ಶ್ರೀಲಂಕಾ ವಿರುದ್ಧ ಟೆಸ್ಟ್​ ಸರಣಿಯಲ್ಲಿ ಹಲವು ವಿಶೇಷ ದಾಖಲೆ ಬರೆದ ಜೋ ರೂಟ್​

ಮೊದಲ ಪಂದ್ಯವನ್ನು 7 ವಿಕೆಟ್​ಗಳಿಂದ ಗೆದ್ದಿದ್ದ ಇಂಗ್ಲೆಂಡ್, ಇಂದು ಕೊನೆಗೊಂಡ ಎರಡನೇ ಪಂದ್ಯದಲ್ಲಿ 6 ವಿಕೆಟ್​ಗಳಿಂದ ಗೆದ್ದು ಸರಣಿಯನ್ನು 2-0ಯಲ್ಲಿ ಕ್ಲೀನ್ ಸ್ವೀಪ್ ಸಾಧಿಸಿತು. ಈ ಸರಣಿಯಲ್ಲಿ 426 ರನ್​ಗಳಿಸಿದ ಜೋ ರೂಟ್​ ಪಂದ್ಯ ಶ್ರೇಷ್ಠ ಮತ್ತು ಟೂರ್ನಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು..

ಗಾಲೆ :ಶ್ರೀಲಂಕಾ ವಿರುದ್ಧದ ಟೆಸ್ಟ್​ ಸರಣಿಯನ್ನು ಪ್ರವಾಸಿ ಇಂಗ್ಲೆಂಡ್ ತಂಡ 2-0ಯಲ್ಲಿ ಗೆದ್ದು, ಸಿಂಹಳೀಯರ ನಾಡಿನಲ್ಲಿ ಸತತ 2ನೇ ಟೆಸ್ಟ್​ ಸರಣಿಯನ್ನು ಕ್ಲೀನ್​ ಸ್ವೀಪ್​ ಮಾಡಿದೆ.

ಮೊದಲ ಪಂದ್ಯವನ್ನು 7 ವಿಕೆಟ್​ಗಳಿಂದ ಗೆದ್ದಿದ್ದ ಇಂಗ್ಲೆಂಡ್, ಇಂದು ಕೊನೆಗೊಂಡ ಎರಡನೇ ಪಂದ್ಯದಲ್ಲಿ 6 ವಿಕೆಟ್​ಗಳಿಂದ ಗೆದ್ದು ಸರಣಿಯನ್ನು 2-0ಯಲ್ಲಿ ಕ್ಲೀನ್ ಸ್ವೀಪ್ ಸಾಧಿಸಿತು. ಈ ಸರಣಿಯಲ್ಲಿ 426 ರನ್ ​ಗಳಿಸಿದ ಜೋ ರೂಟ್​ ಪಂದ್ಯ ಶ್ರೇಷ್ಠ ಮತ್ತು ಟೂರ್ನಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಜೋ ರೂಟ್ ಈ ಸರಣಿಯಲ್ಲಿ ಸರಣಿ ಶ್ರೇಷ್ಠ ಪ್ರಶಸ್ತಿಗಳಿಸಿದ್ದಲ್ಲದೆ ಹಲವು ಮಹತ್ವದ ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.

• 2 ಪಂದ್ಯಗಳಿಂದ 426 ರನ್​ಗಳಿಸಿದ ರೂಟ್‌ಗಿದು, ಶ್ರೀಲಂಕಾ ನೆಲದಲ್ಲಿ ವಿದೇಶಿ ನಾಯಕನೊಬ್ಬನಿಂದ ದಾಖಲಾದ ಗರಿಷ್ಠ ರನ್ ಇದಾಗಿದೆ. ಈ ಹಿಂದೆ 2003ರಲ್ಲಿ ನ್ಯೂಜಿಲ್ಯಾಂಡ್​ನ ಸ್ಟೀಫನ್ ಫ್ಲಾಮಿಂಗ್​ 376, 1998ರಲ್ಲಿ 357 ರನ್​ಗಳಿಸಿದ್ದರು. 1997ರಲ್ಲಿ ಸಚಿನ್ ತೆಂಡೂಲ್ಕರ್​ 290 ರನ್​ಗಳಿಸಿದ್ದು, ಈ ಹಿಂದಿನ ದಾಖಲೆಯಾಗಿದೆ.
• ರೂಟ್​ 2ನೇ ಪಂದ್ಯದ 2ನೇ ಇನ್ನಿಂಗ್ಸ್​ನಲ್ಲಿ ಯಾವುದೇ ರನ್​ ನೀಡದೆ 2 ವಿಕೆಟ್​ ಪಡೆದ ಮೊದಲ ಬೌಲರ್​ ಎನಿಸಿಕೊಂಡರು. ಈ ಹಿಂದೆ ಭಾರತದ ಸುರೇಶ್ ರೈನಾ, ವಿಂಡೀಸ್​ನ ರಾಮನರೇಶ್ ಸರವಣ್​ ಮತ್ತು ದಕ್ಷಿಣ ಆಫ್ರಿಕಾದ ಸುಸಾನ್​ ಬೆನಡೆ 1 ರನ್​ ನೀಡಿ 2 ವಿಕೆಟ್ ಪಡೆದಿದ್ದರು.
• ಜೋ ರೂಟ್​ ಒಂದೇ ಸ್ಥಳದಲ್ಲಿ, ಒಂದೇ ಸರಣಿಯಲ್ಲಿ 2 ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಟೆಸ್ಟ್​ ಕ್ರಿಕೆಟ್​ ಇತಿಹಾಸದಲ್ಲಿ ಈ ಸಾಧನೆ ಮಾಡಿದ ಮೊದಲ ಕ್ರಿಕೆಟಿಗ ಎಂಬ ಶ್ರೇಯಕ್ಕೆ ಇಂಗ್ಲೆಂಡ್ ನಾಯಕ ಪಾತ್ರರಾದರು.
• ​ಜೋ ರೂಟ್​ ನಾಯಕನಾಗಿ ಶ್ರೀಲಂಕಾ ವಿರುದ್ಧ ಆಡಿದ 5 ಪಂದ್ಯಗಳನ್ನು ಗೆದ್ದ ಏಕೈಕ ಇಂಗ್ಲೆಂಡ್ ತಂಡದ ನಾಯಕ ಎನಿಸಿಕೊಂಡರು.