ಹೆಣ್ಣು ಭ್ರೂಣ ಹತ್ಯೆ ವಿರುದ್ಧ ಅರಿವು... 'ಪ್ರೀತಿ ಇರಬಾರದೇ' ಬಿಡುಗಡೆಗೆ ಸಜ್ಜು

ಹೆಣ್ಣುಭ್ರೂಣ ಹತ್ಯೆ ವಿರುದ್ಧ ದನಿ ಎತ್ತಲು ತಯಾರಾಗಿದ್ದ ಟಾಲಿವುಡ್​ ಸಿನಿಮಾವೊಂದು ಇದೀಗ ಕನ್ನಡಕ್ಕೆ ಡಬ್ ಆಗಿ ಬಿಡುಗಡೆಯಾಗುತ್ತಿದೆ. ಚಿತ್ರಕ್ಕೆ ಡಾ. ಲಿಂಗೇಶ್ವರ್ ಬಂಡವಾಳ ಹೂಡಿದ್ದು, ನವೀನ್ ನಯಾನಿ ಈ ಚಿತ್ರ ನಿರ್ದೇಶಿಸಿದ್ದಾರೆ.

ಕನ್ನಡ ಚಿತ್ರರಂಗದಲ್ಲಿ ಈಗಾಗಲೇ ಹೆಣ್ಣು ಭ್ರೂಣ ಹತ್ಯೆ ಬಗ್ಗೆ ಹಲವಾರು ಸಿನಿಮಾಗಳು ಬಂದಿವೆ. ಇದೀಗ ತೆಲುಗಿನ ಸಿನಿಮಾವೊಂದು 'ಪ್ರೀತಿ ಇರಬಾರದೇ' ಎಂಬ ಹೆಸರಿನಲ್ಲಿ ಕನ್ನಡದಲ್ಲಿ ಡಬ್ಬಿಂಗ್ ಆಗಿ ತೆರೆ ಕಾಣುತ್ತಿದೆ.

ಈ ಸಿನಿಮಾದಲ್ಲಿ ನಟ, ನಟಿ, ನಿರ್ದೇಶಕ, ನಿರ್ಮಾಪರು ಹಾಗೂ ತಂತ್ರಜ್ಞಾನರಿಂದ ಹಿಡಿದು ಎಲ್ಲರೂ ತೆಲುಗಿನವರು. ತರುಣ್​​​​​ ತೇಜ್ ಹಾಗು ಲಾವಣ್ಯ ಎಂಬ ಯುವ ಪ್ರತಿಭೆಗಳು ಈ ಚಿತ್ರದ ಪ್ರಮುಖ ಭೂಮಿಕೆಯಲ್ಲಿದ್ದಾರೆ. ಕನ್ನಡ ಮಾತನಾಡಲು ಬರದಿದ್ದರೂ ಈ ಯುವ ನಟರು ಕನ್ನಡ ಸಿನಿಮಾವನ್ನು ನೋಡಿ ಬೆಳೆಸಿ ಎಂದು ಮನವಿ ಮಾಡಿದ್ದಾರೆ.

ಇನ್ನು ಈ ಚಿತ್ರದ ನಿರ್ಮಾಪಕ ಡಾ‌. ಲಿಂಗೇಶ್ವರ್​, ನಿರ್ದೇಶಕ ನವೀನ್ ನಯಾನಿ ಹಾಗೂ ಸಂಗೀತ ನಿರ್ದೇಶಕ ಸಾಬು ನರ್ಗಿಸ್ ಕೂಡಾ ತೆಲುಗಿನವರು. ಒಂದು ಖುಷಿಯ ವಿಚಾರ ಎಂದರೆ, ಕನ್ನಡ ಕವಿ ಕೆ. ಕಲ್ಯಾಣ್ ಬರೆದಿರುವ ಸಾಹಿತ್ಯಕ್ಕೆ ಸಾಬು ನರ್ಗಿಸ್ ಸಂಗೀತ ನೀಡಿದ್ದು, ಕನ್ನಡದ ಗಾಯಕರಾದ ಚೇತನ್ ನಾಯಕ್ ಹಾಗೂ ಅನಿರುಧ್​​​​ ಶಾಸ್ತ್ರಿ ಈ ಚಿತ್ರದ ಹಾಡುಗಳನ್ನು ಹಾಡಿದ್ದಾರೆ.

'ಪ್ರೀತಿ ಇರಬಾರದೇ' ಚಿತ್ರತಂಡ