ಕೊಲಂಬೋ(ಶ್ರೀಲಂಕಾ): ಲಂಕಾ ಅಂತಾರಾಷ್ಟ್ರೀಯ ಆಟಗಾರ ಚಾಮಿಕ ಕರುಣರತ್ನೆಯ ಮುಖಕ್ಕೆ ಚೆಂಡು ತಾಗಿ ನಾಲ್ಕು ಹಲ್ಲುಗಳನ್ನು ಕಳೆದುಕೊಂಡಿದ್ದಾರೆ. ಭಾರತದಲ್ಲಿ ನಡೆಯುವ ಐಪಿಎಲ್ ರೀತಿ ಶ್ರೀಲಂಕಾದಲ್ಲಿ ಲಂಕಾ ಪ್ರೀಮಿಯರ್ ಲೀಗ್(ಎಲ್ಪಿಎಲ್) ಪಂದ್ಯ ನಡೆಯುತ್ತಿದೆ. ಕ್ಯಾಂಡಿ ಮತ್ತು ಗಾಲೆ ನಡುವಿನ ಪಂದ್ಯದ ವೇಳೆ ಕ್ಯಾಚ್ ಹಿಡಿಯುವಾಗ ಮುಖಕ್ಕೆ ಬಾಲ್ ಬಡಿದು ಎದುರಿನ ನಾಲ್ಕು ಹಲ್ಲುಗಳಿಗೆ ಪೆಟ್ಟಾಗಿದೆ.
ಘಟನೆ ನಡೆದ ತಕ್ಷಣ ಅವರನ್ನು ಗಾಲೆಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚೆಂಡು ಬಡಿದ ರಭಸಕ್ಕೆ ಮುಂದಿನ ನಾಲ್ಕು ಹಲ್ಲುಗಳಿಗೆ ಪಟ್ಟಾಗಿದೆ. ಆಲ್ ರೌಂಡರ್ ಕರುಣರತ್ನೆ ಆರೋಗ್ಯ ಸ್ಥಿರವಾಗಿದೆ ಎಂದು ತಿಳಿದು ಬಂದಿದೆ.