ಕಬೀರ್ ಖಾನ್ ಅವರ '83' ಸಿನಿಮಾದ ತಮ್ಮ ಫಸ್ಟ್ ಲುಕ್ಅನ್ನು ದೀಪಿಕಾ ಪಡುಕೋಣೆ ಬಿಡುಗಡೆ ಮಾಡಿದ್ದು, ಪತಿ ರಣವೀರ್ ಸಿಂಗ್ ಅವರೊಟ್ಟಿಗಿರುವ ಫೋಟೊವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಅಂದಹಾಗೆ ಡಿಪ್ಸ್ ಈ ಚಿತ್ರದಲ್ಲಿ ಕಪಿಲ್ ಪತ್ನಿ ರೋಮಿ ದೇವ್ ಅವರ ಪಾತ್ರಕ್ಕೆ ಜೀವ ತುಂಬಲಿದ್ದಾರೆ.
ದೀಪಿಕಾ ಅವರ ಪಾತ್ರ ಹೇಗಿರಲಿದೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿತ್ತು. ಖುದ್ದು ಡಿಪ್ಸ್ ಅವರೇ ಈ ಕುತೂಹಲಕ್ಕೆ ತೆರೆ ಎಳೆದಿದ್ದಾರೆ.
ಕ್ರೀಡಾ ಇತಿಹಾಸದ ಅತ್ಯಂತ ಅಪ್ರತಿಮ ಕ್ಷಣಗಳಲ್ಲಿ ಒಂದನ್ನು ಸೆರೆಹಿಡಿಯುವ ಚಲನಚಿತ್ರದಲ್ಲಿ ಸಣ್ಣ ಪಾತ್ರವನ್ನು ವಹಿಸುವುದು ಒಂದು ಸಂಪೂರ್ಣ ಗೌರವವಾಗಿದೆ! 83 ಚಿತ್ರವು ಪತಿಯ ಕನಸನ್ನು ತನ್ನ ಮುಂದಿಡುವ ಪ್ರತಿಯೊಬ್ಬ ಮಹಿಳೆಗೆ ಅರ್ಪಣೆ ಎಂದು ಟ್ವೀಟ್ ಮಾಡಿದ್ದಾರೆ.
ಈ ಚಿತ್ರವು 1983 ರಲ್ಲಿ ನಡೆದ ಕ್ರಿಕೆಟ್ ವಿಶ್ವಕಪ್‌ನಲ್ಲಿ ಭಾರತದ ಮೊದಲ ವಿಜಯದ ಕಥೆಯನ್ನು ಹೇಳುತ್ತದೆ. ಆಗ ದುರ್ಬಲ ಕಪಿಲ್ ಅವರ ತಂಡವು ಫೈನಲ್‌ನಲ್ಲಿ ಪ್ರಬಲ ವೆಸ್ಟ್ ಇಂಡೀಸ್ ತಂಡವನ್ನು ಸೋಲಿಸಿರುವುದು ಚಿತ್ರದ ಕಥೆಯಾಗಿದೆ. ಚಿತ್ರವು ಏಪ್ರಿಲ್ 10, 2020 ರಂದು ಬಿಡುಗಡೆಯಾಗಲಿದೆ.