ಕೊನೆಗೂ ಮಾತಿನ ಮನೆ ಸೇರಿದ 'ಪೊಗರು'

ಧ್ರುವ ಸರ್ಜಾ ಅಭಿನಯದ ಪೊಗರು ಚಿತ್ರದ ಡಬ್ಬಿಂಗ್​ ಶುರುವಾಗಿದೆ. ಸಿನಿಮಾದಲ್ಲಿ ತಮ್ಮ ಪಾತ್ರಕ್ಕೆ ರಾಘವೇಂದ್ರ ರಾಜ್​​ಕುಮಾರ್​ ವಾಯ್ಸ್​​ ಡಬ್​​ ಮಾಡಿದ್ದಾರೆ.

ಕಳೆದ ಎರಡೂವರೆ ವರ್ಷಗಳಿಂದ ಅಭಿಮಾನಿಗಳ ಕುತೂಹಲ ಹೆಚ್ಚಿಸಿರುವ 'ಪೊಗರು' ಚಿತ್ರ ಕೊನೆಗೂ ಮಾತಿನ ಮನೆ ಸೇರಿದೆ. ಎರಡು ವರ್ಷಗಳಿಂದ ಧ್ರುವ ಸರ್ಜಾ ಅಭಿನಯದ ಯಾವುದೇ ಚಿತ್ರ ರಿಲಿಸ್‌ ಆಗದೆ ಭರ್ಜರಿ ಹೈದನ ಅಭಿಮಾನಿಗಳಿಗೆ ನಿರಾಸೆಯಾಗಿತ್ತು.

ಆದ್ರೆ ಈ ವರ್ಷದ ಅಂತ್ಯದಲ್ಲಿ 'ಪೊಗರು' ಚಿತ್ರ ಖಂಡಿತಾ ರಿಲೀಸ್ ಮಾಡುತ್ತೇವೆ ಅಂತ ಪ್ರಾಮೀಸ್ ಮಾಡಿದ್ದ ಚಿತ್ರತಂಡ ಮತ್ತೆ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿ ಚಿತ್ರವನ್ನು ಮುಂದಿನ ವರ್ಷ ರಿಲೀಸ್ ಮಾಡುವುದಾಗಿ ಹೇಳಿತ್ತು.

ರಾಘವೇಂದ್ರ ರಾಜ್​​ಕುಮಾರ್​​​

ಕಾತುರದಿಂದ ಕಾಯುತ್ತಿರುವ ಅಭಿಮಾನಿಗಳಿಗೆ ಸದ್ಯ ಸಿಹಿ ಸುದ್ದಿ ಸಿಕ್ಕಿದ್ದು, ಏನಾದರು ಮಾಡಿ ಚಿತ್ರವನ್ನು ಜನವರಿಯಲ್ಲಿ ರಿಲೀಸ್ ಮಾಡಲೇಬೇಕು ಎಂದು ಪಣ ತೊಟ್ಟಿರುವ ನಿರ್ದೇಶಕ ನಂದ ಕಿಶೋರ್, ಸಿನಿಮಾ ಡಬ್ಬಿಂಗ್​ ಶುರು ಮಾಡಿದ್ದಾರೆ. ಚಿತ್ರತಂಡ ಡಬ್ಬಿಂಗ್​​ನಲ್ಲಿ ಬ್ಯುಸಿಯಾಗಿದ್ದು, ರಾಘಣ್ಣ ಪೊಗರು ಚಿತ್ರಕ್ಕೆ ಡಬ್ಬಿಂಗ್ ಮಾಡಿದ್ದಾರೆ. ಬಹುತೇಕ ಶೂಟಿಂಗ್ ಕಂಪ್ಲೀಟ್ ಮಾಡಿರುವ ಚಿತ್ರತಂಡ ಡಬ್ಬಿಂಗ್ ಮುಗಿಸಿ ಸಾಂಗ್ ಶೂಟ್ ಮಾಡಲು ಪ್ಲಾನ್ ಮಾಡಿದೆ. ಮದುವೆಯಾಗಿ ರಿಲ್ಯಾಕ್ಸ್ ಮೂಡ್​​ನಲ್ಲಿರುವ ಆಕ್ಷನ್ ಪ್ರಿನ್ಸ್ ಮುಂದಿನ ವರ್ಷ ತೆರೆ ಮೇಲೆ ಅಬ್ಬರಿಸೋದು ಗ್ಯಾರಂಟಿ ಎನ್ನುತ್ತಾರೆ ಅಭಿಮಾನಿಗಳು.