ಹೊಸದೊಂದು ದಾಖಲೆ ನಿರ್ಮಾಣಗೊಂಡಿದ್ದು, ನೇಪಾಳದ ಬೌಲರ್ ಅಂಜಲಿ ಚಂದ್ 2.1 ಓವರ್ಗಳಲ್ಲಿ ರನ್ ನೀಡದೇ ಬರೋಬ್ಬರಿ 6 ವಿಕೆಟ್ ಕಬಳಿಸಿದ್ದಾರೆ.
2.1 ಓವರ್, 0 ರನ್, ಹ್ಯಾಟ್ರಿಕ್ ಸೇರಿ 6 ವಿಕೆಟ್ ಕಿತ್ತು ಟಿ-20ಯಲ್ಲಿ ದಾಖಲೆ ಬರೆದ ಅಂಜಲಿ!
ಮಹಿಳೆಯರ ಟಿ-20 ಕ್ರಿಕೆಟ್ ಇತಿಹಾಸದಲ್ಲಿ ಹೊಸದೊಂದು ದಾಖಲೆ ನಿರ್ಮಾಣಗೊಂಡಿದ್ದು, ಕೇವಲ 13 ಎಸೆತಗಳಲ್ಲಿ ಹ್ಯಾಟ್ರಿಕ್ ವಿಕೆಟ್ ಸೇರಿ 6 ವಿಕೆಟ್ ಪಡೆದು ನೇಪಾಳದ ಬೌಲರ್ ದಾಖಲೆ ನಿರ್ಮಾಣ ಮಾಡಿದ್ದಾರೆ.
ದಕ್ಷಿಣ ಏಷ್ಯಾ ಕ್ರೀಡಾಕೂಟದಲ್ಲಿ ಮಾಲ್ಡೀವ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಈ ದಾಖಲೆ ನಿರ್ಮಾಣಗೊಂಡಿದೆ. ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಲು ಇಳಿದ ಮಾಲ್ಡೀವ್ಸ್ ತಂಡ ತನ್ನೆಲ್ಲ ವಿಕೆಟ್ ಕಳೆದುಕೊಂಡು ಕೇವಲ 16 ರನ್ ಗಳಿಸಿತು. ಇದರ ಬೆನ್ನತ್ತಿದ್ದ ನೇಪಾಳ ತಂಡ ಕೇವಲ 0.5 ಓವರ್ಗಳಲ್ಲಿ ಗುರಿ ಮುಟ್ಟಿ ಗೆಲುವಿನ ನಗೆ ಬೀರಿದೆ.
ಇನ್ನು ಪುರುಷರ ಕ್ರಿಕೆಟ್ನಲ್ಲಿ ಭಾರತದ ದೀಪಕ್ ಚಹರ್ ಅತ್ಯುತ್ತಮ ಬೌಲಿಂಗ್ ದಾಖಲೆ ಹೊಂದಿದ್ದು, ಇದೇ ವರ್ಷ ನಾಗ್ಪುರದಲ್ಲಿ ಬಾಂಗ್ಲಾದೇಶದ ವಿರುದ್ಧ ನಡೆದ ಪಂದ್ಯದಲ್ಲಿ 3.2 ಓವರ್ ಎಸೆದು 6 ವಿಕೆಟ್ ಪಡೆದುಕೊಂಡಿದ್ದರು. ಅಂಜಲಿಯವರ ಈ ದಾಖಲೆಯಿಂದ ನೇಪಾಳ ತಂಡ ಎದುರಾಳಿ ತಂಡದ ವಿರುದ್ಧ 10 ವಿಕೆಟ್ಗಳ ಗೆಲುವು ದಾಖಲು ಮಾಡಿದೆ.