ಒಂದು ಕಾಲದಲ್ಲಿ ಸಿನಿಮಾಗಳಲ್ಲಿ ನಾಯಕನಾಗಿ ಮಿಂಚಿದ್ದ ನಟ ಜಗಪತಿ ಬಾಬು ಈಗ ಸ್ಟೈಲಿಷ್ ವಿಲನ್ ಆಗಿ ಘರ್ಜಿಸುತ್ತಿದ್ದಾರೆ. ವಿಲಕ್ಷಣ ಪೋಷಕ ಪಾತ್ರಕ್ಕೆ ಕೇರ್ ಆಫ್ ಆಗಿ ಬದಲಾಗಿರುವ ಜಗ್ಗೂಭಾಯ್, ಸಾಮಾಜಿಕ ಮಾಧ್ಯಮದಲ್ಲಿ ಕೂಡಾ ಬಹಳ ಆ್ಯಕ್ಟಿವ್ ಇದ್ದಾರೆ. ತಮ್ಮ ಸಿನಿಮಾ ಹಾಗೂ ಇತರ ವಿಚಾರಗಳ ಬಗ್ಗೆ ಜಗಪತಿ ಬಾಬು ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳುತ್ತಿರುತ್ತಾರೆ.
ಈ ಫೋಟೋದಲ್ಲಿರುವ ಖ್ಯಾತ ನಟ ಯಾರು ಗುರುತಿಸಿ...!
ಯೇಸುಕ್ರಿಸ್ತನ ರೂಪದಲ್ಲಿರುವ ಫೋಟೋವೊಂದನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿರುವ ನಟ ಜಗಪತಿ ಬಾಬು ಅಭಿಮಾನಿಗಳ ತಲೆಯಲ್ಲಿ ಹುಳು ಬಿಟ್ಟಿದ್ದಾರೆ. ಈ ಫೋಟೋವನ್ನು ಜಗಪತಿ ಬಾಬು ಏಕೆ ಅಪ್ಲೋಡ್ ಮಾಡಿದ್ದಾರೆ ಎಂದು ತಿಳಿಯದೆ ಅಭಿಮಾನಿಗಳು ಉತ್ತರ ಹುಡುಕುವಲ್ಲಿ ಬ್ಯುಸಿಯಾಗಿದ್ದಾರೆ.
ಇದನ್ನೂ ಓದಿ:ಸಂಭಾವನೆ ಇಲ್ಲದೆ ಆ ಮಹತ್ಕಾರ್ಯ ಮಾಡಲು ಒಪ್ಪಿಕೊಂಡ ಚಾಲೆಂಜಿಂಗ್ ಸ್ಟಾರ್
ಇತ್ತೀಚೆಗೆ ಜಗಪತಿ ಬಾಬು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಫೋಟೋ ಅಭಿಮಾನಿಗಳಿಗೆ ಆಶ್ಚರ್ಯ ಮೂಡಿಸಿದೆ. ಜಗಪತಿ ಬಾಬು ಯೇಸುಕ್ರಿಸ್ತನ ರೂಪದಲ್ಲಿ ಕಾಣಿಸಿಕೊಂಡಿದ್ದಾರೆ. ಮುಳ್ಳಿನ ಕಿರೀಟ ತೊಟ್ಟು, ರಕ್ತಸಿಕ್ತ ಕೈ-ಕಾಲುಗಳನ್ನು ಶಿಲುಬೆಗೆ ಕಟ್ಟಿರುವ ಫೋಟೋ ನೋಡಿ ಅಭಿಮಾನಿಗಳು ಕನ್ಫ್ಯೂಸ್ ಆಗುತ್ತಿದ್ದಾರೆ. ಆದರೆ ಜಗಪತಿಬಾಬು ಮಾತ್ರ ಈ ರೀತಿಯ ಫೋಟೋ ಏಕೆ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದೇನೆ, ಏಸುಕ್ರಿಸ್ತನ ರೂಪ ತಾಳಿರುವ ಕಾರಣ ಏನು ಎಂಬುದನ್ನು ಮಾತ್ರ ರಿವೀಲ್ ಮಾಡಿಲ್ಲ. ಆದರೆ ಅಭಿಮಾನಿಗಳಿಗೆ ಮಾತ್ರ ಇದು ತಲೆ ತಿನ್ನುತ್ತಿದೆ. ಜಗಪತಿ ಬಾಬು ಯಾವುದಾದರೂ ಸಿನಿಮಾದಲ್ಲಿ ಯೇಸುಕ್ರಿಸ್ತನ ಪಾತ್ರದಲ್ಲಿ ನಟಿಸುತ್ತಿದ್ದಾರಾ..? ಸುಮ್ಮನೆ ಈ ರೀತಿ ಮೇಕಪ್ ಮಾಡಿಕೊಂಡಿದ್ದಾರಾ..?ಅಥವಾ ಇತರ ಯಾವ ಕಾರಣ ಇರಬಹುದು ಎಂದು ಯೋಚಿಸುತ್ತಿದ್ದಾರೆ. ಆದರೆ ಇದಕ್ಕೆಲ್ಲಾ ಜಗಪತಿ ಬಾಬು ಏನು ಉತ್ತರ ನೀಡಲಿದ್ದಾರೆ ಎಂದು ತಿಳಿಯಲು ಇನ್ನೂ ಸ್ವಲ್ಪ ದಿನಗಳು ಕಾಯಬೇಕು.