ಭಾರತ ಸರ್ಕಾರದ ಪ್ರೆಸ್ ಇನ್ಫರ್ಮೇಷನ್ ಬ್ಯೂರೋ (ಪಿಐಬಿ) ವತಿಯಿಂದ ಈ ವರ್ಷ ಇದೇ ಮೊದಲ ಬಾರಿಗೆ ವಿಶೇಷವಾಗಿ 15 ದಿನಗಳ ದೇಶಭಕ್ತಿ ಸಿನಿಮಾ ಚಿತ್ರೋತ್ಸವವನ್ನು ಏರ್ಪಡಿಸಲಾಗಿದೆ. ಈ ಚಿತ್ರೋತ್ಸವ ಆಗಸ್ಟ್ 7 - 21 ವರೆಗೆ ನಡೆಯಲಿದೆ.
ಕೊರೊನಾ ಭೀತಿ ಇನ್ನೂ ಕಡಿಮೆಯಾಗದೆ ಕಾರಣ, ಈ ಬಾರಿ ವೀಕ್ಷಕರಿಗೆ ಮನೆಯಲ್ಲೇ ಕುಳಿತು ಸಿನಿಮಾ ನೋಡಲು ನ್ಯಾಷನಲ್ ಫಿಲ್ಮ್ ಡೆವಲಪ್ಮೆಂಟ್ ಕಾರ್ಪೊರೇಷನ್ ಅವಕಾಶ ಮಾಡಿಕೊಡುತ್ತಿದೆ. 15 ದಿನಗಳ ಅವಧಿಯಲ್ಲಿ ಕನ್ನಡ, ಮರಾಠಿ, ತೆಲುಗು, ತಮಿಳು, ಮಲಯಾಳಂ, ಬಂಗಾಳಿ, ಗುಜರಾತಿ ಭಾಷೆಗಳ ಚಿತ್ರಗಳನ್ನು ಆಸಕ್ತರು ವೀಕ್ಷಿಸಬಹುದು. ನಾಷನಲ್ ಫಿಲ್ಮ್ ಆರ್ಕೈವ್ ಆಫ್ ಇಂಡಿಯಾ, ಚಿಲ್ಡ್ರನ್ ಫಿಲ್ಮ್ ಸೊಸೈಟಿ ವಿಭಾಗದಿಂದ ಆಯ್ದ ಸಿನಿಮಾಗಳನ್ನು ಈ ಆನ್ಲೈನ್ ವ್ಯವಸ್ಥೆಯಲ್ಲಿ ನೋಡಬಹುದು.