ಬಾಲಿವುಡ್ ಅಂಗಳದಲ್ಲಿ ಗಾಸಿಪ್ ಸುದ್ದಿಗಳಿಗೆ ಬರವೇ ಇಲ್ಲ ಬಿಡಿ. ಆ ನಟ ಈ ನಟನನ್ನು ಬೈದ್ರು. ಈ ನಟ ಆ ನಿರ್ದೇಶಕನ ಮೇಲೆ ಹರಿಹಾಯ್ದರು ಅಂತ ಹಲವಾರು ವದಂತಿಗಳು ಬರ್ತಾನೆ ಇರ್ತಾವೆ. ಈ ಪಟ್ಟಿಗೆ ಹೊಸದೊಂದು ಸುಳ್ಳು ಸುದ್ದಿ ಸೇರ್ಪಡೆಯಾಗಿದೆ. ಆ ಸುಳ್ಳು ಸುದ್ದಿ ಏನಪ್ಪ ಅಂದ್ರೆ, ನಟ ಅಕ್ಷಯ್ ಕುಮಾರ್ ಮತ್ತು ನಿರ್ದೇಶಕ ರೋಹಿತ್ ಶೆಟ್ಟಿ ಜೊತೆ ದೊಡ್ಡ ಜಗಳವಾಗಿದೆ ಅಂತ ವೆಬ್ ಸೈಟ್ ಒಂದು ಸುದ್ದಿಯನ್ನು ಹರಿಬಿಟ್ಟಿತ್ತು.
ಆದ್ರೆ ಈ ಸುದ್ದಿಗೆ ಕಿಲಾಡಿ ಅಕ್ಷಯ್ ಸಕ್ಕತ್ತಾಗಿಯೇ ಟಾಂಗ್ ಕೊಟ್ಟಿದ್ದಾರೆ. ನಿಜವಾಗಿ ಅಕ್ಷಯ್ ಮತ್ತು ನಿರ್ದೇಶಕ ರೋಹಿತ್ ಶೆಟ್ಟಿ ನಡುವೆ ಜಗಳವೇ ಆಗಿಲ್ಲ. ಆದ್ರೆ ಆ ಸುಳ್ಳು ಸುದ್ದಿಗೆ ಟಾಂಗ್ ಕೊಡಲು ಅಕ್ಷಯ್ ಮತ್ತು ಶೆಟ್ರು ಸೇರಿಕೊಂಡು ಒಂದು ನಾಟಕೀಯ ಜಗಳವನ್ನು ಹಾಡಿದ್ದಾರೆ.