ದುಬೈ:ಟ್ವೆಂಟಿ-20 ವಿಶ್ವಕಪ್‌ನ ಫೈನಲ್ನಲ್ಲಿ ಆಸ್ಟ್ರೇಲಿಯಾವು ಕಿವೀಸ್‌ಗೆ(New Zealand) ಪುಟಿದೇಳಲು ಯಾವುದೇ ಅವಕಾಶ ನೀಡಲಿಲ್ಲ. ನಮ್ಮನ್ನು ಒತ್ತಡಕ್ಕೆ ಸಿಲುಕಿಸಿದ ಆಸೀಸ್ ಮೇಲುಗೈ ಸಾಧಿಸಿತು ಎಂದು ನ್ಯೂಜಿಲ್ಯಾಂಡ್ ನಾಯಕ ಕೇನ್ ವಿಲಿಯಮ್ಸನ್ (Kane Williamson) ಅಭಿಪ್ರಾಯಪಟ್ಟಿದ್ದಾರೆ.
ಟ್ವೆಂಟಿ-20 ಫೈನಲ್ (ICC T20 World Cup final) ಸೋಲಿನ ಬಳಿಕ ಮಾತನಾಡಿದ ಕೇನ್, ಟೂರ್ನಿ ಉದ್ದಕ್ಕೂ ನಮ್ಮ ಬೌಲಿಂಗ್ ಭಾರಿ ಬಲಿಷ್ಠವಾಗಿತ್ತು. ಅಲ್ಲದೇ ಪ್ರತಿ ಮೈದಾನ, ಹಾಗೂ ಇತರ ತಂಡಗಳಿಗೆ ನಾವು ಹೊಂದಿಕೊಳ್ಳುವುದು ಅಗತ್ಯವಾಗಿರುತ್ತದೆ. ದೊಡ್ಡ ಪಂದ್ಯಾವಳಿಗಳಲ್ಲಿ ಇದು ಅನಿಮಾರ್ಯ ಎಂದರು.
ಫೈನಲ್ನಲ್ಲಿ(World Cup final) ಗೆಲ್ಲಲು ಎಲ್ಲರೂ ಕೂಡ ಅತ್ಯುತ್ತಮ ಪ್ರದರ್ಶನ ನೀಡಲು ಉತ್ಸುಕರಾಗಿರುತ್ತಾರೆ. ಆದರೆ, ಆಸ್ಟ್ರೇಲಿಯಾ(Australia) ತಂಡವು ಉತ್ಕ್ರಷ್ಟ ಆಟ ತೋರಿತು. ಅವರು ನಿಜವಾಗಿಯೂ ಬಹಳ ಉತ್ತಮವಾಗಿ ಆಡಿದರಲ್ಲದೇ, ನಮ್ಮನ್ನು ಒತ್ತಡಕ್ಕೆ ಒಳಗಾಗುವಂತೆ ಮಾಡಿದರು. ನಾವು ಅಗತ್ಯ ವಿಕೆಟ್ ಪಡೆಯಲು ಸಾಧ್ಯವಾಗದಿರುವುದು ಹಿನ್ನಡೆಗೆ ಕಾರಣವಾಯಿತು ಎಂದು ಹೇಳಿದರು.