ಬೆಂಗಳೂರು: ರಾಬರ್ಟ್ ಸಿನಿಮಾ ಮಾರ್ಚ್ 11ಕ್ಕೆ ಚಿತ್ರಮಂದಿರಕ್ಕೆ ಲಗ್ಗೆ ಇಡುತ್ತಿದೆ. ಇದೇ ಖುಷಿಯಲ್ಲಿ ದರ್ಶನ್ ಅಭಿಮಾನಿಗಳು ಶಂಕರನಾಗ ಚಿತ್ರಮಂದಿರದೆದುರು ಕಟೌಟ್ ನಿಲ್ಲಿಸಿ, ಪಟಾಕಿ ಹೊಡೆದು ಸಂಭ್ರಮ ಆಚರಿಸಿದ್ದಾರೆ.
ರಾಬರ್ಟ್ ಹವಾ.. ಶಂಕರನಾಗ ಚಿತ್ರಮಂದಿರದಲ್ಲಿ 'ಡಿ ಬಾಸ್' ಕಟೌಟ್; ಅಭಿಮಾನಿಗಳ ಹಬ್ಬ
ರಾಬರ್ಟ್ ಸಿನಿಮಾ ರಿಲೀಸ್ಗೆ ಮುನ್ನವೇ ಸಖತ್ ಹವಾ ಕ್ರಿಯೇಟ್ ಮಾಡಿದೆ. ಸಿನಿಮಾ ಬಿಡುಗಡೆಗೆ 4 ದಿನ ಬಾಕಿ ಇರುವಾಗಲೇ ದಾಸನ ಅಭಿಮಾನಿಗಳು ಶಂಕರ ನಾಗ ಚಿತ್ರಮಂದಿರದಲ್ಲಿ ದರ್ಶನ್ ಕಟೌಟ್ ನಿಲ್ಲಿಸಿ ಸಂಭ್ರಮಿಸಿದ್ದಾರೆ.
ಶಂಕರ್ನಾಗ್ ಚಿತ್ರಮಂದಿರದಲ್ಲಿ ದರ್ಶನ್ ಕಟೌಟ್
ಬೆಂಗಳೂರಿನ ಹೃದಯಭಾಗ ಎಂ.ಜಿ. ರಸ್ತೆಯ ಶಂಕರನಾಗ ಚಿತ್ರಮಂದಿರದಲ್ಲಿ ಇದುವರೆಗೂ ಕೆಲ ಕನ್ನಡ ಚಿತ್ರಗಳು ಬಿಡುಗಡೆಯಾಗಿದ್ದರೂ, ಕನ್ನಡ ಚಿತ್ರಗಳ ಕಟೌಟ್ ನಿಲ್ಲಿಸಲಾಗುತ್ತಿರಲಿಲ್ಲ. ಆದರೆ ರಾಬರ್ಟ್ ಆರ್ಭಟ ಜೋರಾಗಿದ್ದು, ಚಾಲೆಜಿಂಗ್ ಸ್ಟಾರ್ ದರ್ಶನ್ ದೊಡ್ಡ ಕಟೌಟ್ ನಿಲ್ಲಿಸಲಾಗಿದೆ. ಈಗಾಗಲೇ ರಾಬರ್ಟ್ ಹವಾ ಜೋರಾಗಿದ್ದು, ಅಭಿಮಾನಿಗಳು ಸಿನಿಮಾ ನೋಡಲು ತುದಿಗಾಲಲ್ಲಿ ನಿಂತಿದ್ದಾರೆ. ಸಾಮಾನ್ಯವಾಗಿ ದರ್ಶನ್ ಚಿತ್ರವು ಬೆಂಗಳೂರಿನ ನರ್ತಕಿ ಚಿತ್ರಮಂದಿರದಲ್ಲಿ ಬಿಡುಗಡೆಯಾಗುತ್ತಿತ್ತು. ಆದರೆ ನರ್ತಕಿಯಲ್ಲಿ ಧ್ರುವ ಸರ್ಜಾರ ಪೊಗರು ಚಿತ್ರ ಪ್ರದರ್ಶನವಾಗುತ್ತಿರುವುದರಿಂದ ಸಂತೋಷ್ ಚಿತ್ರಮಂದಿರದಲ್ಲಿ ರಾಬರ್ಟ್ ರಿಲೀಸ್ ಆಗುತ್ತಿದ್ದಾನೆ.
ಈಗಾಗಲೇ ಚಿತ್ರಮಂದಿರಗಳ ಪಟ್ಟಿ ಬಿಡುಗಡೆಯಾಗಿದ್ದು, ಸೋಮವಾರ ಬೆಳಗ್ಗೆ 10 ಗಂಟೆ ನಾಲ್ಕು ನಿಮಿಷದಿಂದ ಎಲ್ಲ ಚಿತ್ರಮಂದಿರಗಳಲ್ಲೂ ನೇರವಾಗಿ ಅಡ್ವಾನ್ಸ್ ಬುಕ್ಕಿಂಗ್ ಆರಂಭವಾಗಲಿದೆ. ರಾಬರ್ಟ್ ಚಿತ್ರವು ಸಾವಿರಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿದೆ. ಈ ಪೈಕಿ ಕರ್ನಾಟಕದಲ್ಲೇ ಮಲ್ಟಿಪ್ಲೆಕ್ಸ್ ಸೇರಿದಂತೆ 500 ಹಾಗೂ ಆಂಧ್ರ, ತೆಲಂಗಾಣಗದಲ್ಲಿ 500ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ.