ನಗರದಲ್ಲಿಂದು ಸಿನಿಮಾ ಪ್ರಮೋಷನ್ಗೆ ಹಾಜರಾಗಿದ್ದ ಸತೀಶ್, ಚಿತ್ರದ ಕುರಿತು ಕೇಳಿ ಬಂದಿದ್ದ ಅಂತೆ -ಕಂತೆಗಳಿಗೆ ತೆರೆ ಎಳೆಯುವ ಪ್ರಯತ್ನ ಮಾಡಿದ್ರು. ಚಂಬಲ್ ಕಾಲ್ಪನಿಕ ಚಿತ್ರವಾಗಿದ್ದು, ಐಎಎಸ್ ಅಧಿಕಾರಿ ಡಿ.ಕೆ. ರವಿ ನಿಗೂಢ ಸಾವಿನ ಬಗ್ಗೆ, ಬೇರೆಯವರಿಗೆ ಸಂಬಂಧಿಸಿದ ವಿಷಯಗಳಾಗಲೀ ಈ ಸಿನಿಮಾದಲ್ಲಿಲ್ಲ. ಐಎಎಸ್ ಅಧಿಕಾರಿ ಪಾತ್ರದಲ್ಲಿ ನಟಿಸಿದ್ದೇನೆ. ಹಾಗೆಂದ ಮಾತ್ರಕ್ಕೆ ಇದು ಡಿ.ಕೆ. ರವಿ ಅವರಿಗೆ ಸಂಬಂಧಿಸಿದ ಸಿನಿಮಾವಲ್ಲ. ಇದೊಂದು ಥ್ರಿಲ್ಲರ್ ಕಥಾ ಹಂದರ ಹೊಂದಿರುವ ಸಿನಿಮಾ ಎಂದು ಸತೀಶ್ ಸ್ಪಷ್ಟಪಡಿಸಿದ್ದಾರೆ.
ಹತ್ತು ಕೋಟಿ ರೂಪಾಯಿ ಆಫರ್ ಮಾಡಿ ಚಂಬಲ್ ಸಿನಿಮಾ ಖರೀದಿಗೆ ನೆಟ್ವಫಿಕ್ಸ್ ಮುಂದಾಗಿತ್ತು. ಆದ್ರೆ ನಾವು ಕೊಟ್ಟಿಲ್ಲ. ಕಾರಣ ಈ ಸಿನಿಮಾ ಜನರಿಗೆ ತಲುಪುವಂತಾಗಬೇಕು. ಈ ನಿಟ್ಟಿನಲ್ಲಿ ಸುಮಾರು 200 ಚಿತ್ರಮಂದಿರಗಳಲ್ಲಿ ಚಿತ್ರ ಬಿಡುಗಡೆಯಾಗಲಿದೆ. ಚಂಬಲ್ನಲ್ಲಿ ಪೂಲನ್ ದೇವಿ ದರೋಡೆ ಮಾಡುವಂತೆ ಇಲ್ಲಿಯೂ ದರೋಡೆ ಕೋರರಿದ್ದಾರೆ. ಚಂಬಲ್ಗೆ ಹೋಗಿ ಸಿನಿಮಾ ಶೂಟಿಂಗ್ ಮಾಡಿಲ್ಲ. ಚಂಬಲ್ ಅಂತಾ ಆಕರ್ಷಕ ಶೀರ್ಷಿಕೆ ಇಡಲಾಗಿದೆ. ಈ ಸಿನಿಮಾದಲ್ಲಿ ನನ್ನದು ಸವಾಲಿನ ಪಾತ್ರ. ನಿರ್ದೇಶಕ ಜೇಕಬ್ ವರ್ಗೀಸ್ ನನ್ನನ್ನು ಬೇರೆಯದೇ ರೀತಿಯಲ್ಲಿ ತೋರಿಸಿದ್ದಾರೆ ಎಂದು ಸತೀಶ್ ಹೇಳಿದ್ರು.
ಇನ್ನು ಚಂಬಲ್ ಚಿತ್ರದಲ್ಲಿ ನೀನಾಸಂ ಸತೀಶ್ಗೆ ಸೋನುಗೌಡ ನಾಯಕಿ. ಸವಾರಿ, ಸವಾರಿ-೨, ಪೃಥ್ವಿಯಂಥ ವಿಭಿನ್ನ ಚಿತ್ರಗಳನ್ನು ನಿರ್ದೇಶಿಸಿದ್ದ ಜೇಕಬ್ ವರ್ಗೀಸ್ ನಿರ್ದೇಶನದ ಈ ಚಿತ್ರದಲ್ಲಿ ರೋಜರ್ ನಾರಾಯಣ್, ಕಿಶೋರ್, ಗಿರಿಜಾ ಲೋಕೇಶ್, ಅಚ್ಯುತ್ ಕುಮಾರ್ ಸೇರಿದಂತೆ ಇತರರ ತಾರಾಗಣವಿದೆ. ಗೋದ್ರಾ ನಿರ್ದೇಶಕ ನಂದೀಶ್ ಚಿತ್ರಕಥೆ ಬರೆದಿದ್ದು, ಶರತ್ ಚಕ್ರವರ್ತಿ ಸಂಭಾಷಣೆ ಬರೆದಿದ್ದಾರೆ. ಈ ಚಿತ್ರಕ್ಕೆ ಲೂಸಿಯಾ ಖ್ಯಾತಿಯ ಪೂರ್ಣಚಂದ್ರ ತೇಜಸ್ವಿ ಸಂಗೀತ ಸಂಯೋಜನೆ ಮಾಡಿದ್ದು, ನಾಲ್ಕು ಹಾಡುಗಳಿವೆ. ಇದೇ 22 ರಂದು ಚಿತ್ರ ಬಿಡುಗಡೆಯಾಗುತ್ತಿದೆ.
