ಸುಮಾರು 2 ತಿಂಗಳಿಂದ ತಾತ್ಕಾಲಿಕವಾಗಿ ಸ್ಥಗಿತಗೊಂಡಿದ್ದ ಧಾರಾವಾಹಿಗಳ ಚಿತ್ರೀಕರಣ ಇಂದಿನಿಂದ ಆರಂಭವಾಗಿದೆ. ಸಾಮಾಜಿಕ ಅಂತರದ ಜೊತೆ ಇನ್ನಿತರ ಷರತ್ತುಗಳನ್ನು ವಿಧಿಸಿ ಧಾರಾವಾಹಿಗಳ ಚಿತ್ರೀಕರಣ ಮಾಡುವಂತೆ ಸರ್ಕಾರ ಅನುಮತಿ ನೀಡಿದೆ.
ಧಾರಾವಾಹಿಗಳ ಚಿತ್ರೀಕರಣ ಪುನಾರಂಭ... ಪ್ರಸಾರದ ಸಮಯದಲ್ಲಿ ಬದಲಾವಣೆ
ಇಂದಿನಿಂದ ಕೆಲವೊಂದು ಧಾರಾವಾಹಿಗಳ ಚಿತ್ರೀಕರಣ ಪುನಾರಂಭವಾಗಿದೆ. ವೀಕ್ಷಕರು ತಮ್ಮ ಮೆಚ್ಚಿನ ಧಾರಾವಾಹಿಗಳನ್ನು ನೋಡಲು ಕಾತರದಿಂದ ಕಾಯುತ್ತಿದ್ದು ಕೆಲವೊಂದು ಧಾರಾವಾಹಿಗಳ ಪ್ರಸಾರದ ಸಮಯದಲ್ಲಿ ಬದಲಾವಣೆಗಳಾಗಿವೆ.
ಜೂನ್ 1 ರಿಂದ ಧಾರಾವಾಹಿಗಳ ಫ್ರೆಷ್ ಎಪಿಸೋಡ್ಗಳು ಎಂದಿನಿಂತೆ ಪ್ರಸಾರವಾಗಲಿದ್ದು ಧಾರಾವಾಹಿಪ್ರಿಯರು ಜಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. ಜೊತೆ ಜೊತೆಯಲಿ, ಗಟ್ಟಿಮೇಳ, ಪಾರು, ಬ್ರಹ್ಮಗಂಟು, ಸೇರಿದಂತೆ ಹಲವು ಧಾರಾವಾಹಿಗಳ ಚಿತ್ರೀಕರಣ ಇಂದಿನಿಂದ ಆರಂಭವಾಗಿದೆ. ಈ ಧಾರಾವಾಹಿಗಳು ಜೂನ್ 1 ರಿಂದ ಪ್ರಸಾರ ಆರಂಭಿಸಲಿದೆ. ಇನ್ನು ಜೂನ್ 1ರಿಂದ ಪ್ರಸಾರವಾಗಲಿರುವ ಧಾರಾವಾಹಿಗಳ ಪ್ರಸಾರದ ಸಮಯದಲ್ಲಿ ಕೆಲವು ಬದಲಾವಣೆಗಳಾಗಿವೆ.
ರಾಧಾ ಕಲ್ಯಾಣ ಮತ್ತು ಸುಬ್ಬಲಕ್ಷ್ಮಿ ಸಂಸಾರ ಧಾರಾವಾಹಿಗಳು ಇನ್ಮುಂದೆ ಪ್ರಸಾರವಾಗುವುದಿಲ್ಲ. ಈ ಧಾರಾವಾಹಿಗಳನ್ನು ಹೊರತುಪಡಿಸಿ ಪ್ರತಿದಿನ ಸಂಜೆ ಮಾಲ್ಗುಡಿ ಡೇಸ್ 6.30ಕ್ಕೆ , ಕಮಲಿ 7 ಗಂಟೆಗೆ , ಪಾರು ರಾತ್ರಿ 7.30ಕ್ಕೆ, ಗಟ್ಟಿಮೇಳ ರಾತ್ರಿ 8.00ಕ್ಕೆ , ಜೊತೆ ಜೊತೆಯಲಿ ರಾತ್ರಿ 8.30 , ನಾಗಿಣಿ-2 ರಾತ್ರಿ 9.00ಕ್ಕೆ , ಯಾರೇ ನೀ ಮೋಹಿನಿ ರಾತ್ರಿ 9.30ಕ್ಕೆ ಹಾಗೂ10 ಗಂಟೆಗೆ ಬ್ರಹ್ಮಗಂಟು ಧಾರಾವಾಹಿಗಳು ಪ್ರಸಾರವಾಗಲಿವೆ.