2011 ರಲ್ಲಿ ಸುಕುಮಾರ್ ನಿರ್ದೇಶನದಲ್ಲಿ ಬಿಡುಗಡೆಯಾಗಿದ್ದ '100% ಲವ್' ಸಿನಿಮಾ ಒಳ್ಳೆ ಪ್ರತಿಕ್ರಿಯೆ ಪಡೆದಿತ್ತು. ನಂತರ ಈ ಸಿನಿಮಾ ಬೆಂಗಾಳಿ ಭಾಷೆಯಲ್ಲಿ 'ಪ್ರೇಮ್ ಕಿ ಬುಜಿನಿ' ಹೆಸರಿನಲ್ಲಿ ರೀಮೇಕ್ ಆಗಿ 2016 ರಲ್ಲಿ ಬಿಡುಗಡೆಯಾಗಿತ್ತು.
'100% ಕಾದಲ್' ನಲ್ಲಿ ಅರ್ಜುನ್ ರೆಡ್ಡಿ ನಾಯಕಿಯ ಪ್ರೇಮ್ ಕಹಾನಿ
ಸುಕುಮಾರ್ ನಿರ್ದೇಶನದ ತೆಲುಗು ಸಿನಿಮಾ '100% ಲವ್' ಈಗ ತಮಿಳಿಗೆ ರಿಮೇಕ್ ಆಗಿದ್ದು '100% ಕಾದಲ್' ಎಂದು ಹೆಸರಿಡಲಾಗಿದೆ. ಸಿನಿಮಾದಲ್ಲಿ ಅರ್ಜುನ್ ರೆಡ್ಡಿ ಖ್ಯಾತಿಯ ಶಾಲಿನಿ ಪಾಂಡೆ ನಾಯಕಿಯಾಗಿ ನಟಿಸಿದ್ದಾರೆ.
'100% ಕಾದಲ್'
'100% ಲವ್' ತೆಲುಗು ಸಿನಿಮಾದಲ್ಲಿ ತಮನ್ನಾ ಭಾಟಿಯಾ ಹಾಗೂ ನಾಗ ಚೈತನ್ಯ ಪ್ರೇಮಿಗಳಾಗಿ ಅಭಿನಯಿಸಿದ್ದರು. ಇದೀಗ ಈ ಸಿನಿಮಾ '100% ಕಾದಲ್' ಎಂಬ ಹೆಸರಿನಲ್ಲಿ ತಮಿಳು ಭಾಷೆಯಲ್ಲಿ ತಯಾರಾಗಿದೆ. ಸದ್ಯಕ್ಕೆ ಈ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದೆ. 'ಅರ್ಜುನ್ ರೆಡ್ಡಿ' ಸಿನಿಮಾದಲ್ಲಿ ವಿಜಯ್ ದೇವರಕೊಂಡ ಜೊತೆ ನಟಿಸಿದ್ದ ಗ್ಲಾಮರ್ ಗೊಂಬೆ ಶಾಲಿನಿ ಪಾಂಡೆ '100% ಕಾದಲ್' ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಶಾಲಿಗೆ ನಾಯಕನಾಗಿ ಜಿ.ವಿ. ಪ್ರಕಾಶ್ ಕುಮಾರ್ ಅಭಿನಯಿಸಿದ್ದಾರೆ. ಎಂ.ಎಂ. ಚಂದ್ರಮೌಳಿ ನಿರ್ದೇಶನದ ಈ ಸಿನಿಮಾವನ್ನು ಕ್ರಿಯೇಟಿವ್ ಸಿನಿಮಾಸ್ ಹಾಗೂ ಎನ್ಜೆ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿ ಸುಕುಮಾರ್ ಹಾಗೂ ಭುವನ ಚಂದ್ರಮೌಳಿ ನಿರ್ಮಿಸಿದ್ದಾರೆ. ಟ್ರೇಲರ್ ಬಿಡುಗಡೆಯಾದ ಒಂದೇ ದಿನದಲ್ಲಿ ಸುಮಾರು 8 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ. ನಾಸರ್ ಕೂಡಾ ಚಿತ್ರದ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು ಶೀಘ್ರವೇ ಸಿನಿಮಾ ತೆರೆ ಕಾಣಲಿದೆ.